ਇਕ ਕੁੜੀ   -   ( ਇਨਸਾਨੀਅਤ )

 

ਸੱਚ ਵਾਂਗਰਾਂ ਗੋਰੀ ਚਿੱਟੀ,

ਭੋਲੀ ਜਿਹੀ ਇਕ ਕੁੜੀ ਸੀ,

ਸਾਦ ਮੁਰਾਦੀ ਮੁੰਹ ਦੀ ਮਿੱਠੀ,

ਅਰਸ਼ਾਂ ਤੋਂ ਸਜ ਮੁੜੀ ਸੀ |

 

ਸੀਰਤ ਸਾਗਰ ਜਹੀ ਨਿਰਾਲੀ,

ਨਿਰਮਲ ਪ੍ਰੇਮ ਦੀ ਮੂਰਤ ਸੀ,

ਮਿਲ ਕੇ ਰਹਿਣਾ ਦੱਸਣ ਵਾਲੀ

ਕਈ ਮਰਜ਼ਾਂ ਦੀ ਪੁੜੀ ਸੀ|

 

ਇਕ ਦੌੜ ਚੌਗਿਰਦੇ ਵੇਖ ਕੇ,

ਖੌਰੇ ਕਿਉਂ ਉਹਦਾ ਮਨ ਡੁਲਿਆ,

ਫਿਰ ਹੌਲੀ ਹੌਲੀ ਕਰਕੇ

ਉਹਦਾ ਝਾਕਾ ਖੁਲ੍ਹਿਆ |

 

ਰੋਕਦਿਆਂ ਵੀ ਕੁੱਦ ਪਈ,

ਸੀ ਜਿੱਦਲ ਇੱਡੀ,

ਤਿਲਕ ਕੇ ਜਾ ਖੁਦਗਰਜ਼ੀ ਦੇ

ਚਿੱਕੜ ਵਿਚ ਡਿੱਗੀ,

ਫਿਰ ਧੋਇਆਂ ਰਤਾ ਨਾ ਉੱਘੜੀ,

ਉਹ ਐਸੀ ਭਿੱਜੀ |

 

ਲਿਹਾਜ ਗੁਆਚਾ ਲੱਭਾ ਨਾ,

ਦਿਲ ਹਮਦਰਦੀ ਪਿਆਰ ਗਿਆ,

ਸੰਜਮ ਸੱਗੀ-ਫੁੱਲ ਡਿੱਗ ਪਿਆ,

ਸ਼ਰਮ ਦਾ ਰਾਣੀ-ਹਾਰ ਗਿਆ,

ਚੁੰਨੀ ਦਾ ਰੰਗ ਦਾਗ਼ਦਾਰ ਹੋ

ਸਗਲਾ ਰੂਪ ਵਿਗਾੜ ਗਿਆ |

 

ਨਾਂਅ ਸੱਖਣਾ ‘ਇਨਸਾਨੀਅਤ’ ਏ,

ਉਂਜ ਸਾਰਾ ਚੱਜ ਆਚਾਰ ਗਿਆ,

ਬੇਮੁਰੱਵਤ ਨਜ਼ਰ ਹੋ ਗਈ,

ਦਿਲ ਚੋਂ ਭਾਵ ਆਭਾਰ ਗਿਆ,

ਅਜ ਵਿਸਰਿਆ ਨਾਮ ਓਸਦਾ

ਜੋ ਕਲ੍ਹ ਬੁੱਤਾ ਸਾਰ ਗਿਆ |

 

ਤੂ-ਤੂ, ਮੈਂ-ਮੈਂ, ਤੇਰਾ ਮੇਰਾ,

ਇਹ ਐਸੀ ਦੇ ਮਾਰ ਗਿਆ,

ਜਾਨੋਂ ਪਿਆਰੀ ਰਾਜ਼ਦਾਰ ਗਈ,

ਰੱਬ ਵਰਗਾ ਕੋਈ ਯਾਰ ਗਿਆ |

 

ਦੂਤਮਈ ਬੇਦਾਗ਼ ਸਾਦਗੀ,

ਇਦ੍ਹੇ ਗੁੰਮਸ਼ੁਦਾ ਗਹਿਣੇ ਲੱਭੀਏ,

ਸਾਰੇ ਹੱਥ ਵਧਾਈਏ ਇਸ ਵੱਲ,

ਅਧੋਗਤੀ ਜਿਲ੍ਹਣ ਚੋਂ ਕੱਢੀਏ |

 

                 ਜਗਜੀਤ ਸਿੰਘ ਜੱਗੀ

 

ਗੋਰੀ ਚਿੱਟੀ - Fair & Unblemished, ਝੂਠ/ਫਰੇਬ ਦੇ ਦਾਗਾਂ ਤੋ ਰਹਿਤ | ਸੀਰਤ - Character, ਆਚਰਣ, ਸੁਭਾਓ |

ਕਈ ਮਰਜ਼ਾਂ ਦੀ ਪੁੜੀ ਸੀ - ਮਤਲਬ ਕਈ ਮਜ਼ਹਬੀ ਵਿਤਕਰਿਆਂ ਤੋਂ ਉਤਪੰਨ ਈਰਖਾ, ਹਿੰਸਾ ਆਦਿਕ ਵਰਗੀਆਂ ਸਮਾਜਿਕ ਬਿਮਾਰੀਆਂ ਦਾ ਇਲਾਜ ਸੀ|

ਸੱਗੀ-ਫੁੱਲ - (Ornament that hangs on forehead), ਰਾਣੀ-ਹਾਰ - (A heavily embellished Necklace) - These are women's favourite ornaments... 

ਬੁੱਤਾ ਸਾਰਨਾ - To help a needy person, ਕਿਸੇ ਦੇ ਕੰਮ ਆਣਾ; ਕਿਸੇ ਦਾ ਕੰਮ ਕੱਢਣਾ

ਬੇਮੁਰੱਵਤ - Ungrateful, Thankless, ਅਹਿਸਾਨ ਫਰਾਮੋਸ਼;

ਅਧੋਗਤੀ ਜਿਲ੍ਹਣ - ਗਿਰਾਵਟ/ਪਤਨ ਦੀ ਖੁਭਣ, ਚਿੱਕੜ ਜਾਂ ਗਰਤ 

ਦੂਤਮਈ ਬੇਦਾਗ਼ ਸਾਦਗੀ - ਫਰਿਸ਼ਤਿਆਂ ਵਰਗੀ ਬੇਦਾਗ਼ ਸਾਦਗੀ

 

ਇਹ ਤਾਂ ਮੇਰੇ ਦਿਲ ਨੂੰ ਛੂ ਗਈ ਸਰ ਬਹੁਤ ਹੀ  ਲਾਜਵਾਬ ਲਿਖਿਆ ਹੈ ਸਰ ਵਾਕਈ ਅੱਜ ਦੇ ਹਾਲਾਤ ਹੂਬਹੂ ਬਯਾਂ ਕੀਤੇ ਹੈ | ਏਹੀ ਤਾਂ ਸ਼ੀਸ਼ਾ ਦਿਖਾਯਾ ਹੈ ਤੁਸੀਂ | ਮੇਰਾ ਸਲਾਮ ਹੈ |

 

ਵੈਸੇ ਇਹੋ ਜਿਹੇ ਰੁੱਖੇ ਤੇ ਖੁਸ਼ਕ ਵਿਸ਼ਿਆਂ ਦੀ ਇੱਥੇ ਘੱਟ ਈ ਪੁਛਤਾਛ ਏ - You can see, there are over a hundred reviews, but there is not a single comment. 

 

ਫਿਰ ਵੀ ਆਪਣਾ ਕੀਮਤੀ ਸਮਾਂ ਕਢ ਕੇ ਕਿਰਤ ਨੂੰ ਮਾਨ ਦੇਣ ਲਈ ਬਹੁਤ ਸ਼ੁਕਰੀਆ, ਕੁਲਦੀਪ ਬਾਈ ਜੀ  |

ਜਿਉਂਦੇ ਵਸਦੇ ਰਹੋ ਜੀ |

 

ਇਨਸਾਨੀਅਤ ਦਾ ਲੇਵਲ ਕਿੰਨਾ ਗਿਰ ਚੁਕਿਆ ਹੈ, ਇਹ ਕੀਨੀ ਸੋਹਨੀ ਸੀ ਤੇ ਕਿੰਨੀ ਕੁਰੂਪ ਹੋ ਗਈ ਏ, ਅਤੇ ਸਮਾਜ ਨੂੰ ਕੀ ਕੀ ਨੁਕਸਾਨ ਹੋਇਆ ਹੈ ਇਸ ਕਵਿਤਾ ਤੂੰ ਸਾਫ਼ ਦਿਖਾਈ ਦਿੰਦਾ ਹੈ | ਬਹੁਤ ਸੋਹਨੀ ਲਿਖਤ ਪੇਸ਼ ਕੀਤੀ ਹੈ  ਆਪ ਨੇ ਇਹ | ਸ਼ੇਰ ਕਰਨ ਲਈ ਧਨਵਾਦ |

No Words !

 

ਹਮੇਸ਼ਾਂ ਵਾਂਗ ਬਹੁਤ ਹੀ ਖੂਬਸੂਰਤ ਰਚਨਾ ਪੇਸ਼ ਕੀਤੀ ਹੈ ਵੀਰ ਜੀ ,,,ਅਜਿਹੀਆਂ ਖੂਬਸੂਰਤ ਲਿਖਤਾਂ ਸਾਂਝੀਆਂ ਕਰਦੇ ਰਿਹਾ ਕਰੋ  ! ਜਿਓੰਦੇ ਵੱਸਦੇ ਰਹੋ,,,

SSA Ji,

 

Sach aakhan tan i really have no words to speak,...............marvalous, great creativity...............bar-bar eh kavita parhan nu jee kar reha hai,..............main pehlan vi kujh din pehlan jaldi jaldi wich eh rachna parhi si,....fer sochea this poetry needs more time to read it deeply.............to know the concept behind it , so i find it today............well done sir g,...........TFS,............

 

This is another best poem of the month suggested ......... i find a real Punjabi touch in the writing.........good to read ur poems,..........har alfaaz, har harf behtreen........duawaan

 

dhanwaad

 

Sukhpal**

 

ਕੀਮਤੀ ਟਾਈਮ ਕਢਕੇ ਇੰਨਾ ਪਿਆਰ ਅਤੇ ਮਾਨ ਦੇਣ ਲਈ ਬਹੁਤ ਸ਼ੁਕਰੀਆ Harpinder Ji |

ਜਿਉਂਦੇ ਵਸਦੇ ਰਹੋ |

 

God Bless !

 

 

ਸੁਖਪਾਲ ਵੀਰ ਜੀਓ ਆਪਦਾ ਬਹੁਤ ਸਾਰਾ ਪ੍ਰੇਮ ਅਤੇ ਸਿੰਸੀਅਰ ਕਮੇਂਟ੍ਸ ਦੀ ਆਕਸੀਜਨ ਮਿਲੀ |

ਆਰਟੀਕਲ ਦਾ ਮਾਨ ਕਰਨ ਲਈ ਬਹੁਤ ਬਹੁਤ ਧੰਨਵਾਦ ਬਾਈ ਜੀ |

 

ਰੱਬ ਰਾਖਾ !

 

 

ਸੁਖਵਿੰਦਰ ਜੀ, ਹੌਂਸਲਾ ਅਫਜ਼ਾਈ ਲਈ ਬਹੁਤ ਬਹੁਤ ਸ਼ੁਕਰੀਆ | ਮੈਂ ਆਪਦੇ ਕਮੇਂਟ੍ਸ ਦਾ ਖਿਆਲ ਈ ਨੀ ਕੀਤਾ, ਇਸ ਲਈ ਧੰਨਵਾਦ ਦੇਣ ਵਿਚ ਦੇਰੀ ਹੋ ਗਈ |

 ਛਿਮਾ ਦਾ ਜਾਚਕ ਹਾਂ |

 

This creation is terrific. ..Nice.


ਲਿਹਾਜ ਗੁਆਚਾ ਲੱਭਾ ਨਾ,
ਦਿਲ ਹਮਦਰਦੀ ਪਿਆਰ ਗਿਆ,
ਸੰਜਮ ਸੱਗੀ-ਫੁੱਲ ਡਿੱਗ ਪਿਆ,
ਸ਼ਰਮ ਦਾ ਰਾਣੀ-ਹਾਰ ਗਿਆ,
ਚੁੰਨੀ ਦਾ ਰੰਗ ਦਾਗ਼ਦਾਰ ਹੋ,
ਸਗਲਾ ਰੂਪ ਵਿਗਾੜ ਗਿਆ ...

ਵੈਸੇ ਤਾਂ ਸਾਰੀ ਰਚਨਾ ਬਾ ਕਮਾਲ ਹੈ ਪਰ ਇਹ ਸਤਰਾਂ ਮਾਸਟਰ ਸਟਰੋਕ ਮੇਰੇ ਲਈ...ਜੀਓ ਸਰ।