ਤੇ ਬਾਪੂ ਰੋ ਪਿਆ

ਸਾਰੀ ਉਮਰ ਟੌਹਰ ਨਾਲ ਰਿਹਾ
 ਨੌਕਰੀ ਕਰਦਾ ਤੇ ਪੈਸੇ ਕਮਾਉਂਦਾ
ਸਾਨੂੰ ਸੰਜਮ ਦੀਆਂ ਮੱਤਾਂ ਦਿੰਦਾ
ਸਾਡਾ ਸਖਤ ਦਿਲ ਬਾਪੂ
ਜੋ ਨਹੀਂ ਸੀ ਰੋਇਆ
ਆਪਣੀ ਮਾਂ ਮਰੀ ਤੇ ਵੀ
ਤੇ ਆਪਣੀ ਭੈਣ ਦੀ ਮੌਤ ਵੀ
ਆਪਣੇ ਪਥਰ ਚਿਹਰੇ ਤੇ
ਉਸ ਆਉਣ ਨਹੀਂ ਦਿੱਤੀ
ਸਾਰੀ ਉਮਰ ਸਾਨੂੰ ਡਰਾਉਂਦਾ
ਤੇ ਦਬਕੇ ਮਾਰਦਾ
ਤੇ ਅਸੀਂ ਕੋਨਿਆਂ ਚ' ਲੁਕੇ
ਉਸ ਦੇ ਸੌਂ ਜਾਣ ਨੂੰ ਉਡੀਕਦੇ
ਇੱਕ ਗਲਤੀ ਨੂੰ ਸਾਰੀ ਉਮਰ ਸੁਣਾਉਂਦਾ
ਤੇ ਗੁੱਸੇ ਚ' ਜਦ ਆਉਂਦਾ
ਤਾਂ ਘਰ ਦੀਆਂ ਕੰਧਾਂ ਹਿਲਾਉਂਦਾ
ਰੋਟੀ,ਕੱਪੜੇ ਤੇ ਪੜ੍ਹਾਈ ਦੀਆਂ
ਅਣਦਿਸਦੀਆਂ ਬੰਦਿਸ਼ਾਂ ਲਗਾਉਂਦਾ
ਹਥ ਘੁੱਟ ਕੇ ਪੈਸੇ ਦਿੰਦਾ ਬਾਪੂ
ਅੱਜ ਵਾਕਈ ਰੋ ਪਿਆ
ਸਾਰੀ ਉਮਰ ਜਿਸ ਨੂੰ ਕਦੇ ਨਾ ਵੇਖਿਆ
ਮੈਂ ਹੰਝੂ ਵਹਾਉਂਦਿਆਂ
ਅੱਜ ਓਹ ਜ਼ਾਰ-ਜ਼ਾਰ ਰੋ ਪਿਆ
ਤੇ ਭਲਾ ਗੱਲ ਵੀ ਕੀ ਸੀ
ਟੀ.ਵੀ. ਤੇ ਚੱਲਦੀ ਇੱਕ ਫਿਲਮ ਪੰਜਾਬੀ
ਤੇ ਉਸ ਚ' ਫਾਹਾ ਲੈ ਮਰਦਾ ਇੱਕ ਕਿਸਾਨ
ਖੂਹੀ ਚ' ਡਿੱਗ ਮਰਦਾ ਇੱਕ ਸੀਰੀ
ਜ਼ਹਿਰ ਪੀ ਮਰਦੀ ਘਰ ਦੀ ਵਹੁਟੀ ਤੇ
ਬੁਢ੍ਹੇ ਲਾੜੇ ਨੂੰ ਵਿਕਦੀ ਘਰ ਦੀ ਧੀ
ਆਹ ਵੀ ਭਲਾ ਕੋਈ ਗੱਲ ਹੋਈ
ਕਿ ਅੱਜ ਬਾਪੂ ਰੋ ਪਿਆ

ਕੁਕਨੂਸ

BAPPU TA RO PYA .PAR SANU NA RUAYO..

bhavuk....

ਭਾਵਨਾਤਮਿਕ ਤੇ ਸਮਾਜਿਕ ਤਾਣੇ - ਬਾਣੇ 'ਚ ਉਲਝਿਆ ਬਾਪੂ ਪੱਥਰ ਦਾ ਨਹੀਂ ਸਗੋਂ ਓਹ ਵੀ ਹੱਡ-ਮਾਸ ਦਾ ਬਣਿਆ ਤੇ ਦਿਲ ਤੇ ਦਿਮਾਗ ਸਾਡੇ ਵਰਗਾ ਹੀ ਹੈ ਪਰ he can take in himself more than us .......ਧੰਨ ਏ ਬਾਪੂ ਤੂੰ ਧੰਨ ਏ .......

Dil tumbaven Zazbaatan naal bharpoor ae tuhadi rachna....bahut khoob...share karan layi Thnx

Bahut sohna likhya! :)

ajj de din aa ke ethe padke vadiya lageya ke bappu di samvedansheelta nu samajh ke likhi geyi eh poem........hamesha ik dominating figure bane rehna vee kinna aukha te kinna tiring ho sakda koi bapuya toh sikhe ..........

jad first time fb te read kiti cee odon sirf duawaan hee de saki cee.....aj kehndi aa this is one of outstanding creations of urs.........THANX A TON FOR SHARING!!!!!

khoob