ਖੁਦਾ ਤੋਂ ਮਿਲੀ ਇਕ ਰਹਿਮਤ ਦੀ ਮੈਂ ਗੱਲ ਕਰਾਂ ਦੋਸਤਾ ,
ਰਾਹਾਂ ਦੇ ਇਕ ਸਾਥੀ ਦੀ ਮੈਂ ਗੱਲ ਕਰਾਂ ਦੋਸਤਾ |

ਚਿਰਾਂ ਤੋਂ ਹੀ ਸਾਡੇ ਬਹੁਤ ਗੂੜ੍ਹੇ ਸਾਥ ਨੇ ,
ਜਿਵੇਂ ਧਰਤੀ ਤੇ ਰੁੱਖ ਜਾਂ ਸੁਰਾਂ ਨਾਲ ਸਾਜ਼ ਨੇ |
ਬਹਿ ਕੇ ਜਿਦ੍ਹੇ ਕੋਲ ਮੈਂ ਦੁਖੜੇ ਸੁਣਾਏ ਨੇ ,
ਚੌਰੀ-ਚੌਰੀ ਰੂਹ ਵਾਲੇ ਫੱਟ ਵੀ ਦਿਖਾਏ ਨੇ |

ਓਹ ਲੱਗੇ ਜ਼ਿੰਦਗੀ ਦੇ ਹਨ੍ਹੇਰਿਆਂ ਦਾ ਕੋਈ ਚੰਨ ਮੇਰੇ ਦੋਸਤਾ,
ਰਾਹਾਂ ਦੇ ਇਕ ਸਾਥੀ ਦੀ ਮੈਂ ਗੱਲ ਕਰਾਂ ਦੋਸਤਾ |

ਜਦ ਸਿਰ ਓਹਦੇ ਮੋਢੇ ਲਾ , ਮੈਂ ਅੱਥਰੂ ਬਹਾਏ ਨੇ
ਓਹਦੇ ਪਿਆਰ ਦੀ ਗਲਵਕੜੀ ਦੇ ਨਿੱਘ ਸਦਾ ਪਾਏ ਨੇ |
ਜਦ ਜ਼ਿੰਦਗੀ ਦੀਆਂ ਧੁੱਪਾਂ ਨੇ , ਮੇਰੇ ਅਰਮਾਨ ਤਪਾਏ ਨੇ
ਤਦ ਭਰੋਸੇ ਦੀਆਂ ਛਾਵਾਂ ਦੇ ਰੁੱਖ ਓਹਨੇ ਲਾਏ ਨੇ |

ਓਹ ਲੱਗੇ ਭਾਗਾਂ ਦੀ ਤਿਜੌਰੀ ਦਾ ਕੋਈ ਹੀਰਾ ਮੇਰੇ ਦੋਸਤਾ ,
ਰਾਹਾਂ ਦੇ ਇਕ ਸਾਥੀ ਦੀ ਮੈਂ ਗੱਲ ਕਰਾਂ ਦੋਸਤਾ |

ਜਦ ਗਮ ਦੇ ਸਮੁੰਦਰਾਂ ਨੇ , ਮੇਰੀ ਜਿੰਦ ਨੂੰ ਘੇਰੇ ਪਾਏ ਨੇ
ਤਦ ਬਣ ਕੇ ਮਲਾਹ ਓਹਨੇ ਬੇੜੇ ਪਾਰ ਲਾਏ ਨੇ |
ਜਦ ਔਕੜਾਂ ਨੇ ਮੇਰੇ ਰਾਹਾਂ ਦੇ ਚਾਨਣ ਮੁਕਾਏ ਨੇ ,
ਤਦ ਆਸਾਂ ਦੀ ਲੋਅ ਦੇ ਦੀਵੇ ਓਹਨੇ ਲਾਏ ਨੇ |

ਓਹ ਸਾਥੀ ਕੋਈ ਹੋਰ ਨਹੀਂ , ਮੇਰੀ ਤਨਹਾਈ ਮੇਰੇ ਦੋਸਤਾ
ਰਾਹਾਂ ਦੇ ਇਕ ਸਾਥੀ ਦੀ ਮੈਂ ਗੱਲ ਕਰਾਂ ਦੋਸਤਾ |

ਮੇਰੀ ਉਸ ਤਨਹਾਈ ਨੇ ਮੇਰੇ ਸਿਰ ਪਿਆਰ ਦੇ ਕਰਜ਼ੇ ਚੜਾਏ ਨੇ ,
ਮੁਸੀਬਤਾਂ ਵੇਲੇ ਮੇਰੇ ਲਈ ਸਹਾਰੇ ਕਈ ਬਣਾਏ ਨੇ ,
ਦਰਦਾਂ ਨੂੰ ਸਹਿਣ ਦੇ ਕਈ ਰਾਜ਼ ਵੀ ਸਿਖਾਏ ਨੇ ,
ਮੈਂ ਓਹਦੇ ਸੁੱਖਾਂ ਲਈ ਰੱਬ ਅੱਗੇ ਸੀਸ ਝੁਕਾਏ ਨੇ |

ਨਹੀਂ ਲੱਭਣਾ ਓਹਦੇ ਜਿਹਾ ਕੋਈ ਹੋਰ ਮੇਰੇ ਦੋਸਤਾ,
ਰਾਹਾਂ ਦੇ ਇਕ ਸਾਥੀ ਦੀ ਮੈਂ ਗੱਲ ਕਰਾਂ ਦੋਸਤਾ |

( Written by: Pradeep gupta )

bhut kamaal da likhia hai...prde prde kafi interest paida hunda hai ....great work! 

bahut hi rochag te bhavnava naal bharpoor rachna hai....bahut wadiya likheya veer...thanks for sharing...!!!

Wah jee wah...bahut khoob...share karan layi THANKS

ਬਹੁਤ ਵਧੀਆ ਲਿਖਿਆ , ਲਿਖਦੇ ਰਹੋ..

@Rajwinder...

@Navdeep..

@Balihar..

@Gurdeep..

ਇਸ ਰਚਨਾ ਨੂੰ ਸਲਾਹੁਣ ਲਈ ਤੁਹਾਡਾ ਸਭ ਦਾ ਬਹੁਤ ਧੰਨਵਾਦ ਜੀ..... ਖੁਸ਼ ਰਹੋ |

very good pardeep veer,,,jio,,,

ਸ਼ੁਕਰੀਆ ਹਰਪਿੰਦਰ ਵੀਰ ਜੀ |

ਬਹੁਤ ਖੂਬਸੂਰਤ ਤੇ ਪਿਆਰਾ ਗੀਤ ਲਿਖਿਆ ਤੁਸੀਂ ।

ਸੱਚ ਹੈ ਕਿ ਇੱਕ ਕਵੀ ਮਨ ਲਈ ਤਨਹਾਈ ਤੋਂ ਵੱਡਾ ਹੋਰ ਕੋਈ ਸਾਥੀ ਨਹੀਂ ਹੁੰਦਾ ।

ਅਤੇ ਜਦੋਂ ਅਸੀਂ ਇਕੱਲੇ ਹੁੰਦੇ ਹਾਂ ਤਾਂ ਸਾਡੇ ਨਾਲ ਨਾਲ ਸਾਡੇ ਵਿਚਾਰਾਂ ਦਾ ਕਾਫਲਾ ਤੁਰਦਾ ਹੈ ।

ਹੋਰ ਵੀ ਸੋਹਣਾ ਸੋਹਣ ਲਿਖਦੇ ਰਹੋ

ਰੱਬ ਰਾਖਾ ☬

bahut sohna likhia veer ji