ਅੱਜ ਮੈਨੂੰ ਲੱਗ ਰਿਹਾ
ਦੇਸ਼ ਦੀ ਪੁਲਿਸ ਦੀਆਂ ਰਫਲਾਂ ਦਾ ਮੂੰਹ
ਆਮ ਜੰਤਾ ਵੱਲ  
ਚੰਦ ਸਰਕਾਰੀ
ਦਹਿਸ਼ਤਗਰਦਾਂ ਦੇ ਕਹਿਣ ਤੇ
ਅੱਜ ਜਿਹੜੇ ਕਿਸੇ ਦੀ
ਖੁਦਕੁਸ਼ੀ ਦੀ ਖਬਰ ਵੇਖ
ਪਲਟ ਲੈਂਦੇ ਨੇ ਅਖਬਾਰ ਦਾ ਪੰਨਾਂ
ਤੇ ਆਪਣੇ ਤਨ ਤੇ ਪਏ
ਜਨਤਾ ਦੇ ਲਹੂ ਦੇ ਦਾਗਾਂ ਨੂੰ
ਢਕ ਲੈਂਦੇ ਨੇਂ ਚਿੱਟੇ ਵਸਤਰਾਂ ਦੇ ਨਾਲ
ਖੁਸ਼ ਹੋ ਜਾਂਦੇ ਨੇਂ ਵੇਖ
ਮਤਲਬੀ ਅਤੇ ਪੱਖਪਾਤੀ ਪ੍ਰੇਸ ਦੁਆਰਾ ਛਾਪੇ
ਝੂਠੀ ਤਰੱਕੀ ਦੀ ਹਾਮੀ ਭਰਦੇ
ਚੰਦ ਸਰਕਾਰ ਦੇ ਖਰੀਦੇ ਪੰਨਿਆਂ ਨੂੰ
ਅੱਜ ਦੀ ਪ੍ਰੇਸ ਦੀ ਤਰੱਕੀ ਦਾ ਆਲਮ
ਅਮੀਰ ਦੀ ਕੁੱਤੀ ਦਾ ਅਫਸੋਸ
ਤੇ ਗਰੀਬ ਦੀ ਲਾਸ਼ ਦਾ ਤਮਾਸ਼ਾ
ਨਿੱਤ ਦੇਖਣ ਨੂੰ ਨਸੀਬ ਹੁੰਦਾ  
ਸਮਾਂ ਇੱਕ ਸਾਰ ਨਹੀਂ ਹੁੰਦਾ
ਜੇ ਰੋਸ਼ਨਦਾਨ ਵਿੱਚੋਂ ਚੜਦੇ ਸੂਰਜ ਦੀ
ਝਾਤ ਮਾਰਦੀ ਕਿਰਣ ਨਜਰ ਆਉਂਦੀ ਏ
ਤਾਂ ਛਿਪਦਾ ਸੂਰਜ ਵੀ ਤਾਕੀ "ਚੋਂ ਝਾਕਦਾ ਏ
ਅੱਜ ਜੇ ਹੱਥ ਵਿੱਚ ਕਲਮ
ਤੇ ਬੈਠਣ ਲਈ ਸਰਕਾਰੀ ਸਿੰਘਾਸਣ ਹੈ
ਤਾਂ ਕੱਲ ਇੱਕ ਟੁੱਟੀ ਜਿਹੀ ਫੱਟੀ
ਤੇ ਜੇਲ ਦੀ ਚੱਕੀ ਦਾ ਹੱਥੜਾ ਵੀ ਹੋ ਸਕਦਾ ਏ
ਜੋ ਟਿੰਡ ਭਰਕੇ ਆਉਂਦੀ ਏ
ਜਾਣਾ ਉਸਨੂੰ ਖਾਲੀ ਹੋਕੇ ਹੀ ਪੈਂਦਾ ਏ
ਜੋ ਗੋਲੀ ਕਿਸਾਨ ਦੀ ਛਾਤੀ ਵਿੱਚ ਵੱਜੀ ਏ
ਉਸਦੀ ਜਗ੍ਹਾ ਭਰਿਆ ਅਗਲਾ ਰੌਂਦ
ਤੁਹਾਡੇ ਚਿੱਟੇ ਵਸਤਰਾਂ ਨੂੰ
ਕਫਨ ਬਣਾਉਣ ਦੀ ਹਿੰਮਤ ਵੀ ਰੱਖਦਾ ਏ
ਕਿਓਂਕਿ ,,,,,,,,,,,,,,,,,,
ਸਮਾਂ ਅਤੇ ਹਥਿਆਰ
ਕਿਸੇ ਦੇ ਮਿੱਤਰ ਨਹੀਂ ਹੁੰਦੇ
ਤੇ ਤਾਕਤ ਸਦਾਂ ਸਾਥ ਨਹੀਂ ਦਿੰਦੀ
ਕਿਸਾਨਾਂ ਨੂੰ ਟਿੱਡੀਆਂ ਸਮਝਣ ਵਾਲਿਓ
ਖਬਰਦਾਰ ..................
ਜੇ ਇਹ ਟਿੱਡੀਦਲ ਬਣਗਿਆ  
ਤਾਂ ਕਿਸਾਨਾਂ ਦੀਆਂ ਫਸਲਾਂ ਤੇ ਚਲਦੇ
ਬੁਲਡੋਜਰਾਂ ਦੇ ਨਾਲੋਂ ਕਿਤੇ ਭਿਆਨਕ ਹੋਵੇਗੀ
ਤੁਹਾਡੀ ਜਿੰਦਗੀ ਦੀ ਫਸਲ ਦੀ ਤਬਾਹੀ
ਖੁਸ਼ੀ ਇਸ ਗੱਲ ਦੀ ਹੋਵੇਗੀ
ਕਿ ਡੁੱਲਣ ਵਾਲੇ ਖੂਨ ਦਾ ਰੰਗ
ਲਾਲ ਨਹੀਂ ,,,,,,ਚਿੱਟਾ ਹੋਵੇਗਾ
__________________

 

 

~~~ਗੁਰਮਿੰਦਰ ਸੈਣੀਆਂ~~~
        ੨੧~੦੮~੧੧

nicely written 22 g bahut kujh kehndiya ne satra

ਬਹੁਤ ਹੀ ਵਧੀਆ,,,

gud job dear..................

 

ਬਹੁਤ ਘੈਂਟ ਗੁਰਮਿੰਦਰ ਵੀਰ...।

ਅਰਸ਼ ,ਹਰਪਿੰਦਰ ,ਹਰਕਿਰਨ ਤੇ ਹਰਿੰਦਰ ਵੀਰ ਜੀ
ਰਚਨਾ ਨੂੰ   ਪੜਨ  ਤੇ ਆਪਣੇ ਕੀਮਤੀ ਵਿਚਾਰ ਦੇਣ ਲਈ ਸ਼ੁਕਰੀਆ

ਗੁਰਮਿੰਦਰ ਜੀ.......

ਬੜੀ ਹੀ ਸੰਘਰਸ਼ਵਾਦੀ ਰਚਨਾ ਸਾਂਝੀ ਕੀਤੀ ਹੈ......ਪੜਦੇ ਇਝ ਲਾਗ ਰਿਹਾ ਸੀ ਜਿਵੇ ਪਾਸ਼ ਨੂੰ ਪਦ ਰਹੇ ਹੋਈਏ.......ਸ਼ੁਕਰੀਆ ਜੀ ਸਾਂਝੀ ਕਰਨ ਲਈ

ਬਹੁਤ ਵਧੀਆ ਗੁਰਮਿੰਦਰ ਜੀ । ਸਾਝਾ ਕਰਨ ਲਈ ਧੰਨਵਾਦ । ਖ਼ੁਸ਼ ਰਹੋ ।

bahut wadhiya bai ji.....!!!!!

 

hamesha waang behtreen...!! 

ਜੁਝਾਰ ~ ਸ਼ੁਕਰੀਆ ਵੀਰ ਜੀ ,,,,,,ਪਾਸ਼ ਤੇ ਇੱਕ ਹੀ ਹੈ ਵੀਰ ਜੀ ਕਮਾਲ ਸੀ ਓਹਦੀ ਰੂਹ
ਸਜਦਾ ਓਸ ਮਹਾਨ ਕਵੀ ਨੂੰ ,,,, ਜੀਓ ਵੀਰ ਜੀ
ਰਾਜਿੰਦਰ ਜੀ ਅਮਰਿੰਦਰ ਸਾਬ  ਬਹੁਤ ਬਹੁਤ ਸ਼ੁਕਰੀਆ ਆਪਣੇ ਵਿਚਾਰ ਦੇਣ ਲਈ