ਪਹੁਫੁਟਾਲਾ 

ਪਹੁਫੁਟਾਲੇ ਲੈ ਅੰਗੜਾਈ

ਸੂਰਜ ਅਲਖ ਜਗਾਈ ਆ,

ਦਮਕੇ ਲਾਲੀ ਚੜ੍ਹਦੇ ਦੀ,

ਜਿਉਂ ਵਹੁਟੀ ਸੱਜ ਵਿਆਹੀ ਆ |

ਸੋਨੇ ਰੰਗਾ ਪਾਣੀ ਹੋਇਆ,

ਕਿਰਨਾਂ ਛਟਾ ਦਿਖਾਈ ਆ,

ਦੇਹਰੇ ਅੰਦਰ ਟੱਲੀ ਵੱਜਦੀ,

ਕਲੀਆਂ ਮਹਿਕ ਖਿੰਡਾਈ ਆ |

ਮਾਵਾਂ ਲਾਗੇ ਰੋਟੀ ਖਾਤਰ,

ਬੱਚਿਆਂ ਝੁਰਮਟ ਪਾਈ ਆ,

ਬੋਟ ਆਲ੍ਹਣੇ ਚੋਗਾ ਮੰਗਦੇ,

ਚਿੜੀਆਂ ਚੂੰ ਚੂੰ ਲਾਈ ਆ |

ਰੋਟੀ ਰੱਬ ਏ ਭੁੱਖੇ ਲਈ,

ਨਾ ਰੱਜੇ ਯਾਦ ਖੁਦਾਈ ਆ,

ਨਾਮ ਧਿਆਓ, ਵੰਡ ਕੇ ਖਾਓ,

ਗੁਰੂਆਂ ਰਾਹ ਵਿਖਾਈ ਆ |

ਹੋਏ ਨਾਲ ਨਾ ਤ੍ਰਿਪਤੀ ਹੋਵੇ,

ਕੈਸੀ ਅਜਬ ਲੁਕਾਈ ਆ,

ਓਹੀ ਸਭਨੂੰ ਚੰਗੀ ਲਗਦੀ,

ਜਿਹੜੀ ਵਸਤ ਪਰਾਈ ਆ |

ਖੁਦਗਰਜ਼ਾਂ ਨੇ ਭੌਤਿਕਵਾਦੀ

ਐਸੀ ਹਵਾ ਚਲਾਈ ਆ,

ਜੋ ਚੱਲੇ ਪਰਮਾਰਥ ਰਸਤੇ,

ਉਹਨੂੰ ਕਹਿਣ ਸ਼ੁਦਾਈ ਆ |

          ਜਗਜੀਤ ਸਿੰਘ ਜੱਗੀ

ਦੇਹਰੇ ਅੰਦਰ = ਮੰਦਰ , ਸ਼ਿਵਾਲੇ ਵਿਚ; ਝੁਰਮਟ = Cluster, huddle around; ਭੌਤਿਕਵਾਦੀ = materialistic; ਨਾ ਰੱਜੇ ਯਾਦ ਖੁਦਾਈ ਆ = ਰੱਜਿਆ ਬੰਦਾ ਰੱਬ ਵਿਸਾਰ ਦਿੰਦਾ ਹੈ; ਸ਼ੁਦਾਈ = one who is not worldly wise; crazy.

ਜੋ ਚੱਲੇ ਪਰਮਾਰਥ ਰਸਤੇ,

ਉਹਨੂੰ ਕਹਿਣ ਸ਼ਦਾਈ ਆ |.......

ਬਿਲਕੁਲ ਸਹੀ ਜਨਾਬ ...

6 paragraphs and each and every line is so beautifully and nicely written sir g, ................... good to read that all ............. written so perfectly............ great thoughts are very well expressed,..............TFS.

Sukhpal**

ਵਾਹ !

ਅੱਜ ਕਈ ਦਿਨਾਂ ਬਾਅਦ ਸਮਾਂ ਮਿਲਿਆ ,,,,,,,,,,,,,,,,,,,, ਤੇ ਆਉਂਦੇ ਹੀ ਤੁਹਾਡੀ ਲਿਖਤ ਪੜ੍ਹਨ ਨੂੰ ਮਿਲੀ | ਕਮਾਲ !!!

ਰੂਹ ਨੂੰ ਸਕੂਨ ਦੇਣ ਵਾਲੀ ਲਿਖਤ ਹੈ ਵੀਰ ਜੀ !!!ਜਿਓੰਦੇ ਵੱਸਦੇ ਰਹੋ,,,

ਬਹੁਤ ਸਾਰੇ ਪਿਆਰ ਅਤੇ ਕਮੇਂਟ੍ਸ ਲਈ ਸ਼ੁਕਰੀਆ ਹਰਪਿੰਦਰ ਬਾਈ ਜੀ | 

ਵੈਸੇ ਆਪ ਦੇ ਫੋਰਮ ਤੇ ਨਾ ਹੋਣ ਨਾਲ ਇਵੇਂ ਲਗਦੈ ਜਿਵੇਂ ਟੀਮ ਵਿਚੋਂ ਤੇਂਦੁਲਕਰ ਐਬਸੈਂਟ ਏ | ਇਸ ਲਈ ਰੇਗੂਲਰ ਗੇੜਾ ਲਾਂਦੇ ਰਿਹਾ ਕਰੋ |

ਸੁਖਪਾਲ ਬਾਈ ਜੀ, ਕਿਰਤ ਲਈ ਆਪਣਾ ਕੀਮਤੀ ਸਮਾਂ ਕਢਣ ਅਤੇ ਕਮੇਂਟ੍ਸ ਦੀ ਢੇਰ ਸਾਰੀ ਆਕਸੀਜਨ ਦੇਣ ਲਈ ਬਹੁਤ ਬਹੁਤ ਸ਼ੁਕਰੀਆ  |

ਜਿਉਂਦੇ ਵੱਸਦੇ ਰਹੋ |

ਬਿਲਕੁਲ ਇੰਨਬਿੰਨ ਸਹੀ ਹੈ ਸਰ ਜੀ ਜੇਹੜੀ ਦੂਜੇ dee  ਚੀਜ ਹੈ ਉਹੀ ਚੰਗ੍ਗੀ ਲਗਦੀ ਹੈ ਨਾਲੇ ਗੁਰੂਆਂ ਨੇ ਜੋ ਸਿਖ ਦਿੱਤੀ ਹੈ ਉਸ ਬਾਰੇ ਵੀ ਬਹੁਤ ਖੂਬ ਲਿਖਿਆ ਹੈ ਜੀ |

BOHAT HI VADHIA JI......close depection of real life