ਕੋਈ ਸਮਾਂ ਸੀ ਜਦੋਂ ਪੰਜਾਬ ਦੀ ਗਾਇਕੀ ਨੂੰ ਬੜਾ ਸ਼ੁੱਧ ਤੇ ਪਵਿੱਤਰ ਮੰਨਿਆ ਜਾਂਦਾ ਸੀ|ਪੰਜਾਬ ਦੇ ਕਈ ਮਸ਼ਹੂਰ ਗਾਇਕ ਜਿਵੇਂ ਯਮਲਾ ਜੱਟ, ਸੁਰਿੰਦਰ ਕੌਰ,ਜਗਮੋਹਨ ਕੌਰ,ਗੁਰਦਾਸ ਮਾਨ,ਨਰਿੰਦਰ ਬੀਬਾ,ਕੁਲਦੀਪ ਮਾਣਕ,ਮੁਹੰਮਦ ਸਦੀਕ ਤੇ ਕਈ ਹੋਰ ਚੰਗੇ ਗਾਇਕਾਂ ਨੇ ਪੰਜਾਬੀ ਮਾਂ ਬੋਲੀ ਦੀ ਸੇਵਾ ਕੀਤੀ ਤੇ ਅਜੇ ਵੀ ਕਰ ਰਹੇ ਨੇ|ਪੰਜਾਬੀ ਗਾਇਕੀ ਦੇ ਥੰਮ ਬਾਬਾ ਗੁਰਦਾਸ ਮਾਨ ਪੁਰਾਣੇ ਲੋਕ ਅਤੇ ਅੱਜ ਦੀ ਪੀੜੀ ਦੇ ਵੀ ਹਰਮਨ ਪਿਆਰੇ ਗਾਇਕ ਹਨ|ਨਵੇਂ ਜ਼ਮਾਨੇ ਚ ਹੋਰ ਵੀ ਕਈ ਗਾਇਕ ਆ ਰਹੇ ਨੇ ਜਾਂ ਆ ਕੇ ਚਲੇ ਗਏ|ਕਦੇ ਲੋਕ ਇਹ ਗੱਲ ਕਰਿਆ ਕਰਦੇ ਸਨ ਕੇ ਪੰਜਾਬ ਚ ਸਿੰਗਰ ਇੱਟ ਪੁੱਟੇ ਨਿਲਕਦੇ ਹਨ,ਪਰ ਹੁਣ ਤਾਂ ਇੱਟ ਪੁੱਟਣ ਦੀ ਵੀ ਲੋੜ ਨਈ,ਇੱਕ-2 ਇੱਟ ਤੇ 4-4 ਸਿੰਗਰ ਬੈਠੇ ਨੇ|ਜਿੰਨਾ ਵਿੱਚੋਂ ਇੱਕ ਸਾਡੇ ਪੰਜਾਬ ਦੀ ਮੁਟਿਆਰ,ਜਿਸਦਾ ਨਾਮ ਥੋੜੇ ਸਮੇਂ ਵਿੱਚ ਹੀ ਕਾਫੀ ਮਸ਼ਹੂਰ ਹੋ ਗਿਆ ਤੇ ਬੱਚਾ-2 ਉਸਦਾ ਜਾਨੂ ਹੈ|ਜਿਸਨੇ ਕੋਈ ਬਈਆ ਵੀ ਨੀ ਛੱਡਿਆ ਜਿਹਦੇ ਨਾਲ ਨਾ ਗਾਇਆ ਹੋਵੇ|ਜੀ ਹਾਂ ਮੈ ਗੱਲ ਕਰਨ ਜਾ ਰਿਹਾਂ ਹਾਂ ਹਰਮਨ ਪਿਆਰੀ ਗਾਇਕਾ "ਮਿਸ ਪੂਜਾ"|ਜਦੋਂ ਦਾ ਮਿਸ ਪੂਜਾ ਨੇ ਗਾਇਕੀ ਦੇ ਖੇਤਰ ਵਿੱਚ ਪੈਰ ਰੱਖਿਆ ਕੋਈ ਦਿਨ ਮਿਸ ਹੀ ਨੀ ਹੋਇਆ ਜਿਸ ਦਿਨ ਮਿਸ ਪੂਜਾ ਦਾ ਨਵਾਂ ਗਾਣਾ ਸੁਨਣ ਨੂੰ ਨਾ ਮਿਲਿਆ ਹੋਵੇ|ਕੋਈ ਵੀ ਪੰਜਾਬੀ ਟੀਵੀ ਚੈਨਲ ਚਲਾ ਕੇ ਦੇਖ ਲਉ, ਅੱਗੇ ਮਿਸ ਪੂਜਾ ਪਹਿਲਾਂ ਹੀ ਖੜੀ ਮਿਲਦੀ ਹੈ|ਕਿਸੇ ਚੈਨਲ ਤੇ ਇਹ ਤੁਹਾਨੂੰ ਕਣਕ ਜਾਂ ਝੋਨਾ ਲਾਉਂਦੀ ਜਾਂ ਵੱਡਦੀ ਹੋਈ, ਕਿਸੇ ਦੇ ਕੰਬਾਇਨ ਜਾਂ ਟਰੈਕਟਰ ਤੇ ਬੈਠੀ, ਕਿਸੇ ਤੇ ਬੋਰ ਡੂੰਗਾ ਕਰਦੀ ਜਾਂ ਚਾਹ ਦਾ ਕੱਪ ਪੀਂਦੀ ਹੋਈ ਤਾਂ ਜਰੂਰ ਮਿਲ ਹੀ ਜਾਉਗੀ|ਜੇ ਕਦੇ ਇਹ ਜੱਟਾਂ ਜਾਂ ਖੇਤਾਂ ਚੋ ਬਾਹਰ ਨਿਕਲਦੀ ਵੀ ਹੈ ਤਾਂ ਇਸਦਾ ਦੂਜਾ ਨਿਸ਼ਾਨਾ ਹੁੰਦਾ ਹੈ ਮੋਬਾਇਲ,ਬੁਲਟ,ਕਾਲਜ ਅਤੇ ਚੰਡੀਗੜ|ਮਿਸ ਪੂਜਾ ਨੇ ਅਪਣੇ ਗੀਤਾ ਰਾਹੀਂ ਪੰਜਾਬ ਦੇ ਸਾਰੇ ਮਾਪਿਆ ਦੇ ਦਿਮਾਗ ਚ ਇਹ ਗੱਲ ਚੰਗੀ ਤਰਾਂ ਬਿਠਾ ਦਿੱਤੀ ਹੈ ਕਿ ਜੇ ਤੁਸੀ ਆਪਣੀ ਕੁੜੀ ਨੂੰ ਕਿਧਰੇ ਚੰਡੀਗੜ ਕਿਤੇ ਪੜਨ ਲਾਉਗੇ ਤਾਂ ਉਹਨੇ ਸਿਰਫ ਬੁਲਟਾਂ ਤੇ ਕਾਲੇ ਸ਼ੀਸ਼ਆਂ ਵਾਲੀਆਂ ਗੱਡੀਆਂ ਚ ਝੂਟੇ ਹੀ ਲੈਣੇ ਆ ਤੇ ਲੇਕ ਅਤੇ ਬਾਗਾਂ ਚ ਹੀ ਘੁੰਮਣਾ ਹੈ|ਜੇ ਕਿਸੇ ਨੂੰ ਇਹਨਾਂ ਗੱਲਾਂ ਦਾ ਨਈ ਵੀ ਪਤਾ ਤਾਂ ਮਿਸ ਪੂਜਾ ਅੱਜਕੱਲ ਦੀਆਂ ਕੁੜੀਆਂ ਨੂੰ ਬੜੀ ਚੰਗੀ ਤਰਾਂ ਦੱਸਦੀ ਹੈ ਕੇ ਘਰਦਿਆਂ ਤੋਂ ਚੋਰੀ ਮੋਬਾਇਲ ਕਿਵੇਂ ਰੱਖਣਾ ਹੈ,ਅਤੇ ਜੇ ਕੋਈ ਕੋਲ ਬੈਠਾ ਹੋਵੇ ਤੇ ਉਪਰੋਂ ਕਿਸੇ ਮੁੰਡੇ ਦਾ ਫੋਨ ਆਵੇ ਤਾਂ ਕਿਵੇਂ ਰੌਂਗ ਨੰਬਰ ਕਹਿ ਕੇ ਕੱਟਣਾ ਹੈ|ਉਹ ਕੁੜੀਆਂ ਨੂੰ ਇਹ ਵੀ ਦੱਸਦੀ ਹੈ ਕਿ ਸੱਸਾਂ ਦੀ ਸੇਵਾ ਕਿਹੜੀ ਤੇ ਕਿਵੇਂ ਕਰਨੀ ਹੈ|
ਗਾਇਕੀ ਤੋਂ ਬਾਦ ਮਿਸ ਪੂਜਾ ਨੇ ਪੰਜਾਬੀ ਫਿਲਮਾਂ ਦਾ ਨਾਸ ਮਾਰਨ ਦਾ ਫੈਸਲਾ ਕੀਤਾ,ਜੋ ਕਿ ਪਹਿਲਾਂ ਹੀ ਬਹੁਤੀ ਚੰਗੀ ਹਾਲਤ ਚ ਨਈ ਹਨ|ਪਰ ਇੱਥੇ ਇਹ ਬਹੁਤੀ ਕਾਮਯਾਬ ਨਾ ਹੋ ਸਕੀ|ਦੋਨੇ ਫਿਲਮਾਂ ਰੀਲੀਜ਼ ਹੁੰਦੇ ਹੀ ਉੱਡ ਗਈਆਂ|ਕਿਧਰੋਂ ਆਈਆਂ ਤੇ ਕਿੱਧਰ ਗਈਆਂ ਕਿਸੇ ਨੂੰ ਪਤਾ ਹੀ ਨਈ ਲੱਗਿਆ|ਨਈ ਤਾਂ ਹੁਣ ਤੱਕ ਮਿਸ ਪੂਜਾ ਨੇ ਐਲਬਮ ਵਾਂਗ ਹੁਣ ਨੂੰ 40-50 ਫਿਲਮਾਂ ਤਾ ਬਣਾ ਹੀ ਦੇਣੀਆਂ ਸਨ|ਬਾਕੀ ਕੋਈ ਕੁਝ ਵੀ ਕਹੀ ਜਾਏ ਪਰ ਮਿਸ ਪੂਜਾ ਨੇ ਆਪਣੇ ਵਿਆਹ ਜੋਗੇ ਪੈਸੇ ਤਾ ਕਮਾ ਈ ਲਏ ਹੋਣੇ ਆਂ|ਬਾਕੀ ਜਿਉਂਦੇ ਰਹਿਣ ਸਾਡੇ ਭਗਤੇ ਭਾਈ ਵਾਲੇ ਕਰਮਜੀਤ ਪੁਰੀ ਸਾਹਬ,ਜੇ ਇਹ ਮਿਸ ਪੂਜਾ ਕਿਧਰੇ "ਮਿਸ" ਹੋ ਵੀ ਗਈ ਤਾਂ ਉਹ ਝੱਟ ਨਵੀਂ ਤਿਆਰ ਕਰ ਦੇਣਗੇ...
|
