ਚਮਕ ਭਰੀ ਕਿਸ਼ਤੀ
’ਤੇ ਸਵਾਰ, ਮੇਰੀ ਧੀ
ਪੁੱਛੇ ਆਪਣਾ ਸਿਰਨਾਵਾਂ
ਉਤਾਂਹ ਨੂੰ ਚੁੱਕ ਉਂਗਲ
ਕਹਿੰਦੀ
ਕੀ ਇਹ ਆਸਮਾਨ ਮੇਰਾ ਹੈ?
ਮੂੰਹ ਦੁਆਲੇ ਬਾਜੂਆਂ ਦਾ ਝੁੰਬ ਮਾਰ ਕੇ
ਊਂਘਦੀਆਂ ਅੱਖਾਂ ਨਾਲ ਤੱਕਦੀ ਥੱਲੇ ਨੂੰ
ਕਹਿੰਦੀ
ਕੀ ਇਹ ਧਰਤੀ ਮੇਰੀ ਹੈ?
ਉਸ ਦਾ ਉਦਾਸ ਕਰਦਾ ਚਿਹਰਾ ਪੁੱਛਦਾ
ਮੈਨੂੰ ਮੇਰਾ ਸਿਰਨਾਵਾਂ ਤਾਂ ਦੱਸ
ਮੈਂ ਮਰਜਾਣੀ ਹਾਂ
ਜਾਂ ਚੰਦਰੀ
ਜਾਂ ਹਾਂ ਮੈਂ ਸਿਰਜਣਹਾਰ
ਤ੍ਰਭਕ ਕੇ ਉੱਠਦਾ ਹਾਂ ਮੈਂ
ਸਵਾਲਾਂ ਦਾ ਇਹ ਵਾਵਰੋਲਾ
ਤੇ ਮੈਂ ਧੀ ਨੂੰ ਤੱਕਦਾ
ਜਿਵੇਂ ਕੋਈ ਸੁਪਨਾ ਬੀਜ
ਸੁਰਖਰੂ ਹੋ ਗਿਆ ਹੋਵਾਂ।

ਡਾ. ਅਸ਼ੋਕ ਮਿਲਨ * ਮੋਬਾਈਲ: 99159-86716

ਫਿਰ ਇਕ ਅਨਮੋਲ ਮੋਤੀ ਲੱਭ ਲਿਆਏ ਬਿੱਟੂ ਬਾਈ ਜੀ |

TFS                      

                                                 Jaggi