bahut  vadiya  lakhiya  lakhwinder  g   ..............thanks  for sharing

ਜਦੋਂ ਗੈਰਾਂ ਨੇ ਠੁਕਰਾਇਆ ਤਾਂ ਮੇਰੀ ਯਾਦ ਆਏਗੀ
ਕੋਈ ਜਦ ਰਾਸ ਨਾ ਆਇਆ ਤਾਂ ਮੇਰੀ ਯਾਦ ਆਏਗੀ

ਤੇਰੇ ਜੋਬਨ ਦਾ ਫੁਲ ਕੁਮਲਉਣ ‘ਤੇ ਉਡ ਜਾਣਗੇ ਭੌਰੇ
ਖਿਜਾਂ ਦਾ ਦੌਰ ਜਦ ਆਇਆ ਤਾਂ ਮੇਰੀ ਯਾਦ ਆਏਗੀ

ਦਿਲ ਨੂੰ ਲਗਦੇ ਨੇ ਜੋ ਪਿਆਰੇ ਪਿਆਰੇ ਲੋਕ
ਕਾਸ਼! ਕਿਤੇ ਹੋ ਜਾਣ ਇਹ ਮੇਰੇ ਸਾਰੇ ਲੋਕ
ਹੋਣ ਨਸੀਬ ਜਿਨਹਾਂ ਨੂੰ ਘਰ ਨਾ ਧਰਤੀ ਤੇ
ਮੇਰੇ ਦਿਲ ਤੇ ਪਾਉਣ ਉਹ ਛੰਨਾਂ-ਢਾਰੇ ਲੋਕ
ਰੱਬ ਵੀ ਚੁੱਕ ਨਾ ਸਕਿਆ ਝੋਲੀ ਚੁੱਕਾਂ ਨੂੰ
ਉਫ਼! ਇਹ ਕਿੰਨੇ ਹੌਲੇ ਕਿੰਨੇ ਭਾਰੇ ਲੋਕ
ਉੱਚਿਆਂ ਨੇ ਜਦ ਸੁੱਟਿਆ ਨੀਵੇਂ ਚੁੱਕਣਗੇ
ਦੁਖੀਆਂ ਨੂੰ ਗੱਲ ਲਾਉਂਦੇ ਨੇ ਦੁਖਿਆਰੇ ਲੋਕ
ਹੱਥ ਚੋਂ ਜਾਮ ਨਿਕਲਦਾ ਟੁੱਟਦਾ ਦਿਲ ਮੇਰਾ
ਚੇਤੇ ਆਉਂਦੇ ਨੇ ਜਦ ਭੁੱਖ ਦੇ ਮਾਰੇ ਲੋਕ
ਉਹ ਵੀ ਦਿਨ ਸਨ ਰਾਤਾਂ ਨੂੰ ਹੀ ਦਿਸਦੇ ਸਨ
ਦਿਨ ਵੇਲੇ ਵੀ ਤਕਦੇ ਨੇ ਹੁਣ ਤਾਰੇ ਲੋਕ
"ਉਲਫ਼ਤ" ਅਜ ਕਲ ਚੁੱਪ ਕਿਉਂ ਰਹਿੰਦਾ ਹੈ
ਸੌ ਸੌ ਗਲ ਕਰਦੇ ਨੇ ਉਸ ਦੇ ਬਾਰੇ ਲੋਕ

bahut  khoob  balihar   g ............tusi  bada   vadiya  lakhiy  lano..........

ਸਾਰਾ ਆਲਮ ਪਰਾਇਆ ਲਗਦਾ ਹੈ........

ਸਾਰਾ ਆਲਮ ਪਰਾਇਆ ਲਗਦਾ ਹੈ।
ਜਾਣ ਦਾ ੳਕਤ ਆਇਆ ਲਗਦਾ ਹੈ।

ਦਿਲ ਜੋ ਤੇਰਾ ਕਿਤੇ ਨਹੀਂ ਲਗਦਾ,
ਤੂੰ ਕਿਤੇ ਦਿਲ ਲਗਾਇਆ ਲਗਦਾ ਹੈ।

ਪਿਆਰ ਦੀ ਬੂੰਦ ਤਕ ਨਹੀਂ ਮਿਲਦੀ,
ਦਿਲ ਯੁਗਾਂ ਦਾ ਤਿਹਾਇਆ ਲਗਦਾ ਹੈ।

ਖ਼ਾਬ ਲਗਦਾ ਏ ਹੁਣ ਵਜੂਦ ਆਪਣਾ,
ਉਡਦੇ ਪੰਛੀ ਦਾ ਸਾਇਆ ਲਗਦਾ ਹੈ।

ਆਣ ਬੈਠਾਂ ਏਂ ਜੀਂਦੇ ਜੀ ਕਬਰੀਂ
ਤੈਨੂੰ ਜਗ ਨੇ ਸਤਾਇਆ ਲਗਦਾ ਹੈ।

ਲਭਦਾ ਫਿਰਦਾ ਏਂ ਮਸਤ ਨਜ਼ਰਾਂ 'ਚੋਂ
ਤੂੰ ਕਿਤੇ ਦਿਲ ਗੁਆਇਆ ਲਗਦਾ ਹੈ।

ਨਾ ਸੁਨੇਹਾ ਨਾ ਕੋਈ ਖ਼ਤ "ਉਲਫ਼ਤ"
ਉਸ ਨੇ ਤੈਨੂੰ ਭੁਲਾਇਆ ਲਗਦਾ ਹੈ।

ਚੰਗਾ ਆਪਣਾ ਆਪ ਦਿਖਾਇਆ ਮਰਦਾਂ ਨੇ...

ਚੰਗਾ ਆਪਣਾ ਆਪ ਦਿਖਾਇਆ ਮਰਦਾਂ ਨੇ
ਮੌਤ ਆਈ ਤਾਂ ਮੂੰਹ ਛੁਪਾਇਆ ਮਰਦਾਂ ਨੇ

ਲਾਲ ਹਨੇਰੀ ਝੁੱਲੀ ਨਾ ਦਮ ਘੁਟ ਵਿਚ ਵੀ
ਡਰ ਡਰ ਆਪਣਾ ਖ਼ੂਨ ਸੁਕਾਇਆ ਮਰਦਾਂ ਨੇ

ਉੱਚੀ ਸਾਹ ਨਾ ਕੱਢਿਆ ਲੋਕ ਜਦੋਂ ਵਿਲਕੇ
ਹੁਣ ਸਿਰ ਤੇ ਅਸਮਾਨ ਉਠਾਇਆ ਮਰਦਾਂ ਨੇ

ਜ਼ੁਲਮ ਹਕੂਮਤ ਦੇ ਨੂੰ ਰੱਬੀ ਮਿਹਰ ਕਿਹਾ
ਸੱਚ ਕੀ ਵੇਲਾ ਕੂੜ ਅਲਾਇਆ ਮਰਦਾਂ ਨੇ

ਗੇਰੂ ਲਾ ਲਾ ਕੰਧਾਂ ਭਰੀਆਂ ਤਨਖ਼ਾਹੀਆਂ
ਖ਼ੂਨ ‘ਚ ਲਿਖ ਇਤਿਹਾਸ ਬਣਾਇਆ ਮਰਦਾਂ ਨੇ

ਸ਼ੋਰ ਮਚਾਇਆ ਭੰਡਾਂ ਨੇ ਜੁਗ ਗਰਦੀ ਦਾ
ਚੁੱਪ ਚੁਪੀਤੇ ਜੁਗ ਪਲਟਾਇਆ ਮਰਦਾਂ ਨੇ

‘ਉਲਫਤ’ ਫ਼ਸਲੀ ਯਾਰ ਉਡਾਰੀ ਮਾਰ ਗਏ
ਆਖਿਰ ਤੇਰਾ ਸਾਥ ਨਿਭਾਇਆ ਮਰਦਾਂ ਨੇ

great topic..!!

hats off to u... balihar ji and lakhwinder veer..!!!

kya baat ae..!! keep sharing such great stuff.... really liked it....