ਯਾਦ 

ਅੱਜ ਫਿਰ ਕਿਸੇ ਦੀ ਯਾਦ ਆਈ ,

ਤੇ ਉਦਾਸ ਕਰ ਕੇ ਚਲੀ ਗਈ ,

ਆਈ ਸੀ ਹਸਾਣ ਲਈ ਰੁਲਾ ਕੇ ਚਲੀ ਗਈ ,

ਕੌਣ ਸੀ ਉਹ ਜਿਸ ਦਾ ਜਿਕਰ ਦਿਲ ਨੇ ਬਾਰ-ਬਾਰ ਕੀਤਾ,

ਕੌਣ ਸੀ ਜੋ ਹਵਾ ਦਾ ਝੋਂਕਾ ਬਣ ਕੇ ਆਇਆ ,

ਦਿਲ ਦਾ ਮਾਰੂਥਲ ਬਣ ਕੇ ਚਲਾ ਗਿਆ ,

ਆਇਆ ਸੀ ਜੋ ਜਖਮ ਤੇ ਮਰਹਮ ਬਣਨ ਲਈ,

ਦਿਲ ਦਾ ਨਾਸੂਰ ਬਣ ਕੇ ਚਲਾ ਗਿਆ ,

ਤੁਸੀਂ ਪੁਸ਼ਦੇ ਹੋ ਮੇਨੂੰ   ਕੇ ਉਹ ਕੌਣ ਸੀ ,

ਇਹੀ ਸਵਾਲ ਦਾ ਜਵਾਬ ਸ਼ਾਇਦ ਮੇਰੇ ਕੋਲ ਨਹੀ ,

ਮੈਂ ਨਹੀ ਉਸਨੂੰ ਜਾਂਣਦੀ, ਸ਼ਾਇਦ ਨਹੀ ਮੈਂ ਉਸਨੂੰ ਦੇਖਿਆ,

ਫਿਰ ਵੀ ਰਹਿ-ਰਹਿ ਕੇ ਕਿਓਂ ਉਸਦਾ ਖਿਆਲ ਆਉਂਦਾ ਏ,

ਉਸਦਾ ਖਿਆਲ ਹੀ ਤਾਂ ਹੈ ਜੋ ਦੁਨੀਆਂ ਦੀਆਂ 

ਬਣਾਈਆਂ ਕੰਧਾਂ ਢਾਹ ਕੇ ਵੀ ਆ ਜਾਂਦੇ,

ਮੈਂ ਨਹੀ ਚਾਹੁੰਦੀ ਉਸਨੂੰ ਯਾਦ ਕਰਨਾ ,

ਫਿਰ ਵੀ ਮੇਨੂੰ ਉਸਦੀ ਯਾਦ ਦਿਲਾ ਜਾਂਦੇ ,

ਹੋਰ ਤਾਂ ਸਬ ਕੁਝ ਕੈਦ ਏ ਰਸਮਾਂ ਰਿਵਾਜਾਂ ਦੀ ਕੈਦ ਵਿੱਚ ,

ਉਸਦਾ ਖਿਆਲ ਹੀ ਤਾਂ ਹੈ ਜੋ ਰਸਮਾਂ ਦੀਆਂ ਕੰਧਾਂ ਢਾਹ ਕੇ ਵੀ ਆ ਜਾਂਦੇ,

ਰਾਤ ਨੇ ਪਹਿਨਿਆ ਸੀ ਤਾਰਿਆਂ ਦਾ ਦਾਮਨ,

ਚਾਨਣੀ ਬਿਖਰੀ ਪੀ ਸੀ ਹਰ ਫੁੱਲ ਦੇ ਉੱਤੇ ,

ਜਦੋਂ ਉਹਨੇ ਆ ਕੇ ਮੇਰੇ ਦਿਲ ਦਾ ਵੇਹੜੇ ਨੂੰ ਰੁਸ਼ਨਾਇਆ ,

ਉਸਦੇ ਚੇਹਰੇ ਤੇ ਸੂਰਜ ਦੀ ਚਮਕ ਸੀ,ਅੱਖਾਂ ਵਿੱਚ ਰੂਹਾਨੀ ਨੂਰ ਸੀ ,

ਚਾਨਣ ਦਾ ਵਣਜਾਰਾ ਸੀ, ਸ੍ਵਰਗ ਦਾ ਕੋਈ ਦੂਤ ਸੀ ,

ਰਿਸ਼ਮਾਂ ਦਾ ਵਣਜਾਰਾ ਸੀ, ਖੁਦਾ ਦਾ ਸਰੂਪ ਸੀ ,

 ਖੁਸ਼ਬੂ ਦਾ ਝੋਂਕਾ ਸੀ, ਕੁਦਰਤ ਦਾ ਇਕ ਨਜ਼ਾਰਾ ਸੀ,

ਮੈਂ ਉਸ ਖੁਸ਼ਬੂ ਨੂੰ ਆਪਣੇ ਤਨ-ਮਨ ਵਿੱਚ ਵਸਾ ਲਿਆ ,

ਮੈਂ-ਮੈਂ ਨਾ ਰਹੀ ਉਸਨੂੰ ਆਪਣਾ ਰੂਪ ਬਣਾ ਲਿਆ ,

ਫਿਰ ਕਿਸੇ ਨੇ ਆ ਕੇ ਮੇਨੂੰ ਨੀਂਦਰ ਤੋਂ ਜਗਾ ਲਿਆ ,

ਜਦ ਜਾਗੀ ਤਨ ਸੁਪਨੇ ਦੇ ਟੁੱਟਣ ਦੇ ਗਮ ਨੇ ਖਾ ਲਿਆ,

ਸੋਚਦੀ ਹਾਂ ਉਹ ਕੌਣ ਸੀ ਜੋ ਮੇਰੇ ਏਨਾ ਕਰੀਬ ਸੀ ,

ਸ਼ਾਇਦ ਉਹ ਖੁਦਾ ਸੀ ਜਾਂ 'ਸਿੰਮੀ'  ਦੇ ਖਿਆਲਾਂ ਦੀ ਤਾਬੀਰ ਸੀ.                          

good job!! afreen!!

NIce One g..

Nice simmy ji...............