ਬੱਦਲਾਂ ਝੜੀਆਂ ਲਾਈਆਂ ਨੇ,
ਮੋਰਾਂ ਨੇ ਪੈਲ਼ਾਂ ਪਾਈਆਂ ਨੇ,
ਬਾਗਾਂ ਅੰਦਰ ਕੋਇਲਾਂ ਨੇ,
ਹੈ ਗੀਤ ਪਿਆਰ ਦਾ ਗਾਇਆ...
ਨੀ ਅੜੀਓ ਸਾਵਣ ਆਇਆ।


ਪਿੱਪਲਾਂ ਮੁੱਢ ਪੀਂਘਾਂ ਪਾਈਆਂ
ਸਖ਼ੀਆਂ ਸਭ ਝੂਟਣ ਆਈਆਂ
ਜੋਬਨ ਮੱਤੀਆਂ ਜਦ ਨੱਚੀਆਂ
ਗਿੱਧੇ ਨੂੰ ਲੋਹੜਾ ਆਇਆ...
ਨੀ ਅੜੀਓ ਸਾਵਣ ਆਇਆ।

ਪੱਕੇ ਪੂੜੇ ਰਿੱਧੀਆਂ ਖੀਰਾਂ
ਰਲ ਮਿਲ ਖਾਧੇ ਭੈਣਾਂ-ਵੀਰਾਂ
ਹਰ ਪਾਸੇ ਨੱਚਣ ਖੁਸ਼ੀਆਂ
ਚਾਵਾਂ ਨੇ ਭੰਗੜਾ ਪਾਇਆ...
ਨੀ ਅੜੀਓ ਸਾਵਣ ਆਇਆ।

ਹਰ ਪਾਸੇ ਛਾਈ ਹਰਿਆਲੀ
ਤੁੱਠਾ ਉਹ ਜੱਗ ਦਾ ਵਾਲੀ
ਖੁਸ਼ ਨੇ ਡਾਢੇ ਹਾਲੀ-ਪਾਲੀ
ਫ਼ਸਲਾਂ ਤੇ ਜੋਬਨ ਆਇਆ..
ਨੀ ਅੜੀਓ ਸਾਵਣ ਆਇਆ।

ਸਾਉਣ ਮਾਹ ਰੁੱਤ ਪਿਆਰਾਂ ਦੀ
ਇਹ ਰੁੱਤ ਜਣਨੀ ਬਹਾਰਾਂ ਦੀ
ਮਦਰਾ ਵਰਤੀ ਪਰੀਤ ਪਿਆਰਾਂ ਦੀ
ਹਰ ਪ੍ਰਾਣੀ ਹੈ ਨਸ਼ਿਆਇਆ..
ਨੀ ਅੜੀਓ ਸਾਵਣ ਆਇਆ।
*ਹਰਮੇਲ ਪਰੀਤ*

wow..sawan da vadiya swagat kita...fantastic piece of work.....tfs

bahut wadhiya veere..!!

Bahut wadhiya janab
jeonde wasde raho