ਰੇਪ ਕੇਵਲ ਸਰੀਰਕ ਹੀ ਨਹੀਂ ਹੁੰਦਾ,
ਇਹ ਮਾਨਸਿਕ ਵੀ ਹੁੰਦੈ...
ਆਤਮਿਕ, ਆਰਥਿਕ
ਤੇ ਧਾਰਮਿਕ ਵੀ ਹੁੰਦੈ...
.
ਰੇਪ, ਉਹ ਵੀ ਹੁੰਦੈ ਜੋ,
ਲੋਕਤੰਤਰ ਨਾਲ ਵੋਟ-ਬੈਂਕ ਕਰਦੇ ਨੇ...
ਜੋ ਕੁੜੀਆਂ ਦੀਆਂ ਤਸਵੀਰਾਂ ਤੇ
ਅਸ਼ਲੀਲ ਕੁਮੈਂਟ ਕਰਦੇ ਨੇ...
.
ਰੇਪ, ਜੋ ਮਾਸੂਮਾਂ ਨਾਲ ਹੰਕਾਰੀ ਬੁੱਤ ਕਰਦੇ ਨੇ...
ਜੋ ਗੁਰੂ-ਪੀਰਾਂ ਦੀ ਧਰਤੀ ਨਾਲ 'ਪਿਉ-ਪੁੱਤ' ਕਰਦੇ ਨੇ...
.
ਰੇਪ, ਸਾਡੀ ਮਾਂ-ਬੋਲੀ ਨਾਲ ਵੀ ਹੁੰਦੈ...
ਜਿਹੜੇ 'ਯੋ-ਯੋ' ਵਰਗੇ ਗੰਦ ਨੂੰ ਅਸੀਂ ਰੈਪ ਕਹਿਨੇ ਆਂ...
.
ਰੇਪ, ਜੋ ਲਿਖਾਰੀ ਆਪਣੀ ਹੀ ਕਲਮ ਨਾਲ ਕਰਦੈ,
ਜਦੋਂ ਉਹਨੂੰ 'ਨੰਨ੍ਹੀ ਛਾਂ' ਜਿਹੇ ਸਟੰਟਾਂ ਦੀ ਉਸਤਤ ਲਈ
ਚੁੱਕਦੈ...
.
ਉਹ ਵੀ ਤਾਂ ਰੇਪ ਹੀ ਹੁੰਦੈ,
ਜੋ ਹਰ ਔਰਤ, ਹਰ ਲੜਕੀ ਨਾਲ,
ਅਸ਼ਲੀਲ ਅੱਖ ਕਰਦੀ ਹੈ...
.
.ਤੇ ਕੀ ਪਤਾ,
ਗੁਰੂ ਨਾਨਕ ਦੀ ਫ਼ੋਟੋ ਅੱਗੇ ਜਗਦੀ ਜੋਤ,
ਉਹਦੀ ਆਤਮਾ ਨੂੰ
ਰੇਪ ਜਿਹਾ ਅਹਿਸਾਸ ਹੀ ਕਰਾਉਂਦੀ ਹੋਵੇ...
.
ਅਜਿਹੇ ਹਜ਼ਾਰਾਂ ਰੇਪ ਹਰ-ਰੋਜ਼ ਹੁੰਦੇ ਨੇ...
ਕਿਉਂਕਿ
ਅਸੀਂ ਤਾਂ ਹੁਣ
ਰੇਪ ਨੂੰ ਇੰਜੋਏ ਕਰਦੇ ਹਾਂ ..

ਜਗਸੀਰ ਕੋਟਭਾਈ