ਚੱਲ ਵੇ ਮਨਾ ਬਿਗਾਨਿਆਂ ਧਨਾਂ , ਕਾਹਨੂੰ ਪ੍ਰੀਤਾਂ ਜੜੀਆਂ
ਓੜਕ ਏਥੇਂ ਚੱਲਣਾ ਇੱਕ ਦਿਨ , ਕਬਰਾਂ ਉਡੀਕਣ ਖੜੀਆਂ
ਉਤੋਂ ਦੀ ਤੇਰੇ ਵਗਣ ਨ੍ਹੇਰੀਆਂ , ਲੱਗਣ ਸਾਉਣ ਦੀਆਂ ਝੜੀਆਂ
ਅੱਖੀਆਂ ਮੋੜ ਰਿਹਾ , ਜਾ ਲੜੀਆਂ , ਨਾ ਮੁੜੀਆਂ

ਨਾਹ ਧੋ ਨਾਰ ਨੇ ਕੀਤੀ ਤਿਆਰੀ ......ਅੱਤਰ ਫੁਲੇਲ ਲਗਾਏ
ਪਹਿਨ ਪੱਚਰਕੇ ਆਈ ਗਿੱਧੇ ਵਿੱਚ ....ਨੱਚਦੀ ਅੱਡੀ ਨਾ ਲਾਵੇ
ਨੱਚਦੀ ਸ਼ਾਮੋ ਦਾ.... ਚਾਅ ਚੁੱਕਿਆ ਨਾ ਜਾਵੇ
ਨੱਚਦੀ ਸ਼ਾਮੋ ਦਾ....

ਹਰਾ ਹਰਾ ਸਾਗ ਚਲਾਈ ਦਾ ਵੇ…..
ਮੈਂ ਨਾ ਜੰਮਦੀ, ਤਾਂ ਤੂੰ ਕਿਥੋਂ ਵਿਆਹੀਆਂ ਦਾ ਵੇ ………
ਮੈਂ ਨਾ ਜੰਮਦੀ, ਤਾਂ ਤੂੰ ਕਿਥੋਂ ਵਿਆਹੀਆਂ ਦਾ ਵੇ

ਮਾਪਿਆਂ ਤੇਰਿਆ ਅੱਡ ਕਰ ਦਿੱਤਾ,
ਦੇ ਕੇ ਲੰਡੀ ਭੇਡ …..
ਵੇ ਹੁਣ ਤੈਨੂੰ ਸੰਸਾ ਕਾਹਦਾ,
ਜਾ ਮੁੰਡਿਆਂ ਵਿਚ ਖੇਡ …..
ਵੇ ਹੁਣ ਤੈਨੂੰ ਸੰਸਾ ਕਾਹਦਾ,
ਜਾ ਮੁੰਡਿਆਂ ਵਿਚ ਖੇਡ …..

ਮਾਏ ਨੀ ਮੈਨੂੰ ਕੁੜਤੀ ਸਵਾ ਦੇ,
ਕੁੜਤੀ ਨਾਲ ਦਾ ਲਹਿੰਗਾ ….
ਲਹਿੰਗੇ ਨਾਲ ਦੀ ਜੁੱਤੀ ਸਵਾ ਦੇ,
ਹੇਠ ਲਵਾ ਦੇ ਖੁਰੀਆਂ ……
ਇਹ ਦਿਨ ਖੇਡਣ ਦੇ,
ਸੱਸਾਂ ਨਨਾਣਾਂ ਬੁਰੀਆਂ …..
ਇਹ ਦਿਨ ਖੇਡਣ ਦੇ,
ਸੱਸਾਂ ਨਨਾਣਾਂ ਬੁਰੀਆਂ

ਕਿੱਕਰਾਂ ਵੀ ਲੰਘ ਆਈ, ਬੇਰੀਆਂ ਵੀ ਲੰਘ ਆਈ …
ਲੰਘਣੋਂ ਰਹਿ ਗਏ ਅੱਕ ਵੇ …..
ਮੇਰੀ ਭਰੀ ਜਵਾਨੀ, ਝੂਟੇ ਖਾਂਦਾ ਲੱਕ ਵੇ ……
ਮੈਂ ਗੱਡੀਓ ਉਤਰੀ, ਟੈਂਚੀ ਕੈਸ ਮੇਰਾ ਚੱਕ ਵੇ …..
ਮੈਂ ਗੱਡੀਓ ਉਤਰੀ, ਟੈਂਚੀ ਕੈਸ ਮੇਰਾ ਚੱਕ ਵੇ …

ਮੈਂ ਤਾਂ ਜੇਠ ਨੂੰ “ਜੀ” “ਜੀ” ਕਹਿੰਦੀ,
ਮੈਨੂੰ ਬੁੜ ਬੁੜ ਕਰ ਕੁਜ ਕਹਿ ਗਿਆ ….
ਵਿਚ ਦਰਵਾਜੇ ਦੇ,
ਮੁੱਛਾ ਚਾੜ੍ਹ ਕੇ ਬਹਿ ਗਿਆ ……
ਵਿਚ ਦਰਵਾਜੇ ਦੇ,
ਮੁੱਛਾ ਚਾੜ੍ਹ ਕੇ ਬਹਿ ਗਿਆ …

ਆਉਣੋ ਜਾਣੋ ਹੱਟ ਗਿਆ ਵੀਰਾ,
ਕੀ ਮਨ ਵਸਿਆ ਤੇਰੇ ,,,,,
ਤੇਰੇ ਬਾਜੋ ਸੁੰਨੀਆਂ ਗਲੀਆਂ,
ਜੋ ਚੰਨ ਬਾਜੋ ਘੋਰ ਹਨੇਰੇ…..
ਕਰ ਦੀ ਬੇਨਤੀਆਂ,
ਆ ਵੀਰਾ ਘਰ ਮੇਰੇ …….
ਕਰ ਦੀ ਬੇਨਤੀਆਂ,
ਆ ਵੀਰਾ ਘਰ ਮੇਰੇ …….

ਜੇਠ ਜੇਠਾਣੀ ਮਿੱਟੀ ਲਾਉਂਦੇ,
ਜੇਠ ਜੇਠਾਣੀ ਮਿੱਟੀ ਲਾਉਂਦੇ,
ਮੈਂ ਭਰਦੀ ਸੀ ਪਾਣੀ ……
ਨੀ ਮੇਰੀ ਹਾਅ ਲੱਗ ਗਈ,
ਸਿਖਰੋ ਡਿੱਗੀ ਜੇਠਾਣੀ ……
ਨੀ ਮੇਰੀ ਹਾਅ ਲੱਗ ਗਈ,
ਸਿਖਰੋ ਡਿੱਗੀ ਜੇਠਾਣੀ

ਮਾਲਵੇ ਦੀ ਮੈਂ ਜੱਟੀ ਕੁੜੀਓ,
ਮਾਝੇ ਵਿਚ ਵਿਆਹਤੀ ……
ਨੀ ਨਿੱਤ ਮੇਰੇ ਵਿਚ ਕੱਢੇ ਨਾਗੋਚਾਂ,
ਮੈਂ ਜੀਹਦੇ ਲੜ ਲਾਤੀ ……
ਨੀ ਮੈਨੂੰ ਕਹਿੰਦਾ ਮੱਧਰੀ ਲੱਗਦੀ,
ਪੰਜਾਬੀ ਜੁੱਤੀ ਲਾਹਾਤੀ …….
ਨੀ ਹੀਲ ਸਲੀਪਰ ਨੇ, ਗਿੱਟੇ ਮੋਚ ਪਵਾਤੀ ……..
ਨੀ ਹੀਲ ਸਲੀਪਰ ਨੇ, ਗਿੱਟੇ ਮੋਚ ਪਵਾਤੀ