ਅੱਜ ਤੇ ਗੀਤ, ਅੱਜ ਦੀ ਗਾਇਕੀ ਤੇ ਅੱਜ ਦੇ ਗਾਉਣ ਵਾਲਿਆਂ ਤੋਂ ਦੁਖੀ ਹੋ ਕੇ ਕੁਝ ਲਾਵਾ ਫੁੱਟਿਆ ਹੈ ! ਕਬੂਲ ਕਰਨਾ ! ਮਿਆਰੀ ਰਚਨਾ ਨਹੀਂ ਹੈ ਪਰ ਮਿਊਜ਼ਿਕ ਨੂੰ ਪਿਆਰ ਕਰਨ ਵਾਲੇ , ਮਾਤ-ਭਾਸ਼ਾ ਨੂੰ ਪਿਆਰ ਕਰਨ ਵਾਲੇ ਏਸ ਫ੍ਰ੍ਸਟਰੇਸ਼ਨ ਨੂੰ ਜਰੂਰ ਸਮਝਣਗੇ ! ਧੰਨਵਾਦ !
ਉੱਡ-ਪੁੱਡ ਚੱਲਿਆ ਏ ਵਿਰਸਾ ਵੀ ਖਿੱਤੇ ਦਾ
ਗਾਇਕਾਂ ਨੇ ਕਢ ਤਾ ਜਲੂਸ ਇਸ ਕਿੱਤੇ ਦਾ ,
ਬੇਸੁਰ-ਬੇਤਾਲ ਸਭ ਬਣੇ ਕਲਾਕਾਰ ਬਈ
ਜੁੱਤੀ ਦੇ ਨੇ ਯਾਰ ਸਭ ਜੁੱਤੀ ਦੇ ਨੇ ਯਾਰ ਬਈ ...
ਧੀਆਂ ਤੇ ਇੰਚੀਟੇਪ ਲਾਉਣ ਵਾਲੇ
ਮੁੰਨੀ ਨੂੰ ਬੁਲਾਉਣ ਵਾਲੇ
ਅੱਧੇ ਪੈਸੇ ਪਾਉਣ ਵਾਲੇ
ਸੁੱਟੋ ਪੰਜਾਬੋਂ ਬਾਹਰ ਬਈ ,
ਜੁੱਤੀ ਦੇ ਨੇ ਯਾਰ ਇਹ ਜੁੱਤੀ ਦੇ ਨੇ ਯਾਰ ਬਈ ...
ਸੂਟਾਂ ਤੇ ਦਾਗ ਪਾਉਣ ਵਾਲੇ
ਸੂਟੇ -ਸ਼ੀਸ਼ੀਆਂ ਲਾਉਣ ਵਾਲੇ
ਨੀਂਦ ਦੀਆਂ ਗੋਲੀਆਂ ਖਵਾਉਣ ਵਾਲੇ
ਮਾਂ -ਬੋਲੀ ਉੱਤੇ ਭਾਰ ਬਈ ,
ਜੁੱਤੀ ਦੇ ਨੇ ਯਾਰ ਇਹ ਜੁੱਤੀ ਦੇ ਨੇ ਯਾਰ ਬਈ ...
ਨਿੱਤ ਡਾਂਗ-ਸੋਟਾ ਖੜਕਾਉਣ ਵਾਲੇ
ਨਾਨਕੀਂ ਇਸ਼ਕ਼ ਲੜਾਉਣ ਵਾਲੇ
ਭੂਆ ਪਿੰਡ ਪੜਾਉਣ ਵਾਲੇ
ਇੱਕ ਧੱਫੇ ਦੀ ਨੇ ਮਾਰ ਬਈ ,
ਜੁੱਤੀ ਦੇ ਨੇ ਯਾਰ ਇਹ ਜੁੱਤੀ ਦੇ ਨੇ ਯਾਰ ਬਈ ...
ਕੁਝ ਰੈਪ ਜਿਹਾ ਸੁਣਾਉਣ ਵਾਲੇ
ਯੋ-ਯੋ ਕਹਾਉਣ ਵਾਲੇ
ਨਿੱਤ ਥੂ-ਥੂ ਕਰਾਉਣ ਵਾਲੇ
'ਸੰਧੂਆ' ਕੌਮ ਦੇ ਗੱਦਾਰ ਬਈ ,
ਜੁੱਤੀ ਦੇ ਨੇ ਯਾਰ ਇਹ ਜੁੱਤੀ ਦੇ ਨੇ ਯਾਰ ਬਈ ...
|
