ਬੁਕ ਮਿੱਟੀ ਦੀ ਲਿਆ ਦੀ ਮੈਨੂੰ ਯਾਰਾ,
ਵਤਨਾਂ ਨੂੰ ਜਾਣ ਵਾਲਿਆ।
ਉਸ ਮਿੱਟੀ ਦਾ ਏ ਵੱਖ ਹੀ ਨਜ਼ਾਰਾ,
ਵਤਨਾਂ ਨੂੰ ਜਾਣ ਵਾਲਿਆ।

ਉਸ ਮਿੱਟੀ ਵਿਚ ਸਾਡਾ ਇਤਿਹਾਸ ਹੈ।
ਪੀਰਾਂ ਪੁਰਖ਼ਾਂ ਤੇ ਗੁਰੂਆਂ ਦੀ ਰਾਸ ਹੈ।
ਬਸ ਦਿਲ ਇਹੋ ਇੱਕੋ ਆਸ ਹੈ।
ਉਸ ਮਿੱਟੀ ਵਿਚ ਜੰਮੀਏ ਦੁਬਾਰਾ।
ਵਤਨਾਂ ਨੂੰ ਜਾਣ ਵਾਲਿਆ .......

ਉਹੋ ਮਿੱਟੀ ਸਾਨੂੰ ਮਾਂ ਦੇ ਸਾਮਾਨ ਹੈ।
ਉਸ ਮਿੱਟੀ ਵਿਚ ਸਾਡੀ ਪਹਿਚਾਣ ਹੈ।
ਲੱਖਾਂ ਵੀਰਾਂ ਦਾ ਦਿੱਤਾ ਬਲੀਦਾਨ ਹੈ।
ਪੰਜਾਂ ਪਾਣੀਆਂ ਦਾ ਜਿਸਤੇ ਉਤਾਰਾ।
ਵਤਨਾਂ ਨੂੰ ਜਾਣ ਵਾਲਿਆ .......

ਆਂਦੇਂ ਝੱਖੜ ਤੇ ਟੁੱਟਦੀਆਂ ਟਾਹਣੀਆਂ।
ਮੁੜ ਰੁੱਖਾਂ ਤੇ ਨਾ ਲੱਗਣ ਨਿਮਾਣੀਆਂ।
ਇੰਝ ਸਾਡੇ ਨਾਲ ਹੋਈ ਸਾਡੇ ਹਾਣੀਆ।
ਮੂਹਰੇ ਝੱਖੜਾਂ ਦੇ ਚਲਦਾ ਨਾ ਚਾਰਾ।
ਵਤਨਾਂ ਨੂੰ ਜਾਣ ਵਾਲਿਆ .......

ਧੂੜ ਪਹਿਆਂ ਦੀ ਉੱਡ ਉੱਡ ਆਏਗੀ।
ਮਿੱਟੀ ਵਤਨਾਂ ਦੀ ਗਲ਼ ਨਾਲ ਲਾਏਗੀ।
ਟੋਲੀ ਹਾਣੀਆਂ ਦੀ ਜਦ ਜੁੜ ਜਾਏਗੀ।
MANGHERA ਭੁੱਲ ਜਾਣਾ ਬਲਖ-ਬੁਖਾਰਾ
ਵਤਨਾਂ ਨੂੰ ਜਾਣ ਵਾਲਿਆ ......

Bahut Khoob 22G...
Dil te gehra asar karde ne saare bol...

ਉਹੋ ਮਿੱਟੀ ਸਾਨੂੰ ਮਾਂ ਦੇ ਸਾਮਾਨ ਹੈ।
ਉਸ ਮਿੱਟੀ ਵਿਚ ਸਾਡੀ ਪਹਿਚਾਣ ਹੈ।

bahut wadhiya 22 g.... nice one

bahut khub.....g