ਪੰਜਾਬੀ ਦੇ ਅੱਖਰੀਂ, ਲਿਖਿਆ ਗੁਰੂ ਗਰੰਥ,
ਗੁਰ ਦਸ਼ਮੇਸ਼ ਨੇ ਸਾਰਿਆ, ਇਸ ਦੀ ਖਾਤਿਰ ਪੰਥ ।

ਇਸ ਵਿਚ ਦੋਹੇ ਸ਼ਕਗਰੰਜ, ਇਸ ਵਿਚ ਸੰਤ ਕਬੀਰ,
ਬੋਲੀ ਦੇਸ ਪੰਜਾਬ ਦੀ, ਯਾਰੋ ਬਹੁਤ ਅਮੀਰ ।
...
ਪੰਜਾਬੀ ਵਿਚ ਸੀ ਰਚੀ, ਵਾਰਸ ਸ਼ਾਹ ਨੇ ਹੀਰ,
ਹਾਸ਼ਮ ਸ਼ਾਹ, ਬਟਾਲਵੀ, ਬੋਲ ਬ੍ਰਿਹਾ ਦੇ ਤੀਰ ।

ਪੰਜਾਬੀ ਨੂੰ ਜੋ ਆਖ਼ਦਾ, ਹੈ ਭਾਸ਼ਾ ਗੰਵਾਰ,
ਉਹ ਬੱਸ ਆਪ ਗਵਾਰ ਹੈ, ਜਿਹਨ ਤੋਂ ਹੈ ਬਿਮਾਰ ।

ਜਾਨ ਪੰਜਾਬੀ ਹੈ ਮੇਰੀ ਪੰਜਾਬੀ ਪਹਿਚਾਣ,
ਗੌਰਵ ਹੇ ਇਹ ਕੌਮ ਦਾ, ਵਤਨ ਦਾ ਹੈ ਇਹ ਮਾਣ ।

ਹਿੰਦੂ ਸਿੱਖ ਇਸਾਈਆਂ, ਦੀ ਹੈ ਸਾਂਝੀ ਮਾਂ,
ਪੰਜਾਬੀ ਪੰਜਾਬ ਦੇ ਵਿਹੜੇ ਵਿਹੜੇ ਛਾਂ ।

ਅੰਗਰੇਜੀ ਨੂੰ ਤਖ਼ਤ ਤੇ ਜਿਹੜੇ ਰਹੇ ਬਿਠਾਲ,
ਉਹ ਨੇ ਤੇਜਾ ਸਿੰਘ ਮਿਸਰ, ਲਾਲ ਸਿੰਘ ਭਾਈਵਾਲ ।

ਪੰਜਾਬੀ ਨੂੰ ਜੋ ਆਖ਼ਦਾ, ਹੈ ਭਾਸ਼ਾ ਗੰਵਾਰ,
ਉਹ ਬੱਸ ਆਪ ਗਵਾਰ ਹੈ, ਜਿਹਨ ਤੋਂ ਹੈ ਬਿਮਾਰ ।

sahi gall aa Bittu 22 G....good one...tfs

ਬਹੁਤ ਖੂਬ ਲਿਖਿਆ ਬਿੱਟੂ ਵੀਰ ....ਜੀਓ