(ਧੀਆਂ ਨੂੰ ਕੋਈ ਦੁਖ ਤਕਲੀਫ਼ ਹੋਏ ਤਾਂ ਉਨ੍ਹਾਂ ਨੂੰ ਝੱਟ ਮਾਂ ਦੀ ਯਾਦ ਆਉਂਦੀ ਹੈ | ਬਸ ਅਜਿਹੇ ਹਾਲਾਤ ਤੇ ਇਕ ਨਿੱਕੀ ਜਿਹੀ ਨਜ਼ਮ ਪੇਸ਼ ਹੈ ਆਪ ਜੀ ਦੀ ਨਜਰ, ਪਾਠਕੋ)

 

       ਅੰਮੀ ਦੀ ਯਾਦ 

 

ਕਿਵੇਂ ਭੁਲਾਵਾਂ ਰਾਜ ਤੇਰੇ ਦੇ

ਅਲ੍ਹੜ ਪੁਣੇ 'ਤੇ ਮੌਜਾਂ,

ਜੋ ਤੂੰ ਲਾਡ ਲਡਾਏ ਨੀਂ ਅੰਮੀਏਂ,

ਉਹ ਬਾਬਲ ਦੀਆਂ ਗਲੀਆਂ |

 

ਮਿੱਠੀ ਝਿੜਕੀ ਯਾਦ ਆਵੇ

ਤਾਂ ਚੰਗਾ ਕੁਝ ਨਾ ਲੱਗੇ,

ਵਸਦਾ ਸਾਰਾ ਜੱਗ ਦੁਆਲੇ,

ਪਰ ਜਾਪੇ ਮੈਂ (ਇ)ਕੱਲੀ ਆਂ |

 

ਧੀ ਦੇ ਸਕੇ ਨਾ ਮਾਂ ਦੀ ਅੰਮੀਏਂ,

ਹੋਏ ਦੇਸਾਂ ਦੀ ਰਾਣੀ,

ਸੌ ਪੁੰਨੂ ਉਹ ਵਾਰੇ ਭਾਵੇਂ

ਲੱਖ ਡਾਚੀ ਸਣ ਟੱਲੀਆਂ |

 

ਕੌਣ ਲਏ ਤੇਰੇ ਬਿਨ ਦਿਲ ਦੀ,

ਵੇਖ ਬਹੁੜ ਕੇ ਮਾਏ,

ਧੁੱਪੇ ਲੂਸੀਆਂ ਰੀਝਾਂ ਨੀਂ

ਜੋ ਤੇਰੀ ਛਾਵੇਂ ਪਲੀਆਂ |   

 

ਸੁਪਨੇ ਵਿਚ ਹੀ ਮਿਲ ਅੰਮੀਏਂ,

ਕੋਈ ਦਰਦ ਵੰਡਾ ਜਾ ਧੀ ਦੇ,

ਵਿੰਨ੍ਹਣ ਤੇਰੀ ਯਾਦ ਦੀਆਂ ਸੂਲਾਂ

ਅਹਿਸਾਸ ਮੇਰੇ ਦੀਆਂ ਤਲੀਆਂ |

 

                   ਜਗਜੀਤ ਸਿੰਘ ਜੱਗੀ

 

 

ਜਗਜੀਤ ਸਰ ਜੀ ਇਕ ਵਾਰ ਫਿਰ ਤੋਂ ਭਾਵਕਤਾ ਦੇ
ਡੂੰਗੇ ਸਮੁੰਦਰ ਵਿਚ ਗੋਤਾ ਲਗਵਾ ਦਿੱਤਾ ਜੀ
ਤੇ ਕੁਝ ਸਤਰਾਂ ਅਪਣੀ ਕਵਿਤਾ ਦੀਆਂ ਲਿਖਣ ਲੱਗਾ ਗੁਸਤਾਖੀ ਮਾਫ ਜੀ

ਕਿਵੇਂ ਲਿਖੇ ਧੀਆਂ ਵਾਲੇ ਲੇਖ ਵੇ
ਉਹ ਨਾਂ ਜਾਣੇ ਅਪਣਾ ਹੀ ਦੇਸ ਵੇ
ਬਿਹ ਕੇ ਡੋਲੀ ਜਦ ਉੱਸ ਤੁਰ ਜਾਣਾ
ਬਦਲੇਗੀ ੳੁੱਹ ਫਿਰ ਕਿੰਨੇ ਹੀ ਭੇਸ ਵੇ

ਭੇਸ ਬਦਲਣ ਦਾ ਭਾਵ ਉੱਸ ਦੇ ਅਲੱਗ ਕਿਰਦਾਰ. ਜਿਵੇਂ ਪਤਨੀ ਮਾਂ ਭਾਭੀ ਚਾਚੀ

Moving piece of writing ! Full of innocence and straight from the core of heart.

ਲ਼ਫ਼ਜ਼ਾਂ ਤੋਂ ਪਰੇ ਹੈ ਇਹ ਰਚਨਾ।

TFS

 

ਸੰਦੀਪ ਜੀ ਕਿਰਤ ਤੇ ਨਜਰਸਾਨੀ ਕਰਨ ਲਈ ਅਤੇ ਆਪਦੇ ਬੇਸ਼ ਕੀਮਤੀ ਕਮੇਂਟ੍ਸ ਲਈ ਬਹੁਤ ਸ਼ੁਕਰੀਆ ਬਾਈ ਜੀ !

ਜਿਉਂਦੇ ਵਸਦੇ ਰਹੋ !

ਰੱਬ ਰਾਖਾ !

 

 

ਸੰਜੀਵ ਬਾਈ ਜੀ ਕਿਰਤ ਤੇ ਨਜਰਸਾਨੀ ਕਰਨ ਲਈ ਅਤੇ ਕਮੇਂਟ੍ਸ ਲਈ ਬਹੁਤ ਸ਼ੁਕਰੀਆ ਬਾਈ ਜੀ !

ਰੱਬ ਰਾਖਾ !

 

jagjit g es anmulli rachna nu sanjha karn li bht dhanwaad aa tuhada.....

menu ene jogi kita nai aa hale waheguru ne ki kuch keh ska ya likh ska....

bht din to sochdi pyi aa ki ki likh ithe.....

hale v kuch jada samjh ni lagi ....par kuch line is nimaani ji dhee walo v......

 

"ਤੇਰੀ ਅਰਦਾਸ ਦੇ ਸਦਕੇ ਨੀ ਅੰਮੀਏ.....

 ਅੱਜ ਰੱਬ ਨੇ ਇਹ ਦਰਦ ਵੰਡਾਇਆ 

 ਧੀ ਨੂ ਧੀ ਦੀ ਦਾਤ ਬਖਸ਼ਤੀ....

 ਅੱਜ ਫੇਰ ਮਾਂਵਾ ਤੇ ਧੀਆਂ ਰਲੀਆਂ..."

 

 

baba g mehar karo....

 

ਮਿੱਠੀ ਝਿੜਕੀ ਯਾਦ ਆਵੇ ਤਾਂ ਚੰਗਾ ਕੁਝ ਨਾ ਲੱਗੇ,

ਵਸਦਾ ਸਾਰਾ ਜੱਗ ਦੁਆਲੇ, ਪਰ ਜਾਪੇ ਮੈਂ (ਇ)ਕੱਲੀ ਆਂ |

Very Emotional Poem Sir Ji . . . ਧੀਯਾਂ ਦੀ ਵੀ ਕੀ ਕਿਸਮਤ ਬਣਾਈ ਹੈ ਰਬ ਜੀ ਨੇ. . .

TFS

 

ਅਮਨਦੀਪ ਜੀ | ਕਿਰਤ ਦਾ ਮਾਣ ਕਰਨ ਲਈ ਬਹੁਤ ਬਹੁਤ ਸ਼ੁਕਰੀਆ ਜੀ |

ਰੱਬ ਰਾਖਾ ! 

 

Maa

ik eja lafaj jesdi yaad ch hanju aape wag painde ne

 

ਨਵੀ ਜੀ, ਬਹੁਤ ਬਹੁਤ ਧੰਨਵਾਦ ਆਰਟੀਕਲ ਦਾ ਮਾਣ ਕਰਨ ਲਈ ਅਤੇ ਇੰਨੇ ਮੁਕਤ ਕੰਠ ਨਾਲ ਕਮੇਂਟ੍ਸ ਦੇਣ ਲਈ |

ਰੱਬ ਰਾਖਾ !