ਰੋਡ ਬਿਲਡਰ

 

ਵਿਸਾਖ-ਜੇਠ ਦੇ ਮਹੀਨੇ ਦੀ

ਤਪਦੀ ਦੁਪਹਿਰ ਵੇਲੇ,

ਜਦ ਚਿਲਕਦੀ ਧੁੱਪ 'ਚ

ਕਾਂ ਦੀ ਅੱਖ ਨਿਕਲਦੀ ਏ,

ਠੰਢਕ ਘੁੱਪ ਹਨੇਰੇ ਖੂੰਜਿਆਂ 'ਚੋਂ

ਵੀ ਹਰਨ ਹੋ ਜਾਂਦੀ ਹੈ,

ਸਭ ਕੁਝ ਰੁਕ ਜਿਹਾ ਜਾਂਦਾ ਏ,

ਸੜਕ ਕੰਢੇ ਉਠਦੇ ਧੂਏਂ 'ਚੋਂ

ਮੁੜ੍ਹਕੇ ਨਾਲ ਤਰ-ਬ-ਤਰ

ਇਕ ਆਦਮ ਆਕ੍ਰਿਤੀ ਉਭਰਦੀ ਹੈ |

 

ਮਿੱਟੀ ਨਾਲ ਲਿੱਬੜੇ ਹੋਏ

ਕੰਡਮ ਫ਼ੌਜੀ ਪੈਂਟ-ਬੂਟਾਂ 'ਚ

ਮੁਸਤੈਦ ਰੋਡ ਬਿਲਡਰ,

ਤਰਪਾਲ ਦੇ ਦਸਤਾਨਿਆਂ

ਵਾਲੇ ਹੱਥਾਂ ਨਾਲ,

ਉੱਬਲਦੇ ਤਾਰਕੋਲ ਦਾ ਭਰਿਆ

ਫੁਹਾਰੇ ਵਰਗਾ ਟੀਨ ਲੈਕੇ,

ਪੱਧਰੀ ਕੀਤੀ ਪੱਥਰੀਲੀ

ਸੜਕ ਤੇ ਲੁੱਕ ਵਿਛਾਂਦਾ ਏ |

ਨਾ ਕੋਈ ਵੇਖੇ, ਨਾ ਬੁਲਾਵੇ,

ਜੋ ਵੀ ਲੰਘ ਕੇ ਜਾਂਦਾ ਏ |

 

ਬਸ ਇਕ ਰੋਡ-ਰੋਲਰ ਹੁੰਦੈ

ਉਸਦੇ ਸੁਖ-ਦੁਖ ਦਾ ਸਾਥੀ

ਉਸ ਥਾਂ,

ਜਾਂ, ਕੋਲੋਂ ਲੰਘਦੀ ਗੱਡੀ

ਨਾਲ ਉੱਡਦਾ ਘੱਟੇ ਦਾ ਬੱਦਲ,

ਜੋ ਅਲੋਪ ਹੋ ਜਾਂਦੈ

ਕਰ ਪਲ-ਦੋ-ਪਲ ਲਈ ਛਾਂ |

 

ਤਾਰਕੋਲ ਪੰਘਰ ਲਾਵਾ ਹੋ ਜਾਂਦਾ ਏ,

ਤਪਦੀ ਧੁੱਪ 'ਚ ਪਿੱਘਲ ਕੇ

ਆਕ੍ਰਿਤੀ ਦਾ ਮੁੜ੍ਹਕਾ ਚੋ ਜਾਂਦਾ ਏ,

ਪਰ ਨਹੀਂ ਪਿੱਘਲਦਾ ਤੇ

ਧਰਤੀ ਦੇ ਖੁਦਾਵਾਂ ਦਾ ਦਿਲ,

ਜੋ ਪੱਥਰ ਦਾ ਵਣਜ ਕਰਦਿਆਂ,

ਖੁਦ ਪੱਥਰ ਹੋ ਜਾਂਦਾ ਏ |

 

ਪਰ ਰੋਡ ਬਿਲਡਰ,

ਦੀਨ ਦੁਨੀਆਂ ਤੋਂ ਬੇਖ਼ਬਰ,

ਲੁੱਕ ਵਿਛਾਉਂਦਿਆਂ

ਕਦਮ ਵਧਾਈ ਜਾਂਦਾ ਏ,

ਸੜਕ ਬਣਾਈ ਜਾਂਦਾ ਏ |

 

                   ਜਗਜੀਤ ਸਿੰਘ ਜੱਗੀ

Gr8.......

And this thought provoking. ...

ਖਾਸ ਤੋਰ ਤੇ..


ਤਾਰਕੋਲ ਪੰਘਰ ਪਾਣੀ ਹੋ ਜਾਂਦਾ ਏ,
ਤਪਦੀ ਧੁੱਪ 'ਚ ਪਿੱਘਲ ਕੇ,
ਆਕ੍ਰਿਤੀ ਦਾ ਮੁੜ੍ਹਕਾ ਚੋ ਜਾਂਦਾ ਏ,
ਪਰ ਨਹੀਂ ਪਿੱਘਲਦਾ ਤੇ,
ਧਰਤੀ ਦੇ ਖੁਦਾਵਾਂ ਦਾ ਦਿਲ,
ਜੋ ਪੱਥਰ ਦਾ ਵਣਜ ਕਰਦਿਆਂ,
ਖੁਦ ਪੱਥਰ ਹੋ ਜਾਂਦਾ ਏ |..

Bahut khoob sir..ਸਦਾ ਲਿਖਦੇ ਰਹੋ।

Friends, Thank you for taking time off to visit the article. It was written in Summer of 1979, when the sight struck my young and impressionable mind repeatedly.


Original composition was in English which was published in the Hindutan Times. The diary with over three dozen poems has been lost, so its Punjabi version has been composed by recalling the experience and sight embedded in memory.

sir

sir kamal likhia hai asli likhari de tara is varag te likha sir

bohat bohat shukria g

 

ਸੰਜੀਵ ਜੀ, ਬਹੁਤ ਬਹੁਤ ਧੰਨਵਾਦ | 

ਆਪ ਨੇ ਆਰਟੀਕਲ ਵਾਸਤੇ ਸਮਾਂ ਕੱਢਿਆ ਅਤੇ ਹੌਂਸਲਾ ਅਫਜਾਈ ਕੀਤੀ |

ਜਿਉਂਦੇ ਵਸਦੇ ਰਹੋ ਜੀ ਅਤੇ ਲਿਖਦਿਆਂ ਪੜ੍ਹਦਿਆਂ ਮਾਂ ਬੋਲੀ ਦੀ ਸੇਵਾ ਕਰਦੇ ਰਹੋ |     

 

I am surprised ,,,,how did i miss it ?

 

very very well written sir,,, such a great one,,,

 

jio,,,

 

ਹਰਪਿੰਦਰ ਬਾਈ ਜੀ,

ਭਾਵੇਂ ਠਹਿਰ ਕੇ ਹੀ ਸਹੀ, ਆਪ ਜੀ ਨੇ ਗੇੜਾ ਮਾਰਿਆ ਅਤੇ ਬੇਸ਼ਕੀਮਤੀ ਕਮੇਂਟ੍ਸ ਨਾਲ ਕਿਰਤ ਨੂੰ ਨਵਾਜਿਆ - ਇਸ ਲਈ ਬਹੁਤ ਬਹੁਤ ਸ਼ੁਕਰੀਆ ਜੀ |

ਜਿਉਂਦੇ ਵੱਸਦੇ ਰਹੋ |

 

ਬਾ ਕਮਾਲ !! ਸੜਕ ਤੇ ਕੰਮ ਕਰਨ ਵਾਲੇ ਕਿਰਤੀਆਂ ਨੂੰ ਅਸੀਂ ਸਾਰਿਆਂ ਨੇ ਵੇਖਿਆ ਹੋਵੇਗਾ , ਪਰ ਉਹਨਾਂ ਦੇ ਕਰਮ ਨੂੰ - ਮਿਹਨਤ ਨੂੰ ਤੇ ਹਾਰਡਸ਼ਿਪ ਨੂੰ ਇਹੋ ਜਿਹੇ ਲਫਜਾਂ ਚ ਸ਼ਾਇਦ ਅੱਜ ਤੱਕ ਕਿਸੇ ਨੇ ਨਹੀਂ ਪਰੋਇਆ !! ਸਲਾਮ ਹੈ ਆਪ ਜੀ ਦੀ ਕਲਮ ਨੂੰ ...