ਮੰਨ ਨਾ ਤੂੰ ਭਾਵੇਂ ਮਖਸੂਸਪੁਰੀ ਤਾਂਈਂ ਚਾਹੁੰਦੀ ਏ ਜਰੂਰ ਨੀ
ਚੜ੍ਹਦੀ ਵਰੇਸੇ ਹੁੰਦਾ ਦਿਲ ਹੱਥੋਂ ਆਉਣ ਨਹੀਂਉ ਮਜਬੂਰ ਨੀ
ਹੌਕਿਆਂ ਦੀ ਅੱਗ ਵਿੱਚ ਸਾੜ੍ਹਨਾ ਤੂੰ ਮੈਨੂੰ
ਲੱਗਦਾ ਪਿਆਰ ਜੇ ਗੁਨਾਹ ਵੀ ਹੈ ਤੈਨੂੰ
ਚੱਲ ਦੇਬੀ ਨਾਲ ਕਰ ਤੂੰ ਗੁਨਾਹ ਜਾ
ਆਜਾ ਮੇਰੇ ਹਾਣਦੀਏ

ਬਣ ਜਾਂਦਾ ਥੱਲ ਕਿੰਨਾ ਜਲ ਹੋਕੇ ਆਵੇ
ਉਸ ਦਰ ਤੋਂ ਹਰ ਕੋਈ ਕਤਲ ਹੋ ਕੇ ਆਵੇ
ਬੰਦਿਆਂ ਦੇ ਵਾਂਗ ਆਵੇ ਇੱਕ ਵਾਰੀ ਭਾਵੇਂ
ਜੀਵਨ ਦਾ ਆਖਰੀ ਪਲ ਹੋ ਕੇ ਆਵੇ
ਸੀਨੇ ਚ ਰਹੇ ਕੁੱਝ ਥਲ ਵਾਂਗੂ ਭੁੱਜਦਾ
ਅੱਖੀਆਂ ਚ ਆਵੇ ਤਾਂ ਜਲ ਹੋਕੇ ਆਵੇ
ਜੋ ਮਿਲਿਆ ਬਣਕੇ ਬੁਝਾਰਤ ਹੀ ਮਿਲਿਆ
ਹੁਣ ਜੀਹਨੇ ਆਉਣਾ ਉਹ ਹੱਲ ਹੋਕੇ ਆਵੇ
ਸੁਲਾਹ ਕਿੰਝ ਹੋਵੇ ਸ਼ਰਤ ਬੜੀ ਔਖੀ
ਪੱਗ ਲਾਕੇ ਗੋਢਿਆ ਵੱਲ ਹੋਕੇ ਆਵੇ
ਸਾਡੀ ਤੇ ਦੁਨੀਆਂ ਦੀ ਨਿੱਭ ਵੀ ਏ ਸਕਦੀ
ਇੱਕ ਦੀ ਜੇ ਆਦਤ ਬਦਲ ਹੋਕੇ ਆਵੇ
ਕਦੀ ਯਾਦ ਆਉਂਦਾ ਸੀ ਬਣ ਬਣ ਕੇ ਹੌਂਕੇ
ਅੱਜਕਲ੍ਹ ਉਹ ਦੇਬੀ ਗਜ਼ਲ ਹੋ ਕੇ ਆਵੇ

ਪਿਆਸੀ ਮੌਤ ਤੋਂ ਜ਼ਿੰਦਗੀ ਦਾ ਘੁੱਟ ਪੀ ਹੋ ਜਾਂਦਾ
ਆਖਿਰ ਬੰਦਾ ਇੱਕ ਦਿਨ ਹੈ ਤੋਂ ਸੀ ਹੋ ਜਾਂਦਾ

ਕਹਿੰਦੇ ਹਰ ਇੱਕ ਨੂੰ ਗਿਣਤੀ ਦੇ ਸਾਹ ਮਿਲਦੇ ਨੇ
ਓਦੋਂ ਜ਼ਿਆਦਾ ਕਦੇ ਕਿਸੇ ਨਾ ਭਾਅ ਮਿਲਦੇ ਨੇ
ਚੰਗੇ ਭਲੇ ਸ਼ਰੀਰ ਨੂੰ ਖਬਰੇ ਕੀ ਹੋ ਜਾਂਦਾ
ਆਖਿਰ ਬੰਦਾ ਇੱਕ ਦਿਨ ਹੈ ਤੋਂ ਸੀ ਹੋ ਜਾਂਦਾ

ਸਦਾ ਫਰਿਸ਼ਤਾ ਮੌਤ ਦਾ ਦੱਬੇ ਪੈਰੀ ਆਵੇ
ਨਾ ਕੁੱਝ ਪੁੱਛੇ ਨਾ ਕੁੱਝ ਦੱਸੇ ਚੁੱਕ ਲੈ ਜਾਵੇ
ਵਾਰੀ ਵਾਰੀ ਸਭ ਨਾਲ ਐਦਾ ਹੀ ਹੋ ਜਾਂਦਾ
ਆਖਿਰ ਬੰਦਾ ਇੱਕ ਦਿਨ ਹੈ ਤੋਂ ਸੀ ਹੋ ਜਾਂਦਾ

ਦੇਬੀ ਰੋਜ਼ ਕਿਸੇ ਦੀ ਹੋਣੀ ਆਈ ਰਹਿੰਦੀ
ਚੇਤੇ ਆਖਿਰ ਨੇਕੀ ਕੋਈ ਕਮਾਈ ਰਹਿੰਦੀ
ਜਨਮ ਤੋਂ ਮਰਨ ਤਾਂਈਂ ਰਾਹ ਦੇ ਵਿੱਚ ਕੀ ਕੀ ਹੋ ਜਾਂਦਾ
ਆਖਿਰ ਬੰਦਾ ਇੱਕ ਦਿਨ ਹੈ ਤੋਂ ਸੀ ਹੋ ਜਾਂਦਾ

ਆਪਣੇ ਮੈਂ ਯਾਰਾਂ ਨੂੰ ਦੁਆਂਵਾਂ ਵਿੱਚ ਯਾਦ ਰੱਖਾਂ
ਧੁੱਪਾਂ ਚ ਜੋ ਨਾਲ ਸੜੇ ਛਾਵਾਂ ਵਿੱਚ ਰਾਦ ਰੱਖਾਂ
ਅੱਜ ਕਿਸੇ ਹੋਰ ਦੇ ਜੋ ਵਿਹੜੇ ਦਾ ਸ਼ਿੰਗਾਰ ਬਣੇ
ਹੁੰਦੇ ਸੀ ਉਹ ਕਦੇ ਮੇਰੇ ਸਾਹਵਾਂ ਵਿੱਚ ਯਾਦ ਰੱਖਾਂ
ਇੱਕ ਗੱਲ ਪੱਕੀ ਏ ਮੈਂ ਇੱਕ ਦਿਨ ਮਰ ਜਾਣਾ
ਇਹੋ ਗੱਲ ਖੁਸ਼ੀਆਂ ਤੇ ਚਾਅਵਾਂ ਵਿੱਚ ਯਾਦ ਰੱਖਾਂ
ਵਿੱਛੜ ਵੀ ਸਕਦੇ ਆਂ ਅੱਢ ਵੀ ਹੋ ਸਕਦੇ ਆਂ
ਇਹ ਨਾ ਮੈਂ ਓਸਦੀਆਂ ਬਾਹਵਾਂ ਵਿੱਚ ਯਾਦ ਰੱਖਾਂ
ਮੰਜਲ ਮਿਲੀ ਤਾਂ ਦੇਬੀ ਸਾਰੇ ਦੁੱਖ ਭੁੱਲ ਜਾਣੇ
ਉੱਚੇ ਨੀਵੇਂ ਟੇਢੇ ਮੇਢੇ ਰਾਹਵਾਂ ਵਿੱਚ ਯਾਦ ਰੱਖਾਂ

ਜੇਹਨੂੰ ਜਾਨ ਤੋਂ ਪਿਆਰਾ ਰੱਖਿਆ ਹੁੰਦਾ ਏ
ਜਾਂਦਾ ਹੋਇਆ ਜਾਨ ਹੀ ਕੱਢ ਕੇ ਲੈ ਜਾਂਦਾ
ਸਦਮਾ ਭਾਵੇਂ ਵੱਡਾ ਹੋਵੇ ਕਿੰਨਾ ਵੀ
ਦਿਲ ਦੀ ਖੂਬੀ ਸਹਿੰਦਾ ਸਹਿੰਦਾ ਸਹਿ ਜਾਂਦਾ
ਜੇਹਦੇ ਮਨ ਵਿੱਚ ਖੋਟ ਤੇ ਮਾੜੀ ਨੀਤ ਹੋਵੇ
ਸਭ ਦੇ ਮਨ ਤੋਂ ਲਹਿੰਦਾ ਲਹਿੰਦਾ ਲਹਿ ਜਾਂਦਾ
ਸੱਜਣ ਦਿਲ ਦੀ ਦੌਲਤ ਨਾਲ ਹੀ ਲੈ ਜਾਂਦੇ
ਦੇਬੀ ਮਗਰੋਂ ਜ਼ਿੰਦਗੀ ਵਿੱਚ ਕੀ ਰਹਿ ਜਾਂਦਾ

ਜੇਦੀ ਝਾਕ ਸੀ ਹਮੇਸ਼ਾ ਲਈ ਬੰਦ ਹੋ ਗਿਆ ਹੁਣ ਨਵੇਂ ਦਰਾਂ ਖੁੱਲਿਆ ਨੂੰ ਕੀ ਕਰੀਏ
ਸਾਡੇ ਸੋਹਣੇ ਮਹਿਬੂਬ ਹੋਰਾ ਉੱਤੇ ਡੁੱਲ ਗਏ ਅਸੀਂ ਆਪਣੇ ਤੇ ਡੁੱਲਿਆ ਨੂੰ ਕੀ ਕਰੀਏ

ਤਿੱਖੀਆ ਨਿਗਾਹਾਂ ਦੇ ਸਲਾਮ ਬੜੇ ਆਉਂਦੇ ਨੇ
ਮਿੱਠੀਆ ਜੁਬਾਨਾਂ 'ਚੋਂ ਪੈਗਾਮ ਬੜੇ ਆਉਂਦੇ ਨੇ
ਦਿਲ ਸੜ ਬਲ ਕੋਲੇ ਹੋ ਕੇ ਰਾਖ ਹੋ ਗਿਆ ਹੁਣ ਪੁਰੇ ਦਿਆ ਬੁੱਲਿਆ ਨੂੰ ਕੀ ਕਰੀਏ
ਸਾਡੇ ਸੋਹਣੇ ਮਹਿਬੂਬ ਹੋਰਾ ਉੱਤੇ ਡੁੱਲ ਗਏ ਅਸੀਂ ਆਪਣੇ ਤੇ ਡੁੱਲਿਆ ਨੂੰ ਕੀ ਕਰੀਏ

ਖਤਾਂ 'ਚ ਮੁਹੱਬਤ ਜਤਾਉਂਣ ਵਾਲੇ ਬਹੁਤ ਨੇ
ਸ਼ੁੱਭਕਾਮਨਾ ਦੇ ਕਾਰਡ ਪਾਉਂਣ ਵਾਲੇ ਬਹੁਤ ਨੇ
ਸਾਡੀ ਰੀਝਾਂ ਵਾਲੀ ਮਾਲਾ ਤਾ ਚਿਰੋਕੀ ਟੁੱਟ ਗਈ ਇਨ੍ਹਾਂ ਮੋਤੀ ਅਣਮੁੱਲਿਆ ਨੂੰ ਕੀ ਕਰੀਏ
ਸਾਡੇ ਸੋਹਣੇ ਮਹਿਬੂਬ ਹੋਰਾ ਉੱਤੇ ਡੁੱਲ ਗਏ ਅਸੀਂ ਆਪਣੇ ਤੇ ਡੁੱਲਿਆ ਨੂੰ ਕੀ ਕਰੀਏ

ਮਹਿੰਗੇ ਇਸ ਦੌਰ ਵਿਚ ਮਹਿੰਗੀਆਂ ਮੁਹੱਬਤਾਂ
ਪੁੱਛੋ ਨਾ ਜੀ ਕਿਹੜੇ ਮੁੱਲ ਪੈਂਦੀਆਂ ਮੁਹੱਬਤਾਂ
ਇੱਕ ਵਫਾ ਸਾਡੇ ਪਲੇ ਜੋ ਸੰਭਾਲੀ ਜਾਨੇ ਆ ਸੋਨੇ ਚਾਂਦੀ ਨਾਲ ਤੁੱਲਿਆ ਨੂੰ ਕੀ ਕਰੀਏ
ਸਾਡੇ ਸੋਹਣੇ ਮਹਿਬੂਬ ਹੋਰਾ ਉੱਤੇ ਡੁੱਲ ਗਏ ਅਸੀਂ ਆਪਣੇ ਤੇ ਡੁੱਲਿਆ ਨੂੰ ਕੀ ਕਰੀਏ

ਜਿਨ੍ਹਾਂ ਬੇਈਮਾਨਾਂ ਲਈ ਤਬਾਹ ਅਸੀਂ ਹੋ ਗਏ
ਜਿਨ੍ਹਾਂ ਦੇ ਰਾਹਾਂ 'ਚ ਬੈਠੇ ਰਾਹ ਅਸੀਂ ਹੋ ਗਏ
ਉਹ ਪੁੱਛਦੇ ਨੇ ਲੋਕਾਂ ਕੋਲੋਂ ਦੇਬੀ ਕੌਣ ਏ ਐਡੀ ਬੁਰੀ ਤਰਾਂ ਭੁੱਲਿਆ ਨੂੰ ਕੀ ਕਰੀਏ
ਸਾਡੇ ਸੋਹਣੇ ਮਹਿਬੂਬ ਹੋਰਾ ਉੱਤੇ ਡੁੱਲ ਗਏ ਅਸੀਂ ਆਪਣੇ ਤੇ ਡੁੱਲਿਆ ਨੂੰ ਕੀ ਕਰੀਏ

ਚਿਤ ਕਰੇ ਤੇਰੇ ਤੇ ਮੁਕੱਦਮਾ ਚੱਲਾ ਦਿਆਂ
ਦਫਾ ਤੇਰੇ ਜਿਹੀ ਡਾਢੀ ਤੇਰੇ ਉੱਤੇ ਲਾ ਦਿਆਂ
ਉੱਤੋਂ ਦੇਵਾਂ ਫੇਰ ਆਪ ਮੈਂ ਗਵਾਹੀ ਨੀ ਕਤਲ ਕਰਾਉਣ ਵਾਲੀਏ
ਕਦੇ ਤੈਨੂੰ ਵੀ ਏ ਸਾਡੀ ਆਈ ਨਿਤ ਯਾਦ ਆਉਣ ਵਾਲੀਏ

ਰੱਜ ਕੇ ਨਾ ਚਾਹੁੰਦੇ ਦੇਬੀ ਦਿਲਾਂ ਨੂੰ ਸਰੂਰ ਦੇ
ਨਾਲ ਨਾਲ ਗਾਉ ਤੁਸੀ ਗੀਤ ਕੋਹਿਨੂਰ ਦੇ
ਤਾਲ ਸੇਖੋਂ ਦੀ ਤੇ ਠੂਮਕੇ ਲਗਾਉ ਸੋਹਣਿਉ
ਮਾਰ ਅੱਡੀਆਂ ਨੂੰ ਧਰਤੀ ਹਿਲਾਉ ਸੋਹਣਿਉ

ਪਿਆਰ ਦੀ ਨਿਸ਼ਾਨੀ ਕੈਸਿਟ ਚੋਂ

ਬਣ ਜਾਂਦਾ ਥੱਲ ਕਿੰਨਾ ਜਲ ਹੋਕੇ ਆਵੇ
ਉਸ ਦਰ ਤੋਂ ਹਰ ਕੋਈ ਕਤਲ ਹੋ ਕੇ ਆਵੇ
ਬੰਦਿਆਂ ਦੇ ਵਾਂਗ ਆਵੇ ਇੱਕ ਵਾਰੀ ਭਾਵੇਂ
ਜੀਵਨ ਦਾ ਆਖਰੀ ਪਲ ਹੋ ਕੇ ਆਵੇ
ਸੀਨੇ ਚ ਰਹੇ ਕੁੱਝ ਥਲ ਵਾਂਗੂ ਭੁੱਜਦਾ
ਅੱਖੀਆਂ ਚ ਆਵੇ ਤਾਂ ਜਲ ਹੋਕੇ ਆਵੇ
ਜੋ ਮਿਲਿਆ ਬਣਕੇ ਬੁਝਾਰਤ ਹੀ ਮਿਲਿਆ
ਹੁਣ ਜੀਹਨੇ ਆਉਣਾ ਉਹ ਹੱਲ ਹੋਕੇ ਆਵੇ
ਸੁਲਾਹ ਕਿੰਝ ਹੋਵੇ ਸ਼ਰਤ ਬੜੀ ਔਖੀ
ਪੱਗ ਲਾਕੇ ਗੋਢਿਆ ਵੱਲ ਹੋਕੇ ਆਵੇ
ਸਾਡੀ ਤੇ ਦੁਨੀਆਂ ਦੀ ਨਿੱਭ ਵੀ ਏ ਸਕਦੀ
ਇੱਕ ਦੀ ਜੇ ਆਦਤ ਬਦਲ ਹੋਕੇ ਆਵੇ
ਕਦੀ ਯਾਦ ਆਉਂਦਾ ਸੀ ਬਣ ਬਣ ਕੇ ਹੌਂਕੇ
ਅੱਜਕਲ੍ਹ ਉਹ ਦੇਬੀ ਗਜ਼ਲ ਹੋ ਕੇ ਆਵੇ

ਆਪਣੇ ਮੈਂ ਯਾਰਾਂ ਨੂੰ ਦੁਆਂਵਾਂ ਵਿੱਚ ਯਾਦ ਰੱਖਾਂ
ਧੁੱਪਾਂ ਚ ਜੋ ਨਾਲ ਸੜੇ ਛਾਵਾਂ ਵਿੱਚ ਯਾਦ ਰੱਖਾਂ
ਅੱਜ ਕਿਸੇ ਹੋਰ ਦੇ ਜੋ ਵਿਹੜੇ ਦਾ ਸ਼ਿੰਗਾਰ ਬਣੇ
ਹੁੰਦੇ ਸੀ ਉਹ ਕਦੇ ਮੇਰੇ ਸਾਹਵਾਂ ਵਿੱਚ ਯਾਦ ਰੱਖਾਂ
ਇੱਕ ਗੱਲ ਪੱਕੀ ਏ ਮੈਂ ਇੱਕ ਦਿਨ ਮਰ ਜਾਣਾ
ਇਹੋ ਗੱਲ ਖੁਸ਼ੀਆਂ ਤੇ ਚਾਅਵਾਂ ਵਿੱਚ ਯਾਦ ਰੱਖਾਂ
ਵਿੱਛੜ ਵੀ ਸਕਦੇ ਆਂ ਅੱਢ ਵੀ ਹੋ ਸਕਦੇ ਆਂ
ਇਹ ਨਾ ਮੈਂ ਓਸਦੀਆਂ ਬਾਹਵਾਂ ਵਿੱਚ ਯਾਦ ਰੱਖਾਂ
ਮੰਜਲ ਮਿਲੀ ਤਾਂ ਦੇਬੀ ਸਾਰੇ ਦੁੱਖ ਭੁੱਲ ਜਾਣੇ
ਉੱਚੇ ਨੀਵੇਂ ਟੇਢੇ ਮੇਢੇ ਰਾਹਵਾਂ ਵਿੱਚ ਯਾਦ ਰੱਖਾਂ