ਅੱਜ ਬੜੀ ਬਦਲਵਾਈ ਹੈ ਤੇਰੇ ਸ਼ਹਿਰ ਅੰਦਰ|

ਕਾਲੀ ਘਟਾ ਸ਼ਾਈ ਹੈ ਤੇਰੇ ਸ਼ਹਿਰ ਅੰਦਰ|

ਕਦੀ ਹਵਾ ਦੇ ਬੁੱਲੇ ਨਾਲ ਨਚਦਾ ਤੇ ਕਦੀ ਕਣੀਆਂ ਸੰਗ ਰੋਂਦਾ ਹੈ
ਅੱਜ ਮੌਸਮ ਹੋਇਆ ਸ਼ੁਦਾਈ ਹੈ ਤੇਰੇ ਸ਼ਹਿਰ ਅੰਦਰ |

ਕੋਸ਼ਿਸ਼ ਤਾਂ ਏ ਸੀ ਮੇਰੀ ਕੇ ਮੇਹ੍ਫਿਲਾਂ ਦਾ ਦੌਰ ਚਲਦਾ ਰਹੇ ,

ਪਰ ਮੇਰੇ ਹਿੱਸੇ ਪਈ ਤਨਹਾਈ ਹੈ ਤੇਰੇ ਸ਼ਹਿਰ ਅੰਦਰ |

ਹਾਰ ਹੰਭ ਖਾਲੀ ਹਥ ਹੀ ਕਈ ਘਰਾਂ ਨੂ ਮੁੜ੍ਹ ਗਏ ਨੇ

ਤੇ ਕਈਆਂ ਹਥਾਂ ਤੇ ਸਰੋਂ ਜਮਾਈ ਹੈ ਤੇਰੇ ਸ਼ਹਿਰ ਅੰਦਰ |

ਕੁਤੇਆਂ ਦਾ ਰੋਨਾ ਵੀ ਸਾਰੀ ਰਾਤ ਹੀ ਚਲਦਾ ਰਿਹਾ,
ਕੋਈ ਲਗਦਾ ਆਫਤ ਆਈ ਹੈ ਤੇਰੇ ਸ਼ਹਿਰ ਅੰਦਰ |

ਓਹੀ ਗੱਲਾਂ ,ਓਹੀ ਸ਼ਿਕਵੇ , ਓਹੀ ਸਵਾਲ , ਜਾਮ ਹੈ ਹਥ ਚ ,
ਅੱਜ ਫਿਰ ਮੇਂ ਮੇਹਫਿਲ ਸਜਾਈ ਹੈ ਤੇਰੇ ਸ਼ਹਿਰ ਅੰਦਰ |

ਤੂੰ ਮੁੜ੍ਹ ਆਵੇਂਗਾ ਸਜਣਾ ਮੇਲ ਦੁਬਾਰਾ ਹੋਵਣਗੇ,
ਇਕ ਝੂਠੀ ਆਸ ਲਗਾਈ ਹੈ ਤੇਰੇ ਸ਼ਹਿਰ ਅੰਦਰ |

ਬਦੋ-ਬਦੀ ਹੋ ਜਾਂਦਾ ਹੈ ਤੇਰਾ ਗੀਤਾਂ ਵਿਚ ਜਿਕਰ ,
ਮੇਂ ਜਦ ਵੀ ਕਲਮ ਘਸਾਈ ਹੈ ਤੇਰੇ ਸ਼ਹਿਰ ਅੰਦਰ |

..ਸੁਖ ਸੋਹਲ...

ਬਹੁਤ ਵਧੀਆ......tfs......ਬਿੱਟੂ ਜੀ......