ਸੱਜਣਾ ਵੇ

ਸੱਜਣਾ  ਵੇ  ਕੁਝ  ਮੂੰਹੋਂ ਬੋਲ,
ਦਿਲ  ਵਾਲੀ  ਤੂੰ ਘੁੰਡੀ ਖ੍ਹੋਲ।

ਤੈਨੂੰ ਜਦ ਵੀ  ਮਿਲਣਾ ਚਾਹਾਂ,
ਤੂੰ ਕਿਉਂ ਕਰਦੈਂ ਟਾਲ-ਮਟੋਲ।

ਡੂੰਘੇ   ਸਾਗਰ  ਤੇਜ  ਹਵਾਵਾਂ,
ਪਿਆਰ ਦੀ ਬੇੜੀ ਡਾਵਾਂ-ਡੋਲ।

ਕਦੇ ਮੈਂ ਤੇਰਾ ਸਾਥ ਨਾ ਛੱਡਾਂ,
ਤੈਨੂੰ  ਰੱਖਾਂ  ਦਿਲ  ਦੇ  ਕੋਲ।

ਸੁਣੀ ਸੁਣਾਈ  ਕਦੇ ਨਾ ਮੰਨੀਂ,
ਕਰ  ਲੈਵੀਂ   ਪੂਰੀ  ਪੜਚੋਲ।

ਇਸ਼ਕ  ਤੇਰੇ 'ਚ ਕਮਲੇ ਹੋਏ,
ਕਿਤੇ ਨਾ  ਦੇਵੀਂ ਜਿੰਦੜੀ ਰੋਲ।

ਤੇਰੇ  ਮੇਰੇ  ਪਿਆਰ ਵਾਲੇ ਤਾਂ,
ਸਾਰੇ ਜੱਗ ਵਿਚ ਵੱਜਗੇ ਢੋਲ।

ਅਪਣੇ ਪਿਆਰ ਦੇ ਬੋਲਾਂ ਵਾਲੀ,
'ਪ੍ਰੀਤ' ਦੇ ਕੰਨੀਂ ਮਿਸ਼ਰੀ ਘੋਲ।

 

ਗੁਰਪ੍ਰੀਤ ਬਾਈ ਜੀ ਜੀਓ ! ਬਹੁਤ ਹੀ ਸੁੰਦਰ ਰਚਨਾ, ਤੇ ਰਵਾਨੀ ਨਿਰਮਲ ਜਲ ਵਰਗੀ |

 

 

Shukria jagjit ji..

agar sama lagge ta mera poetry blog te fera pauna.

preetludhianvi.blogspot.com