Experiments with Haiku and other Micro Poems...

 

ਪਿਆਰੇ ਪਾਠਕ ਮਿਤਰੋ,

ਬਹੁਤ ਦਿਨਾਂ ਤੋਂ ਮਨ ਵਿਚ ਅਜੋਕੀ ਜੀਵਨ ਸ਼ੈਲੀ ਅਤੇ ਵਕਤ ਦੇ ਖਿਲਾਫ਼ ਸਾਡੀ ਦੌੜ ਬਾਰੇ ਕਈ ਤਰਾਂ ਦੇ ਖਿਆਲ ਚਲ ਰਹੇ ਸਨ | ਇੰਜ ਲੱਗਦਾ ਹੈ ਕਿ ਸਾਡੇ ਕੋਲ ਆਰਾਮ ਨਾਲ ਬੈਠ ਕੇ ਖਾਣ ਤੱਕ ਦਾ ਵੀ ਸਮਾਂ ਨਹੀਂ ਹੈ | ਅਮਰੀਕਾ ਆਦਿ ਤਥਾਕਥਿਤ ਵੱਡੇ ਅਤੇ ਅਡਵਾਂਸ ਮੁਲਕਾਂ ਵਿਚ ਤਾਂ ਲੋਕ ਤੁਰਦੇ ਫਿਰਦੇ ਈ ਖਾਂਦੇ ਪੀਂਦੇ ਰਹਿੰਦੇ ਹਨ - ਜਿਵੇਂ ਬੱਕਰੀ ਜਾਂ ਗਾਂ ਐਧਰ ਓਧਰ ਤੁਰਦੀ ਫਿਰਦੀ ਬਰਕ ਮਾਰਦੀ ਫਿਰਦੀ ਐ | 

ਇਹੋ ਜਿਹੀ ਦੌੜ ਭੱਜ ਵਿਚ ਵੱਡੀਆਂ ਤੇ ਲੰਮੀਆਂ ਲਿਖਤਾਂ ਪੜ੍ਹਨ ਦਾ ਵਕਤ ਕਿਦ੍ਹੇ ਕੋਲ ਹੈ ?

ਇਸ ਕਰਕੇ ਹਾਇਕੂ ਅਤੇ ਹੋਰ ਨਿੱਕੀਆਂ ਕਾਵਿ ਲਿਖਤਾਂ ਵਾਲੇ Format (each poem having about 3-4 lines) ਤੇ ਹੱਥ ਅਜ਼ਮਾਉਣ ਦਾ ਮਨ ਹੈ - ਆਸ ਹੈ ਇਸ ਲੜੀ ਵਿਚ ਅਪਲੋਡ ਕੀਤੀਆਂ ਰਚਨਾਵਾਂ ਨੂੰ ਪਾਠਕ ਆਲੋਚਨਾਤਮਕ ਦ੍ਰਿਸ਼ਟੀ ਕੋਣ ਨਾਲ ਪੜ੍ਹਨਗੇ ਅਤੇ ਆਪਣੇ ਬਹੁਮੁੱਲੇ ਵਿਚਾਰ ਅਤੇ ਸੁਝਾਓ ਵੀ ਦੇਣਗੇ.....

So here we go.....

 

Article-01

           ਸਾਈਲੈਂਸਰ

    (ਇਕ ਹਾਇਕੂ ਕਵਿਤਾ)

  

ਮਿਲੀਭੁਗਤ ਤੇ ਮਾਇਆ ਦਾ ਜੋਰ, 

ਗਜ਼ਬ ਦੇ ਸਾਈਲੈਂਸਰ ਨੇ,

ਸੁਣਦਾ ਈ ਨੀਂ ਮਾੜੇ ਦਾ ਸ਼ੋਰ |

ਜਗਜੀਤ ਸਿੰਘ ਜੱਗੀ

 

 

        

-----*********************-----

 

 

Article-02

               ਜ਼ਿੰਦਗੀ

 

ਗੋਦੀ ਚੜ੍ਹ ਦੁਨੀਆਂ ਤੇ ਆਈ ਦੋਸਤੋ,

ਮੋਢੇ ਚੜ੍ਹ ਹੁੰਦੀ ਏ ਵਿਦਾਈ ਦੋਸਤੋ,

ਦੂਜੇ ਦੇ ਸਹਾਰੇ ਨਾਲ ਜੀਣੀ ਹੁੰਦੀ ਐ,

ਚੀਜ਼ ਐਸੀ ਜ਼ਿੰਦਗੀ ਬਣਾਈ ਦੋਸਤੋ |

 

     ਜਗਜੀਤ ਸਿੰਘ ਜੱਗੀ

 

 

Ssa Jagjit Sir,

ਤੁਸੀ ਬਿਲਕੁਲ ਸਹੀ ਕਿਹਾ , ਸਾਡੇ ਕੋਲ ਤੋਂ ਜ਼ਰੂਰੀ ਚੀਜ਼ਾਂ ਲਈ ਵੀ ਵਕਤ ਨਹੀਂ ਹੈ, Short 'ਚ ਕਹਾਂ ਤਾਂ so called 'ਜ਼ਿੰਦਗੀ' ਲਈ ਹੀ ਵਕਤ ਨਹੀਂ ਹੈ , ਜਾਂ ਫਿਰ ਅਸੀ ਜ਼ਿੰਦਗੀ ਮਾੲਿਨੇ ਹੀ ਭੁੱਲਦੇ ਜਾ ਰਹੇ ਨੇ, ...

ਤੇ ਤੁਹਾਡੀਆਂ ਤਾਂ ਸਾਰੀਆਂ ਕਵਿਤਾਵਾ ਲਈ ਵਕਤ ਏ ਬੱਸ ਤੁਸੀ ਪੋਸਟ ਕਰਦੇ ਰਿਹਾ ਕਰੋ ਜੀ ...

ਬਾਕੀ ਬਹੁਤ ਹੀ ਸ਼ਾਨਦਾਰ ਕਵਤਿਾਵਾਂ ਨੇ ਦੋਵੇਂ ਪਰ 'ਹਾੲਿਕੂ' ਕਵਿਤਾ ਆਪਣੇ ਆਪ 'ਚ ੲਿਕ ਅਨੰਤ ਕਵਿਤਾ ਹੈ, ਸ਼ੇਅਰ ਕਰਨ ਲਈ ਸ਼ੁਕਰੀਆ ਜੀ।

Beautiful Poems Sir Ji (ਗਾਗਰ ਵਿਚ ਸਾਗਰ)

 

TFS

 

ਸੰਦੀਪ ਬਾਈ ਜੀ ਅਤੇ ਮੈਡਮ ਅਮਨਦੀਪ ਜੀ, ਸੁਣਿਐ ਪਾਠਕ ਰੱਬ ਹੁੰਦਾ ਹੈ ਕਿਸੇ ਲੇਖਕ ਲਈ, ਕਿਉਂਕਿ ਉਹੀ ਉਸਦਾ ਪ੍ਰੇਰਨਾ ਸਰੋਤ ਹੁੰਦਾ ਹੈ ਜੋ ਉਸਦੇ ਲਿਖੇ ਹੋਏ ਦੋ ਅਲਫਾਜ਼ ਨੂੰ ਪੜ੍ਹ ਕੇ ਮਾਣ ਦਿੰਦਾ ਹੈ |ਅਤੇ ਇਸਤਰਾਂ ਕਰਕੇ ਉਹ ਉਸਦੇ ਅੰਦਰ ਹੋਰ ਵੀ ਸੋਹਣਾ ਲਿਖਣ ਦੀ ਉਰਜਾ ਦਾ ਸੰਚਾਰ ਕਰਦਾ ਹੈ | ਇਸ ਲਈ ਨਵੇਂ ਥ੍ਰੈਡ ਤੇ ਜੀ ਆਇਆਂ ਨੂੰ ਅਤੇ ਹੌਂਸਲਾ ਅਫਜ਼ਾਈ ਲਈ ਵੀ ਤਹਿ-ਏ-ਦਿਲ ਤੋਂ ਧੰਨਵਾਦ |

 

ਮੈਨੂੰ ਬਹੁਤ ਚੰਗਾ ਲੱਗੇਗਾ ਜੇ ਤੁਸੀਂ ਆਪਣੀਆਂ ਵੀ ਕੁਝ ਨਿੱਕੀਆਂ ਲਿਖਤਾਂ ਇਸ ਥ੍ਰੈਡ ਤੇ ਪਾ ਸਕੋ ਤਾਂ ਜੋ ਇਸਨੂੰ ਚਾਰ ਚੰਨ ਲੱਗ ਸਕਣ |

 

 

Article-03

          ਸਬਰ 

(ਇਕ ਹਾਇਕੂ ਕਵਿਤਾ)

    ਜ਼ੁਲਮ ਤੇ ਜ਼ਬਰ,

    ਦਰਗਾਹੀਂ ਫਰਿਆਦ,

    ਗਰੀਬ ਦਾ ਸਬਰ |

               ਜਗਜੀਤ ਸਿੰਘ ਜੱਗੀ

 

Article-04       

 

             ਕੱਜਲ

   (ਇਕ ਹਾਇਕੂ ਕਵਿਤਾ)

 

     ਕੱਜਲ ਦੀ ਧਾਰ,

     ਸ਼ਿੰਗਾਰ ਜਿਹੀ ਦਿੱਖ,

     ਕਟਾਰ ਜਿਹਾ ਵਾਰ |

 

                 ਜਗਜੀਤ ਸਿੰਘ ਜੱਗੀ

ਅਮ੍ਰਿਤ ਦੇ ਸਾਗਰ 'ਚੋਂ ੲਿਕ ਗਾਗਰ ਹੋਰ ਅਮ੍ਰਿਤ,

ਬਹੁਤ ਖੂਬ ਲਿਖਿਆ ਹੈ ਤੁਸੀ ਜਗਜੀਤ ਜੀ ..ਸ਼ੇਅਰ ਕਰਨ ਲਈ ਸ਼ੁਕਰੀਆ ਜੀ।

 

ਇਸ ਥ੍ਰੈਡ ਵਿਚ ਨਿਮਾਣੇ ਜਿਹੇ ਜਤਨ ਨੂੰ ਫਾਲੋ ਕਰਨ ਲਈ ਬਹੁਤ ਸ਼ੁਕਰੀਆ ਸੰਦੀਪ ਬਾਈ ਜੀ |

ਜਿਉਂਦੇ ਵੱਸਦੇ ਰਹੋ |

 

 

Article-05

 

          ਮਜ਼ਹਬੀ ਈਰਖਾ 

      (ਇਕ ਹਾਇਕੂ ਕਵਿਤਾ)

  

         ਮਜ਼ਹਬੀ ਈਰਖਾ,

         ਇਨਸਾਨੀਅਤ ਦੀ ਕਮਜ਼ੋਰੀ,

         ਤਅੱਸੁਬ ਦੀ ਸੀਨਾ ਜ਼ੋਰੀ |

     

                          ਜਗਜੀਤ ਸਿੰਘ ਜੱਗੀ

ਤਅੱਸੁਬ – ਕੱਟੜਤਾ, Bigotry, Fanaticism

 

Article-06

 

               ਸੁਖ ਤੇ ਦੁਖ 

         (ਇਕ ਹਾਇਕੂ ਕਵਿਤਾ)

  

    ਸੁਖ ਤੇ ਦੁਖ,

    ਹਯਾਤੀ ਦੇ ਰੰਗੀਨ ਸ਼ੋਅ 'ਚ,

    ਵਾਰੋ ਵਾਰੀ ਪਹਿਰਾ ਦਿੰਦੇ ਦੋ ਸੰਤਰੀ |

     

                      ਜਗਜੀਤ ਸਿੰਘ ਜੱਗੀ

ਹਯਾਤੀ – ਜ਼ਿੰਦਗੀ, Life