ਤਸਵੀਰਾਂ ਚੋਂ ਰੰਗ ਲੱਭਣ ਦੀ ਤੇਰੀ ਆਦਤ,
ਅੱਜ ਨਹੀਂ ਤਾਂ ਭਲਕ ਮੱਠੀ ਪੈ ਈ ਜਾਣੀ ਏ !
ਪਰ ਭੋਲਿਆ.......
ਏਸ ਦਿਲ ਦਾ ਕੀ ਕਰਾਂ 
ਜਿਹਨੂੰ ਆਪਣੇ ਚਾਵਾਂ ਦੇ ਪੁੜਾਂ 'ਚ 
ਤੂੰ ਪੀੜ ਚੱਲਿਆ ਏਂ ?......
ਤੂੰ ਤਾਂ ਵੇਖਦਾ ਈ ਨਹੀਂ ਏਂ, 
ਇਹ ਰੋਂਦਾ ਜਾਂ
ਹੱਸਦਾ ਵੀ ਏ | 
ਤੂੰ ਤਾਂ ਇੰਜ ਕਰਦਾ ਏਂ ਜਿਵੇ ਜਾਣਦਾ ਈ ਨਹੀਂ, 
ਏਦਾਂ ਦਿਲ ਦੇ ਪੀੜੇ ਜਾਣ ਦਾ ਕਿੰਨਾ ਦੁੱਖ ਹੁੰਦਾ ਏ, 
ਤੇ ਕਦੇ ਕਦੇ ਇੱਦਾਂ ਦਿਲ ਮਰ ਵੀ ਜਾਂਦਾ ਏ,
ਪਰ ਬਹੁਤੀ ਵਾਰ 
ਦੱਬਿਆ ਜਾਂ ਘੁੱ‍ਟਿਆ ਜਾਂਦਾ ਏ, 
ਜੋ ਕਿ ਮਰਨੇ ਤੋਂ ਵੀ ਮਾੜਾ ਏ ....ਮਲਕੀਤ

"ਪਰ ਬਹੁਤੀ ਵਾਰ
ਦੱਬਿਆ ਜਾਂ ਘੁੱਟਿਆ ਜਾਂਦਾ ਏ
ਜੋ ਕੇ ਮਰਨੇ ਤੋਂ ਵੀ ਮਾੜਾ ਏ .."

ਬਿਲਕੁਲ ਸਹੀ ਫਰਮਾੲਿਆ ਵੀਰ ਜੀ, ਬਹੁਤ ਸੋਹਣੀ ਰਚਨਾ ਜੀ

ਸ਼ੇਅਰ ਕਰਨ ਲਈ ਸ਼ੁਕਰੀਆ ।

Sohni rachna.sukham bhaav.shalla inj hi likhde raho

ਮਲਕੀਤ ਜੀ ਬਹੁਤ ਸੋਹਣਾ ਲਿਖਿਆ | ਸ਼ੁਕਰੀਆ ਸ਼ੇਅਰ ਕਰਨ ਲਈ |

ਹੋਰ ਵੀ ਸੋਹਣਾ ਸੋਹਣਾ ਲਿਖਦੇ ਰਹੋ |

ਰੱਬ ਰਾਖਾ... 

 

ਹੋਸਲਾ ਅਫਜਾਈ ਲਈ ਆਪ ਸਭ ਦਾ ਸ਼ੁਕ੍ਰਿਯਾ ......