ਨਿੱਕੀ ਹੁੰਦੀ ਤੂੰ ਰਹੀ ਨਾਨਕੇ

ਖਾਂਦੀ ਦੁੱਧ ਮਲਾਈਆਂ

ਤੁਰਦੀ ਦਾ ਲੱਕ ਝੂਟੇ ਖਾਂਦਾ

ਪੈਰੀਂ ਝਾਂਜਰਾਂ ਪਾਈਆਂ

ਤ੍ਰਿਞਣਾ ਚ ਕੱਤਦੀ ਦਾ ਦੇਂਦਾ ਰੂਪ ਦੋਹਾਈਆਂ

ਵੀਰ ਮੇਰੇ ਨੇ ਖੂਹ ਲਵਾਇਆ

ਵਿਚ ਸੁਟੀਆਂ ਤਲਵਾਰਾਂ

ਤ੍ਰਿਞਣ ਸੁੰਨੇ ਪਏ

ਕਿਧਰ ਗਏ ਚਰਖੇ ਤੇ ਕਿਧਰ ਗਈਆਂ ਮੁਟਿਆਰਾ

ਉੱਚੇ ਟਿੱਬੇ ਮੈਂ ਤਾਣਾ ਤਣਦੀ

ਉੱਤੋਂ ਰੁੜਗੀ ਥਾਲੀ

ਕੈਦ ਕਰਵਾਦੂੰਗੀ, ਮੈਂ ਡਿਪਟੀ ਦੀ ਸਾਲੀ

ਸੜਕੇ-੨ ਮੈਂ ਰੋਟੀ ਲਈ ਜਾਂਦੀ ਆ

ਉੱਥੇ ਪੌਣਾ ਟੰਗ ਆਈ ਆ

ਨੀ ਮੈਂ ਦਿਓਰ ਕੁਆਰਾ ਮੰਗ ਆਈ ਆ

ਰਾਤੀ ਛੜੇ ਨੂੰ ਅਇਆ ਸੁਪਨਾ

ਛੜਾ ਛੜੇ ਨੂੰ ਦੱਸਦਾ

ਸੁਪਨੇ ਵਿਚ ਮੇਰਾ ਵਿਆਹ ਹੋ ਗਿਆ

ਮੈਂ ਸੀ ਬਹੂ ਨਾਲ ਹਸਦਾ

ਤੜਕੇ ਨੂੰ ਪੱਟਿਆ ਗਿਆ ਚੰਗਾ ਭਲਾ ਘਰ ਵਸਦਾ

ਮਾਏ ਨੀ ਮੈਨੂੰ ਜੁੱਤੀ ਸਵਾ ਦੇ

ਹੇਠ ਲੁਆ ਦੇ ਖੁਰੀਆਂ

ਇਹ ਦਿਨ ਖੇਡਣ ਦੇ

ਸੱਸ ਨਨਾਣਾ ਬੁਰੀਆਂ

ਰੇਸ਼ਮੀ ਦੁਪੱਟੇ ਉੱਤੇ ਤਿੰਨ ਧਾਰੀਆ

ਪਹਿਨਣ ਨਾ ਦੇਵਣ ਕਬੀਲਦਾਰੀਆ

ਚਿੱਟੀ-੨ ਰੂੰ ਕਦੇ ਪਿੰਦਣੀ ਪਊਗੀ

ਸੱਸ ਨਾ ਸਲਾਹੀਏ ਕਦੇ ਨਿੰਦਣੀ ਪਊਗੀ

ਪਹਿਨ ਪਚਰ ਕੇ ਚੜੀ ਪੀਂਘ ਤੇ

ਡਿੱਗੀ ਹੁਲਾਰਾ ਖਾ ਕੇ

ਪੈਣ ਫੁਹਾਰਾ ਚਮਕੇ ਬਿਜਲੀ

ਵੇਖ ਲੈ ਰਾਂਝਿਆ ਆ ਕੇ

ਮੈਂ ਤੈਨੂੰ ਤਰਸ ਰਹੀ

ਬੱਦਲਾਂ ਤੋਂ ਸੁਨੇਹਾ ਪਾ ਕੇ

ਹੋਰਾਂ ਦੇ ਮਾਹੀ ਵਸਣ ਘਰਾਂ ਵਿਚ

ਮੇਰਾ ਮਾਹੀ ਬਾਡਰ ਤੇ

ਗੋਲੀ ਚਲਦੀ ਸਾਹਿਬ ਦੇ ਆਡਰ ਤੇ

ਗੋਲੀ ਚਲਦੀ.............