ਜੇਦੀ ਝਾਕ ਸੀ ਹਮੇਸ਼ਾ ਲਈ ਬੰਦ ਹੋ ਗਿਆ ਹੁਣ ਨਵੇਂ ਦਰਾਂ ਖੁੱਲਿਆ ਨੂੰ ਕੀ ਕਰੀਏ
ਸਾਡੇ ਸੋਹਣੇ ਮਹਿਬੂਬ ਹੋਰਾ ਉੱਤੇ ਡੁੱਲ ਗਏ ਅਸੀਂ ਆਪਣੇ ਤੇ ਡੁੱਲਿਆ ਨੂੰ ਕੀ ਕਰੀਏ

ਤਿੱਖੀਆ ਨਿਗਾਂਹਾ ਦੇ ਸਲਾਮ ਬੜੇ ਆਉਂਦੇ ਨੇ
ਮਿੱਠੀਆ ਜੁਬਾਨਾਂ 'ਚੋਂ ਪੈਗਾਮ ਬੜੇ ਆਉਂਦੇ ਨੇ
ਦਿਲ ਸੜ ਬਲ ਕੋਲੇ ਹੋ ਕੇ ਰਾਖ ਹੋ ਗਿਆ ਹੁਣ ਪੁਰੇ ਦਿਆ ਬੁੱਲਿਆ ਨੂੰ ਕੀ ਕਰੀਏ
ਸਾਡੇ ਸੋਹਣੇ ਮਹਿਬੂਬ ਹੋਰਾ ਉੱਤੇ ਡੁੱਲ ਗਏ ਅਸੀਂ ਆਪਣੇ ਤੇ ਡੁੱਲਿਆ ਨੂੰ ਕੀ ਕਰੀਏ

ਖਤਾਂ 'ਚ ਮੁਹੱਬਤ ਜਤਾਉਂਣ ਵਾਲੇ ਬਹੁਤ ਨੇ
ਸ਼ੁੱਭਕਾਮਨਾ ਦੇ ਕਾਰਡ ਪਾਉਂਣ ਵਾਲੇ ਬਹੁਤ ਨੇ
ਸਾਡੀ ਰੀਝਾਂ ਵਾਲੀ ਮਾਲਾ ਤਾ ਚਿਰੋਕੀ ਟੁੱਟ ਗਈ ਇਨ੍ਹਾਂ ਮੋਤੀ ਅਣਮੁੱਲਿਆ ਨੂੰ ਕੀ ਕਰੀਏ
ਸਾਡੇ ਸੋਹਣੇ ਮਹਿਬੂਬ ਹੋਰਾ ਉੱਤੇ ਡੁੱਲ ਗਏ ਅਸੀਂ ਆਪਣੇ ਤੇ ਡੁੱਲਿਆ ਨੂੰ ਕੀ ਕਰੀਏ

ਮਹਿੰਗੇ ਇਸ ਦੌਰ ਵਿਚ ਮਹਿੰਗੀਆਂ ਮੁਹੱਬਤਾਂ
ਪੁੱਛੋ ਨਾ ਜੀ ਕਿਹੜੇ ਮੁੱਲ ਪੈਂਦੀਆਂ ਮੁਹੱਬਤਾਂ
ਇੱਕ ਵਫਾ ਸਾਡੇ ਪਲੇ ਜੋ ਸੰਭਾਲੀ ਜਾਨੇ ਆ ਸੋਨੇ ਚਾਂਦੀ ਨਾਲ ਤੁੱਲਿਆ ਨੂੰ ਕੀ ਕਰੀਏ
ਸਾਡੇ ਸੋਹਣੇ ਮਹਿਬੂਬ ਹੋਰਾ ਉੱਤੇ ਡੁੱਲ ਗਏ ਅਸੀਂ ਆਪਣੇ ਤੇ ਡੁੱਲਿਆ ਨੂੰ ਕੀ ਕਰੀਏ

ਜਿਨ੍ਹਾਂ ਬੇਈਮਾਨਾਂ ਲਈ ਤਬਾਹ ਅਸੀਂ ਹੋ ਗਏ
ਜਿਨ੍ਹਾਂ ਦੇ ਰਾਹਾਂ 'ਚ ਬੈਠੇ ਰਾਹ ਅਸੀਂ ਹੋ ਗਏ
ਉਹ ਪੁੱਛਦੇ ਨੇ ਲੋਕਾਂ ਕੋਲੋਂ ਦੇਬੀ ਕੌਣ ਏ ਐਡੀ ਬੁਰੀ ਤਰਾਂ ਭੁੱਲਿਆ ਨੂੰ ਕੀ ਕਰੀਏ
ਸਾਡੇ ਸੋਹਣੇ ਮਹਿਬੂਬ ਹੋਰਾ ਉੱਤੇ ਡੁੱਲ ਗਏ ਅਸੀਂ ਆਪਣੇ ਤੇ ਡੁੱਲਿਆ ਨੂੰ ਕੀ ਕਰੀਏ

i Hope to meet Debi sir one day,................This section is superb to read his writings,.............

ਤੇਰੇ ਜਿੰਨਾ ਨਾ ਕੋਈ ਸੋਹਣਾ ਤੇਰੇ ਜਿੰਨਾ ਨਾ ਕੋਈ ਪਿਆਰਾ
ਜੇ ਇਤਰਾਜ਼ ਨਾ ਹੋਵੇ ਤੈਨੂੰ ਰੱਬ ਕਹਿ ਦਿਆਂ ਯਾਰਾ

ਜੇ ਦਿਲ ਵਿੱਚ ਹੋਵੇ ਸ਼ੱਕ ਤਾਂ ਕਦੇ ਮੁਹੱਬਤ ਨਹੀਂ ਹੁੰਦੀ
ਜੇ ਜੁੜੇ ਨਾ ਅੰਦਰੋਂ ਸੁਰਤੀ ਫੇਰ ਇਬਾਦਤ ਨਹੀਂ ਹੁੰਦੀ
ਇਸ਼ਕ ਹਵਾਲੇ ਜਾਨ ਇਮਾਨ ਜਹਾਨ ਵੀ ਕੀਤਾ ਸਾਰਾ
ਜੇ ਇਤਰਾਜ਼ ਨਾ ਹੋਵੇ ਤੈਨੂੰ ਰੱਬ ਕਹਿ ਦਿਆਂ ਯਾਰਾ

ਤੇਰੇ ਬਾਝੋਂ ਮੈਨੂੰ ਕਿੱਧਰੇ ਵੀ ਨਾ ਮਿਲੇ ਪਨਾਹ ਯਾਰਾ
ਗੱਲਵਕੜੀ ਤੈਨੂੰ ਪਾਵਾਂ ਮਹਿਕਣ ਲੱਗਦੇ ਸਾਹ ਯਾਰਾ
ਤੂੰ ਇੱਕ ਮਿੱਠਾ ਚਸ਼ਮਾ ਬਾਕੀ ਜੱਗ ਸਮੁੰਦਰ ਖਾਰਾ
ਜੇ ਇਤਰਾਜ਼ ਨਾ ਹੋਵੇ ਤੈਨੂੰ ਰੱਬ ਕਹਿ ਦਿਆਂ ਯਾਰਾ

ਕੁੱਝ ਕਿਸੇ ਨਾਲ ਨਹੀਂ ਮਿਲਦਾ ਦੇਬੀ ਵੱਖਰਾ ਸਾਰਿਆਂ ਤੋਂ
ਧਰਤੀ ਨਾਲ ਜੁੜਿਆ ਲੋਕੀ ਕਹਿੰਦੇ ਉੱਚਾ ਤਾਰਿਆਂ ਤੋਂ
ਸਾਰਿਆਂ ਨਾਲੋਂ ਉੱਚਾ ਮੇਰੀ ਕਿਸਮਤ ਦਾ ਸਿਤਾਰਾ
ਜੇ ਇਤਰਾਜ਼ ਨਾ ਹੋਵੇ ਤੈਨੂੰ ਰੱਬ ਕਹਿ ਦਿਆਂ ਯਾਰਾ

ਮਾਹੀ ਵੇ ਤੇਰੇ ਲਾਰਿਆਂ ਦਾ ਕੀ ਕਰੀਏ ਵੇ ਦੱਸ ਕੀ ਕਰੀਏ
ਉਮਰ ਮੁੱਕੀ ਗਿਣਤੀ ਨਾ ਮੁੱਕੀ ਹਾਰਿਆਂ ਦਾ ਕੀ ਕਰੀਏ
ਜਾਨ ਦੇ ਵੈਰੀ ਬਣ ਗਏ ਜਾਨੋ ਪਿਆਰਿਆਂ ਦਾ ਕੀ ਕਰੀਏ

ਮੱਥੇ ਵਿੱਚੋਂ ਹੱਥਾਂ ਉੱਤੋਂ ਘੱਸ ਗਈਆਂ ਲੀਕਾਂ ਦਾ
ਕੰਡੇਦਾਰ ਜੀਭਾਂ ਵਾਲੇ ਚੰਦਰੇ ਸ਼ਰੀਕਾਂ ਦਾ
ਖੂਨ ਵਿੱਚੋਂ ਹੋ ਹੋ ਕੇ ਲੰਘੀਆਂ ਤਰੀਕਾਂ ਦਾ
ਕੀ ਕਰੀਏ ਮਾਹੀ ਵੇ ਦੱਸ ਕੀ ਕਰੀਏ
ਜੀਭ ਤੋਂ ਆਕੇ ਮੁੜ ਜਾਵਣ ਉਹਨਾਂ ਚੀਕਾਂ ਦਾ ਕੀ ਕਰੀਏ
ਹਾਏ ਵੇ ਤੇਰੇ ਲਾਰਿਆਂ ਦਾ ਕੀ ਕਰੀਏ ਵੇ ਦੱਸ ਕੀ ਕਰੀਏ

ਲੈ ਗਏ ਜੋ ਤੈਨੂੰ ਨਾਂ ਲਿਆ ਏ ਉਹਨਾਂ ਰਾਹਵਾਂ ਦਾ
ਹੰਝੂਆਂ ਦਾ ਮੀਂਹ ਚ ਸਲਾਬੇ ਹੋਏ ਚਾਅਵਾਂ ਦਾ
ਖੌਰੇ ਕਦੋਂ ਮੁੱਕ ਜਾਣੇ ਸਰਫੇ ਜਿਹੇ ਸਾਹਵਾਂ ਦਾ
ਕੀ ਕਰੀਏ ਮਾਹੀ ਵੇ ਦੱਸ ਕੀ ਕਰੀਏ
ਹਾਰ ਗਿਆ ਮੁਰਝਾ ਗੋਰੀਆਂ ਬਾਂਹਵਾਂ ਦਾ ਕੀ ਕਰੀਏ
ਮਾਹੀ ਵੇ ਤੇਰੇ ਲਾਰਿਆਂ ਦਾ ਕੀ ਕਰੀਏ

ਹੋਈਆਂ ਨਾ ਕਬੂਲ ਦੇਬੀ ਉਹਨਾਂ ਅਰਦਾਸਾਂ ਦਾ
ਕਿਸੇ ਕੋਨੇ ਦਿਲ ਦੇ ਚ ਜੱਗਦੀਆਂ ਆਸਾਂ ਦਾ
ਵਿਛੋੜਿਆਂ ਨਾ' ਪਿੰਡੇ ਉੱਤੇ ਪਈਆਂ ਹੋਈਆਂ ਲਾਸਾਂ ਦਾ
ਕੀ ਕਰੀਏ ਮਾਹੀ ਵੇ ਦੱਸ ਕੀ ਕਰੀਏ
ਕਿੱਲੀਆਂ ਉੱਤੇ ਟੰਗੇ ਲਾਲ ਲਿਬਾਸਾਂ ਦਾ ਕੀ ਕਰੀਏ
ਹਾਏ ਵੇ ਤੇਰੇ ਲਾਰਿਆਂ ਦਾ ਕੀ ਕਰੀਏ ਵੇ ਦੱਸ ਕੀ ਕਰੀਏ

ਹੱਸ ਹੱਸ ਗੱਲਾਂ ਕਰਦੇ ਜਿਹੜੇ ਮਿਲਦੇ ਗਲ ਲੱਗ ਕੇ
ਪਤਾ ਨਹੀਂ ਲੱਗਦਾ ਕਿਸ ਵੇਲੇ ਗਲ ਘੁੱਟ ਜਾਂਦੇ ਮਿੱਤਰਾ
ਯਾਰਾਂ ਵਾਲਾ ਭੇਸ ਬਣਾ ਕੇ ਡਾਕੂ ਫਿਰਦੇ ਨੇ
ਦਿਲ ਵਿੱਚ ਕਿੱਧਰੇ ਘਰ ਵਿੱਚ ਆਕੇ ਲੁੱਟ ਜਾਂਦੇ ਮਿੱਤਰਾ

ਜਿਹਨਾਂ ਬੂਟਿਆਂ ਤਾਂਈ ਖੂਨ ਨਾਲ ਸਿੰਜਿਆ ਹੁੰਦਾ ਏ
ਲੋੜ ਪੈਣ ਤੇ ਛਾਂ ਤੋ ਵੀ ਇਨਕਾਰੀ ਹੋ ਜਾਂਦੇ
ਹੱਥ ਮਿਲਾ ਕੇ ਹੱਥਾਂ ਦੀਆਂ ਲਕੀਰਾਂ ਲੈ ਜਾਵਣ
ਨਾਲ ਤੋਰ ਕੇ ਡੂੰਘੇ ਟੋਏ ਸੁੱਟ ਜਾਂਦੇ ਮਿੱਤਰਾ
ਪਤਾ ਨਹੀਂ ਲੱਗਦਾ ਕਿਸ ਵੇਲੇ ਗਲ ਘੁੱਟ ਜਾਂਦੇ ਮਿੱਤਰਾ

ਕੱਚੇ ਪਿੱਲੇ ਝੜ ਗਏ ਪੰਮਿਆਂ ਰੋਸ ਕੀ ਉਹਨਾਂ ਤੇ
ਜਾਨ ਵਾਰਨੇ ਵਾਲੇ ਹਾਲੇ ਤੇਰੇ ਨਾਲ ਖੜ੍ਹੇ
ਆਖੀਰ ਨੂੰ ਇਤਬਾਰ ਕਿਸੇ ਤੇ ਕਰਨਾ ਪੈਂਦਾ ਏ
ਕਦੇ ਭਰੋਸੇ ਬਣ ਦੇ ਤੇ ਕਦੇ ਟੁੱਟ ਜਾਂਦੇ ਮਿੱਤਰਾ
ਪਤਾ ਨਹੀਂ ਲੱਗਦਾ ਕਿਸ ਵੇਲੇ ਗਲ ਘੁੱਟ ਜਾਂਦੇ ਮਿੱਤਰਾ

ਮੰਗ ਕੇ ਲਈ ਨਿਸ਼ਾਨੀ ਕਿੱਧਰੇ ਹੋਰ ਫੜਾ ਦਿੱਤੀ
ਸਾਡਾ ਨਾਮ ਮਿਟਾ ਕੇ ਖਬਰੇ ਕੀਹਦਾ ਲਿਖਿਆ ਏ
ਗੈਰਾਂ ਦੇ ਮੂੰਹ ਪਾਵਣ ਚੂਰੀ ਸਾਡੇ ਹਿੱਸੇ ਦੀ
ਇਹ ਵੇਖਣ ਤੋਂ ਪਹਿਲਾਂ ਜੱਗ ਚੋਂ ਉੱਠ ਜਾਂਦੇ ਮਿੱਤਰਾ
ਪਤਾ ਨਹੀਂ ਲੱਗਦਾ ਕਿਸ ਵੇਲੇ ਗਲ ਘੁੱਟ ਜਾਂਦੇ ਮਿੱਤਰਾ

ਫ਼ਨਕਾਰਾਂ ਦੀ ਮੰਡੀ ਵਿੱਚ ਜੇ ਆ ਕੇ ਬੈਠਾ ਏ
ਕੀਮਤ ਵੱਧ ਤੋਂ ਵੱਧ ਪਵਾ ਲੈ ਆਪਣੀ ਤੂੰ ਦੇਬੀ
ਸਸਤੇ ਵਿੱਚ ਕੁੱਝ ਲੱਭ ਜੇ ਲੋਕੀ ਕਦਰ ਨਹੀਂ ਕਰਦੇ
ਮੁਫਤ ਮਿਲੀ ਹੋਈ ਚੀਜ਼ ਨੂੰ ਰਾਹ ਵਿੱਚ ਸੁੱਟ ਜਾਂਦੇ ਮਿੱਤਰਾ
ਪਤਾ ਨਹੀਂ ਲੱਗਦਾ ਕਿਸ ਵੇਲੇ ਗਲ ਘੁੱਟ ਜਾਂਦੇ ਮਿੱਤਰਾ

ਚੱਕ ਮੁੰਦਰੀ ਫੜਾ ਦੇ ਮੈਨੂੰ ਛੱਲਾ ਵੇ ਤੇਰੇ ਜਿਹਾ ਹੋਰ ਕੋਈ ਨਾ
ਮਸਾਂ ਮਿਲਿਆ ਸਬੱਬ ਨਾਲ ਕੱਲਾ ਵੇ ਤੇਰੇ ਜਿਹਾ ਹੋਰ ਕੋਈ ਨਾ

ਦਿਲ ਜੀਹਦੇ ਉੱਤੇ ਆਵੇ ਉਹਨੂੰ ਮੱਥਾ ਟੇਕਦਾ
ਸੌਦਾ ਹੋਵੇ ਚੰਗਾ ਫੇਰ ਪੈਸੇ ਕੌਣ ਵੇਖਦਾ
ਸੌਦਾ ਮਿਲ ਗਿਆ ਮੈਨੂੰ ਤਾਂ ਸਵੱਲਾ ਵੇ ਤੇਰੇ ਜਿਹਾ ਹੋਰ ਕੋਈ ਨਾ
ਚੱਕ ਮੁੰਦਰੀ ਫੜਾ ਦੇ ਮੈਨੂੰ ਛੱਲਾ ਵੇ ਤੇਰੇ ਜਿਹਾ ਹੋਰ ਕੋਈ ਨਾ

ਪਸੰਦ ਆਪੋ ਆਪਣੀ ਖਿਆਲ ਆਪੋ ਆਪਣਾ
ਮਾਇਆ ਆਪੋ ਆਪਣੀ ਤੇ ਮਾਲ ਆਪੋ ਆਪਣਾ
ਲੜੇ ਕੌਣ ਵੇ ਤਕਦੀਰ ਨਾਲ ਮੱਲਾ ਵੇ ਤੇਰੇ ਜਿਹਾ ਹੋਰ ਕੋਈ ਨਾ
ਚੱਕ ਮੁੰਦਰੀ ਫੜਾ ਦੇ ਮੈਨੂੰ ਛੱਲਾ ਵੇ ਤੇਰੇ ਜਿਹਾ ਹੋਰ ਕੋਈ ਨਾ

ਮੇਰੇ ਕਾਗਜਾਂ ਚ ਤੈਥੋਂ ਸੋਹਣਾ ਕੋਈ ਹੋਰ ਨਹੀਂ
ਕਿਸੇ ਕੋਲੋਂ ਮੋਹਰ ਲਗਵਾਉਣ ਦੀ ਕੋਈ ਲੋੜ ਨਹੀਂ
ਸਾਰਾ ਪਿੰਡ ਤੈਨੂੰ ਆਖੇ ਭਾਵੇਂ ਝੱਲਾ ਵੇ ਤੇਰੇ ਜਿਹਾ ਹੋਰ ਕੋਈ ਨਾ
ਚੱਕ ਮੁੰਦਰੀ ਫੜਾ ਦੇ ਮੈਨੂੰ ਛੱਲਾ ਵੇ ਤੇਰੇ ਜਿਹਾ ਹੋਰ ਕੋਈ ਨਾ

ਨਜ਼ਰਾਂ ਦੇ ਨਾਲ ਕੱਢੇ ਆਸ਼ਕਾਂ ਨੂੰ ਪੁੰਨਦੀ
ਤੂੰ ਨਾ ਮੰਨੇ ਕਿਸੇ ਦੀ ਤੇ ਮੈਂ ਵੀ ਨਹੀਂਉ ਸੁਣਦੀ
ਦੇਬੀ ਛੱਡਣਾ ਨਹੀਂ ਹੁਣ ਤੇਰਾ ਪੱਲਾ ਵੇ ਤੇਰੇ ਜਿਹਾ ਹੋਰ ਕੋਈ ਨਾ
ਚੱਕ ਮੁੰਦਰੀ ਫੜਾ ਦੇ ਮੈਨੂੰ ਛੱਲਾ ਵੇ ਤੇਰੇ ਜਿਹਾ ਹੋਰ ਕੋਈ ਨਾ

ਜ਼ਹਿਰ ਹੀ ਖਬਰੇ ਨਕਲੀ ਹੋਵੇ ਅਸਰ ਵੀ ਤਾਂਹੀਉ ਹੋਇਆ ਨਹੀਂ
ਤੂੰ ਸਾਰੇ ਹਥਿਆਰ ਵਰਤ ਲਏ ਫਿਰ ਵੀ ਦੇਬੀ ਮੋਇਆ ਨਹੀਂ
ਮੁੱਖੜਾ ਹੁਸੀਨ ਕੋਈ ਵੇਖਾਂ ਕਿਤੇ ਨੀਝ ਲਾ ਕੇ ਚਿਰਾਂ ਦੀ ਕਹਾਣੀ ਕੋਈ ਪੜ੍ਹੀ ਹੋਈ ਯਾਦ ਆਵੇ
ਸੋਹਣੇ ਕਿਸੇ ਮੱਥੇ ਉੱਤੇ ਨਿੱਕੀ ਜਿਹੀ ਤਿਉੜੀ ਵੇਖਾਂ ਨਿੱਕੀ ਜਿਹੀ ਗੱਲੋਂ ਐਵੇਂ ਲੜ੍ਹੀ ਹੋਈ ਯਾਦ ਆਵੇ

ਜਦੋਂ ਕੋਈ ਮਿਸਾਲ ਸਾਡੀ ਦਿੰਦਾ ਹੈ ਹਨੇਰ ਨਾਲ
ਚੇਤਾ ਆਉਂਦਾ ਕਿਹੜੀ ਗੱਲੋਂ ਰੁੱਸੇ ਸੀ ਸਵੇਰ ਨਾਲ
ਜਦੋਂ ਕੋਈ ਕਿਸੇ ਨੂੰ ਦਲੀਲਾਂ ਤੇ ਸਫ਼ਾਈਆਂ ਦਿੰਦਾ ਝੂਠੀ ਊਜ ਆਪਣੇ ਤੇ ਮੜ੍ਹੀ ਹੋਈ ਯਾਦ ਆਵੇ
ਸੋਹਣੇ ਕਿਸੇ ਮੱਥੇ ਉੱਤੇ ਨਿੱਕੀ ਜਿਹੀ ਤਿਉੜੀ ਵੇਖਾਂ ਨਿੱਕੀ ਜਿਹੀ ਗੱਲੋਂ ਐਵੇਂ ਲੜ੍ਹੀ ਹੋਈ ਯਾਦ ਆਵੇ

ਆਪਣੇ ਉਜਾੜੇ ਵਿੱਚੋਂ ਹੋਇਆ ਕੋਈ ਆਬਾਦ ਦਿੱਸੇ
ਉਹਦੇ ਜਿਹੀ ਸੂਰਤ ਨਾ ਕੋਈ ਉਹਤੋਂ ਬਾਅਦ ਦਿੱਸੇ
ਬੇਨੂਰ ਚਿਹਰਾ ਵੇਖਾਂ ਆਪਣਾ ਤਾਂ ਰੱਬ ਵੱਲੋਂ ਰੂਹ ਨਾਲ ਵਿਹਲੇ ਮੌਕੇ ਘੜ੍ਹੀ ਹੋਈ ਯਾਦ ਆਵੇ
ਸੋਹਣੇ ਕਿਸੇ ਮੱਥੇ ਉੱਤੇ ਨਿੱਕੀ ਜਿਹੀ ਤਿਉੜੀ ਵੇਖਾਂ ਨਿੱਕੀ ਜਿਹੀ ਗੱਲੋਂ ਐਵੇਂ ਲੜ੍ਹੀ ਹੋਈ ਯਾਦ ਆਵੇ

ਸ਼ੁਕਰ ਹੈ ਆਈ ਭਾਵੇਂ ਸਾਰਿਆਂ ਤੋਂ ਬਾਅਦ ਆਈ
ਦੇਬੀ ਦਿਆਂ ਗਾਣਿਆਂ ਨੂੰ ਉਹਦੇ ਵੱਲੋਂ ਦਾਦ ਆਈ
ਉਹਦੇ ਨਾਲ ਕਿਹੋ ਜਿਹਾ ਰਿਸ਼ਤਾ ਏ ਜਦੋਂ ਸੋਚਾਂ ਚੁੰਨੀ ਕੋਈ ਕਰੀਰਾਂ ਵਿੱਚ ਅੜ੍ਹੀ ਹੋਈ ਯਾਦ ਆਵੇ
ਸੋਹਣੇ ਕਿਸੇ ਮੱਥੇ ਉੱਤੇ ਨਿੱਕੀ ਜਿਹੀ ਤਿਉੜੀ ਵੇਖਾਂ ਨਿੱਕੀ ਜਿਹੀ ਗੱਲੋਂ ਐਵੇਂ ਲੜ੍ਹੀ ਹੋਈ ਯਾਦ ਆਵੇ

ਮੁਸ਼ਕਿਲਾਂ ਦੁਸ਼ਵਾਰੀਆਂ ਨੂੰ ਹੱਸ ਕੇ ਝੱਲਦਾ ਰਵੇ
ਟਾਂਵਾਂ ਟਾਂਵਾਂ ਦੀਵਾ ਤੂਫਾਨਾਂ ਚ ਵੀ ਬਲਦਾ ਰਵੇ
ਹਿੰਮਤੀ ਲੋਕਾਂ ਨੂੰ ਮੰਜ਼ਿਲ ਰਹਿੰਦੀ ਏ ਉਡੀਕਦੀ
ਬੰਦੇ ਦਾ ਹੈ ਫ਼ਰਜ਼ ਦੇਬੀ ਸਦਾ ਹੀ ਚੱਲਦਾ ਰਵੇ

ਦਿਲੋਂ ਬਾਹਰ ਸੁੱਟਣੇ ਨੂੰ, ਕਿੰਨੀ ਦੇਰ ਲੱਗੀ
ਉਹਦੇ ਨਾਲੋਂ ਟੁੱਟਣੇ ਨੂੰ, ਕਿੰਨੀ ਦੇਰ ਲੱਗੀ
ਰਿਸ਼ਤਾ ਸੀ ਮਰ ਗਿਆ, ਐਵੇਂ ਕੋਲ ਬੈਠਾ ਰਿਹਾ
ਉਹਦੇ ਕੋਲੋਂ ਉੱਠਣੇ ਨੂੰ ,ਕਿੰਨੀ ਦੇਰ ਲੱਗੀ
ਖੂਨ ਕਰ ਧੋਤੇ ਹੱਥ,ਧੁੱਪੇ ਜਾ ਕੇ ਬੈਠ ਗਏ
ਲਹੂ ਮੇਰਾ ਸੁੱਕਣੇ ਨੂੰ, ਕਿੰਨੀ ਦੇਰ ਲੱਗੀ
ਬਾਹਰੋਂ ਪੱਕਾ ਪੱਕਾ ਪਰ ਵਿਚੋਂ ਕੱਚਾ ਕੱਚਾ ਸੀ
"ਦੇਬੀ" ਭਾਂਡਾ ਫੁੱਟਣੇ ਨੂੰ ਕਿੰਨੀ ਦੇਰ ਲੱਗੀ

ਚਿਤ ਕਰੇ ਤੇਰੇ ਤੇ ਮੁਕੱਦਮਾ ਚੱਲਾ ਦਿਆਂ
ਦਫਾ ਤੇਰੇ ਜਿਹੀ ਡਾਢੀ ਤੇਰੇ ਉੱਤੇ ਲਾ ਦਿਆਂ
ਉੱਤੋਂ ਦੇਵਾਂ ਫੇਰ ਆਪ ਮੈਂ ਗਵਾਹੀ ਨੀ ਕਤਲ ਕਰਾਉਣ ਵਾਲੀਏ
ਕਦੇ ਤੈਨੂੰ ਵੀ ਏ ਸਾਡੀ ਆਈ ਨਿਤ ਯਾਦ ਆਉਣ ਵਾਲੀਏ