ਨੂੰਹਾਂ ਤੇ ਸੱਸਾਂ ਦੀ ਦੋਸਤੀ,
ਨਿਭਦੀ ਏ ਜਿੰਦ ਦੇ ਨਾਲ ਨੂਹੇ ਮੇਰੀਏ …….
ਨੂੰਹਾਂ ਤੇ ਸੱਸਾਂ ਦੀ ਦੋਸਤੀ,
ਨਿਭਦੀ ਏ ਜਿੰਦ ਦੇ ਨਾਲ ਨੂਹੇ ਮੇਰੀਏ …….
ਤੂੰ ਤਾਂ ਮੇਰੇ ਘਰ ਦਾ ਸ਼ਿੰਗਾਰ ਨੂਹੇ ਮੇਰੀਏ ……..
ਤੂੰ ਤਾਂ ਮੇਰੇ ਘਰ ਦਾ ਸ਼ਿੰਗਾਰ ਨੂਹੇ ਮੇਰੀਏ ……..

ਮਾਮੀ ਨਖਰੋ ਦੇ ਪੈਰ ਪੰਜੇਬਾਂ,
ਪੈਰ ਪੱਟਿਆ ਨਾ ਜਾਵੇ ………
ਨੀ ਬਹਿਜਾ ਸਾਡੇ ਬੰਬੂਕਾਟ ਤੇ,
ਬੰਬੂਕਾਟ ਸ਼ਿਮਲੇ ਨੂੰ ਜਾਵੇ………
ਨੀ ਬਹਿਜਾ ਸਾਡੇ ਬੰਬੂਕਾਟ ਤੇ,
ਬੰਬੂਕਾਟ ਸ਼ਿਮਲੇ ਨੂੰ ਜਾਵੇ………

ਬੱਲੇ ਬੱਲੇ,
ਨੀ ਸੱਸ ਨੂੰ ਨਾ ਨਿਦਿਆਂ ਕਰੋ……
ਸੱਸਾਂ ਸਾਰੀ ਉਮਰ ਦੀਆਂ ਮਾਵਾਂ,
ਸੱਸ ਨੂੰ ਨਾ ਨਿਦਿਆਂ ਕਰੋ……

ਮਾਵਾਂ ਧੀਆਂ ਦੀ ਗੂੜੀ ਦੋਸਤੀ,
ਦੁਨੀਆਂ ਸਾਰੀ ਕਹਿੰਦੀ …….
ਜਦੋਂ ਧੀ ਗੱਲ ਲੱਗ ਕੇ ਮਿਲਦੀ,
ਤਾਂ ਠੰਡ ਕਾਲਜੇ ਪੈਂਦੀ ………
ਜਦੋਂ ਧੀ ਗੱਲ ਲੱਗ ਕੇ ਮਿਲਦੀ,
ਤਾਂ ਠੰਡ ਕਾਲਜੇ ਪੈਂਦੀ………

ਗਹਿਣਾ, ਗਹਿਣਾ, ਗਹਿਣਾ….
ਹੱਸ ਕੇ ਤੂੰ ਬੋਲ ਬੱਲੀਏ,
ਮੁੱਲ ਲੈ ਲਈ ਜੋ ਤੂੰ ਲੈਣਾ….
ਬੁੱਢੀ ਹੋਈ ਤਰਸੇਂ ਗੀ,
ਤੈਨੂੰ ਫੇਰ ਕਿਸੇ ਨਹੀਂ ਕਹਿਣਾ…
ਇਹ ਜੋਰ ਜਵਾਨੀ ਦਾ,
ਸਦਾ ਨਹੀਂ ਕਿਸੇ ਤੇ ਰਹਿਣਾ

ਗਹਿਣਾ, ਗਹਿਣਾ, ਗਹਿਣਾ….
ਭਰ ਭਰ ਵੰਡ ਮੁੱਠੀਆਂ,
ਗੋਰੇ ਰੰਗ ਨੇ ਸਦਾ ਨਹੀਂ ਰਹਿਣਾ….