ਦੋਸਤੋ ਇਕ ਪਿਆਰਾ ਜਿਹਾ ਗੀਤ ਆਪ ਨਾਲ ਸਾਂਝਾ ਕਰਨ ਲੱਗਾ ਹਾਂ,,,ਉਮੀਦ ਹੈ ਆਪ ਨੂੰ ਪਸੰਦ ਆਵੇਗਾ ,,,

 

ਆਉਂਦੀ ਤੇਰੀ ਯਾਦ ਵੀਰਨਾਂ,

ਸੁਣ ਮੇਰੀ ਫਰਿਆਦ ਵੀਰਨਾਂ ,

ਇਕ ਦਿਨ ਆਖਰ ਮੁੱਕ ਜਾਣੀਂ,

ਵੇ ਮੇਰੀ ਜਿੰਦ ਗਮਾਂ ਵਿਚ ਜਕੜੀ ਵੇ,,,

ਤੂੰ ਨਾਂ ਵਤਨੀਂ ਮੁੜਿਆ ਵੀਰਾ ,

ਦੱਸ ਕੀਹਦੇ ਬੰਨਾਂ ਰੱਖੜੀ ਵੇ,,,

 

ਮਾਂ ਵੀ ਤੈਨੂੰ ਚੇਤੇ ਕਰਦੀ,

ਹਰ ਪਲ ਵੀਰਾ ਰਹਿੰਦੀ ਮਾਰਦੀ,

ਸੀਨੇ ਲਾਕੇ ਫੋਟੋ ਤੇਰੀ,

ਸਾਰੀ ਰਾਤ ਓਹ੍ਹ ਹੌਂਕੇ ਭਰਦੀ,,,

ਅੰਦਰੋਂ ਅੰਦਰੀ ਧੁੱਖਦੀ ਰਹਿੰਦੀ,

ਜਿਵੇਂ ਧੁੱਖਦੀ ਗਿੱਲੀ ਲਕੜੀ ਵੇ,,,

ਤੂੰ ਨਾਂ ਵਤਨੀਂ ਮੁੜਿਆ ਵੀਰਾ ,

ਦੱਸ ਕੀਹਦੇ ਬੰਨਾਂ ਰੱਖੜੀ ਵੇ,,,

 

ਬਾਪੂ ਵੀ ਹੁਣ ਤੁਰਨੋਂ ਰਹਿ ਗਿਆ,

ਦਰਦ ਤੇਰਾ ਦਿਲ ਲਾਕੇ ਬਹਿ ਗਿਆ,

ਸ਼ਾਹੂਕਾਰ ਘਰ ਆਕੇ ਇੱਕ ਦਿਨ,

ਕਾਗ਼ਜ ਤੇ ਗੂਠਾ ਲਾਕੇ ਲੈ ਗਿਆ,,,

ਫਸ ਗਏ ਆਪਾਂ ਜਾਲ ਚ ਵੀਰਾ,

ਕਰਜ਼ੇ ਵਾਲੀ ਮਕੜੀ ਦੇ,,,

ਤੂੰ ਨਾਂ ਵਤਨੀਂ ਮੁੜਿਆ ਵੀਰਾ ,

ਦੱਸ ਕੀਹਦੇ ਬੰਨਾਂ ਰੱਖੜੀ ਵੇ,,,

 

 

ਤੇਰੀ ' ਡਿਗਰੀ ' ਦਾ ਮੁੱਲ ਜੇ ਪੈਂਦਾ,

ਫਿਰ ਕਾਹਨੂੰ ਜਾ ਪਰਦੇਸੀਂ ਬਹਿੰਦਾ,

ਵੋਟਾਂ ਲੈਣ ਤੋ ਬਾਅਦ " ਹਰਪਿੰਦਰ ",

ਕਿਓਂ ਹਾਕਮ ਸਾਡੀ ਸਾਰ ਨੀਂ ਲੈਂਦਾ,,,

ਹੁਣ ' ਪੰਜਾ ' ਪੱਗ ਨੂੰ ਹੱਥ ਹੈ ਪਾਉਂਦਾ,

ਤੇ ਝੂਠ ਤੋਲਦੀ ' ਤੱਕੜੀ ' ਵੇ,,,

ਤੂੰ ਨਾਂ ਵਤਨੀਂ ਮੁੜਿਆ ਵੀਰਾ ,

ਦੱਸ ਕੀਹਦੇ ਬੰਨਾਂ ਰੱਖੜੀ ਵੇ,,,

                                          ਹਰਪਿੰਦਰ " ਮੰਡੇਰ "

ਧੰਨਵਾਦ,,,ਗਲਤੀ ਮਾਫ਼ ਕਰਨੀਂ,,,

 

ਇਸ ਗੀਤ ਨੂੰ ਆਪਣਾ ਕੀਮਤੀ ਸਮਾਂ ਦੇਣ ਤੇ ਐਨਾ ਮਾਣ ਬਖਸ਼ਣ ਲਈ ਧੰਨਵਾਦ ਮਾਵੀ ਵੀਰ ਜੀ,,,

Bahut sohna te bhavuk song . . . . Kamaal di maala piroyi a jajbaata di . Eda hi likhde rho shukaria

ਇਸ ਗੀਤ ਨੂੰ ਪੜਨ ਤੇ ਪਸੰਦ ਕਰਨ ਲਈ ਧੰਨਵਾਦ ਗੁਰਮਿੰਦਰ ਵੀਰ,,,

realy very very nycc......veer ji.......

ਬਹੁਤ ਹੀ ਭਾਵਨਾਤਮਕ ਲਿਖਿਆ | ਸਚਮੁੱਚ ਅੱਖਾਂ ਭਰ ਆਇਆਂ ਪੜਕੇ | ਲਿਖਦੇ ਰਹੋ ਪਰਮਾਤਮਾ ਤੁਹਾਨੂੰ ਖੁਸ਼ ਰੱਖੇ |

ਐਨੇ ਪਿਆਰ ਲਈ ਸ਼ੁਕਰੀਆ ਦੋਸਤੋ,,,ਜਿਓੰਦੇ ਵੱਸਦੇ ਰਹੋ,,,