|
|
ਮੇਰੇ ਦੇਸ਼ ਬੇਕਦਰੀ ਬੰਦਿਆ ਦੀ , ਪੱਥਰਾਂ ਨੂੰ ਹੁੰਦੇ ਸੱਜਦੇ ਨੇ,
ਇਥੇਂ ਧੱਕੇ ਪੈਂਦੇ ਜਿਊਂਦਿਆਂ ਨੂੰ ਮਰਿਆਂ ਤੇ ਮੇਲੇ ਲੱਗਦੇ ਨੇ |
ਮੇਰੇ ਭਾਰਤ ਵਿੱਚ ਫਨਕਾਰ ਬੜੇ , ਰੋਟੀ ਦੇ ਦੁੱਖੋਂ ਨੇ ,
ਉਨਾਂ ਦੇ ਨਾਂ ਤੇ ਮਰਿਆ ਤੋਂ , ਕਈ ਪੈਸੇ ਇੱਕਠੇ ਕਰਦੇ ਨੇ |
ਨਹੀ ਪੁੱਛਦੇ ਰੁਲਦਿਆਂ ਟੱਬਰਾਂ ਨੂੰ , ਇਹ ਭੁੱਖੇ ਆਪ ਨਾ ਰੱਜਦੇ ਨੇ ,
ਮੇਰੇ ਦੇਸ਼ ਬੇਕਦਰੀ ਬੰਦਿਆ ਦੀ , ਪੱਥਰਾਂ ਨੂੰ ਹੁੰਦੇ ਸੱਜਦੇ ਨੇ,
ਦੇ ਕਿੰਨੀ ਕੋਈ ਦੇਣ ਗਿਆ , ਕੋਈ ਕਦਰ ਨਹੀਂ ਕੁਝ ਸਾਰ ਨਹੀ ,
ਇਥੇ ਕੋਈ ਕਿਸੇ ਨੂੰ ਆਪਣੇ ਤੋਂ , ਚੰਗਾ ਮੰਨਣੇ ਨੂੰ ਤਿਆਰ ਨਹੀ ,
ਗੁਣ ਕਿੰਨੇ ਹੋਵਣ ਵਿੰਹਦੇ ਨਾ, ਇਕ ਅੱਧਾ ਔਗੁਣ ਲੱਭਦੇ ਨੇ,
ਮੇਰੇ ਦੇਸ਼ ਬੇਕਦਰੀ ਬੰਦਿਆ ਦੀ , ਪੱਥਰਾਂ ਨੂੰ ਹੁੰਦੇ ਸੱਜਦੇ ਨੇ,
ਇਥੇ ਜਾਤ ਪਾਤ ਦੇ ਰੱਸਿਆ ਨਾਲ, ਗਲ ਸਭ ਦਾ ਘੁੱਟਣਾ ਸੌਖਾ ਏ,
ਮੇਰੇ ਦੇਸ਼ 'ਚ ਧਰਮ ਦੇ ਨਾਂ ਉੱਤੇ ਲੋਕਾਂ ਨੂੰ ਲੁੱਟਣਾ ਸੌਖਾ ਏ ,
ਇਹ ਰੱਬ ਦੇ ਨਾਂ ਤੇ ਲੱੜਦੇ ਨੇ ਜਾਂ ਰੱਬ ਦੇ ਨਾਂ ਤੇ ਠੱਗਦੇ ਨੇ ,
ਮੇਰੇ ਦੇਸ਼ ਬੇਕਦਰੀ ਬੰਦਿਆ ਦੀ , ਪੱਥਰਾਂ ਨੂੰ ਹੁੰਦੇ ਸੱਜਦੇ ਨੇ,
ਇਸ ਮਤਲਬ ਖੋਰੀ ਦੁਨੀਆਂ ਅੰਦਰ ਕੋਈ ਕਿਸੇ ਦਾ ਕੀ ਲੱਗਦਾ,
ਫੁੱਲਾਂ ਜਿਹੇ ****ਮਖਸੂਸਪੁਰੀ**** ਦਾ , ਪੱਥਰਾਂ ਵਿੱਚ ਨਾ ਜੀਅ ਲੱਗਦਾ ,
ਇੱਥੇ ਖੋਟੇ ਸਿਕੇ ਚੱਲਦੇ ਪਏ , ਖਰਿਆ ਨੂੰ ਠੇਡੇ ਵੱਜਦੇ ਨੇ ,
ਮੇਰੇ ਦੇਸ਼ ਬੇਕਦਰੀ ਬੰਦਿਆ ਦੀ , ਪੱਥਰਾਂ ਨੂੰ ਹੁੰਦੇ ਸੱਜਦੇ ਨੇ,
|
|
15 Sep 2013
|
|
|
|
ਡਾਢਿਆਂ ਦੀ ਮਾੜੀ ਮਾੜੀ ਗੱਲ ਨੂੰ ਸਲਾਹੁਣਾ ,
ਹੱਸ ਕੇ ਨਾ ਕਦੇ ਵੀ ਗਰੀਬ ਨੂੰ ਬੁਲਾਉਣਾ ,
ਦੂਜਿਆਂ ਦੇ ਕੰਮਾਂ ਵਿਚ ਰੋੜਾ ਅਟਕਾਉਣਾ ,
ਇਹ ਦੁਨੀਆਂ ਦਾ ਬਣ ਦਸਤੂਰ ਗਿਆ ,
ਫੋਕੀਆਂ ਲਿਹਜ਼ਾਂ ਬੱਸ ਰਹਿ ਗਈਆਂ ਨੇ ,
ਸੱਚਾ ਪਿਆਰ ਖੰਭ ਲਾ ਕੇ ਉੱਡ ਦੂਰ ਗਿਆ ।
ਮਾਰਦੇ ਨੇ ਠੱਗੀਆਂ ਕਮਾਉਂਦੇ ਨੇ ਫਰੇਬ ,
ਲੁੱਟੀ ਜ਼ੋਰ ਵਾਲੇ ਹੀਣਿਆਂ ਨੂੰ ਜਾਂਵਦੇ ,
ਤੀਰਥਾਂ ਤੇ ਜਾ ਕੇ ਫਿਰ ਦਾਨੀ ਅਖਵਾਉਂਦੇ ,
ਹਿੱਸਾ ਰੱਬ ਦਾ ਇਹ ਰੱਬ ਨੂੰ ਚੜ੍ਹਾਉਂਦੇ ,
ਇਹਨਾਂ ਨੇ ਤਾਂ ਰੱਬ ਵੀ ਬਣਾ ਤਾਂ ਵੱਢੀ ਖੋਰਾ ,
ਸੁਣੇ ਮਾੜੇ ਦੀ ਨਾ ਬਣ ਜੋ ਮਨੂਰ ਗਿਆ ,
ਫੋਕੀਆਂ ਲਿਹਜ਼ਾਂ ਬੱਸ ਰਹਿ ਗਈਆਂ ਨੇ ,
ਸੱਚਾ ਪਿਆਰ ਖੰਭ ਲਾ ਕੇ ਉੱਡ ਦੂਰ ਗਿਆ ।
ਆਪਣਿਆਂ ਐਬਾਂ ਉੱਤੇ ਪਾਉਂਦੇ ਸੱਤ ਪਰਦੇ ,
ਤੇ ਦੂਜਿਆਂ ਦੇ ਹੁੱਬ ਹੁੱਬ ਦੱਸਦੇ ,
ਜਦੋਂ ਤੱਕ ਹੋਵੇ ਲੋੜ ਇਨ੍ਹਾਂ ਨੂੰ ਕਿਸੇ ਦੀ ,
ਉਨੀ ਦੇਰ ਹੀ ਮੁਲਾਹਜੇ ਬੱਸ ਰੱਖਦੇ ,
ਹੱਥੀਂ ਵੱਟੇ ਪਾ ਕੇ ਡੋਬ ਬੇੜੀਆਂ ਨੂੰ ਦਿੰਦੇ ,
ਜਦੋਂ ਆਪਣਾ ਹੋਵੇ ਲੰਘ ਪੂਰ ਗਿਆ
ਫੋਕੀਆਂ ਲਿਹਜ਼ਾਂ ਬੱਸ ਰਹਿ ਗਈਆਂ ਨੇ ,
ਸੱਚਾ ਪਿਆਰ ਖੰਭ ਲਾ ਕੇ ਉੱਡ ਦੂਰ ਗਿਆ ।
ਜੱਗ ਇਹ ਦੋਮੂੰਹਾਂ ਸੱਪ ਡੰਗ ਦੋਹੀਂ ਮੂੰਹੀਂ ਮਾਰੇ ,
****ਮਖ਼ਸੂਸਪੁਰੀ**** ਰਿਹਾ ਇਤਬਾਰ ਨਾ ,
ਬਣ ਜਾਂਦੇ ਯਾਰ ਪਿੱਛਾ ਯਾਰਾਂ ਦਾ ਤਕਾਉਂਦੇ,
ਲੋਕੋ ਜੱਗ ਤੇ ਕਿਸੇ ਦਾ ਕੋਈ ਯਾਰ ਨਾ ,
ਹੋਇਆ ਚਿੱਟਾ ਲਹੂ ਯਾਰੋ ਦਿਲ ਹੋ ਗਏ ਕਾਲੇ ,
ਉਠ ਚੇਹਰਿਆਂ ਤੋਂ ਪਿਆਰ ਵਾਲਾ ਨੂਰ ਗਿਆ
ਫੋਕੀਆਂ ਲਿਹਜ਼ਾਂ ਬੱਸ ਰਹਿ ਗਈਆਂ ਨੇ ,
ਸੱਚਾ ਪਿਆਰ ਖੰਭ ਲਾ ਕੇ ਉੱਡ ਦੂਰ ਗਿਆ ।
|
|
15 Sep 2013
|
|
|
|
ਸੰਗਦੇ ਵੀ ਰਹਿੰਦੇ , ਕੋਲੋਂ ਲੰਗਦੇ ਵੀ ਰਹਿੰਦੇ ,
ਗੂੰਗਿਆਂ ਦੀ ਬਾਤ ਭਲਾ ਕੀ ਬੁੱਝੀਏ ,
ਹਾਏ ਰੱਬਾ ਹਾਏ ਸਾਥੋਂ ਕੀ ਮੰਗਦੇ ,ਕੀ ਮੰਗਦੇ ਦੋ ਨੈਣ ਕਵਾਰੇ ,
ਟਾਵੇਂ ਟਾਵੇਂ ਇਨ੍ਹਾਂ ਦੀਆਂ ਬੁੱਝਣ ਬੁਝਾਰਤਾਂ ,
ਕਿਸੇ ਨੂੰ ਨਾ ਇੱਦਾਂ ਦੀਆਂ , ਸੁੱਝਣ ਸ਼ਰਾਰਤਾਂ ,
ਅਸਲੀ ਚਮਕ ਖੌਰੇ ਸ਼ੀਸ਼ੇ ਹੈ ਪਵਾਇਆ ,
ਅੰਨ੍ਹੇ ਕਰਦੇ ਜਾਣ ਲਿਸ਼ਕਾਰੇ ,
ਹਾਏ ਰੱਬਾ ਹਾਏ ਸਾਥੋਂ ਕੀ ਮੰਗਦੇ ,ਕੀ ਮੰਗਦੇ ਦੋ ਨੈਣ ਕਵਾਰੇ ,
ਤੁਰੇ ਜਾਂਦੇ ਘੇਰਦੇ ਤੇ ਘੂਰਦੇ ਨੇ ਰਾਹੀਆਂ ਨੂੰ ,
ਕੀ ਕੋਈ ਆਖੇ ਇਹਨਾਂ ਅੜਬ ਸਿਪਾਹੀਆਂ ਨੂੰ ,
ਮਾਰਦੇ ਤੇ ਕਰਨ ਸ਼ਿਕਾਇਤਾਂ ਨਹੀਓਂ ਦੇਦੇ ,
ਨਿਰੇ ਪੱਥਰ ਦਿਲੇ ਹਤਿਆਰੇ ,
ਹਾਏ ਰੱਬਾ ਹਾਏ ਸਾਥੋਂ ਕੀ ਮੰਗਦੇ ,ਕੀ ਮੰਗਦੇ ਦੋ ਨੈਣ ਕਵਾਰੇ ,
ਇਹਨਾਂ ਦੇ ਵਪਾਰ ਵਿਚੋਂ ਨਫ਼ੇ ਦੀ ਉਮੀਦ ਨਹੀਂ ,
ਦਿਲ ਲੈਂਦੇ ਜਾਨ ਲੈਂਦੇ , ਕੱਟਦੇ ਰਸੀਦ ਨਹੀਂ ,
ਸਿਰੇ ਦੇ ਇਹ ਲੋਭੀ , ਬੇਈਮਾਨ ਬਾਣੀਏ ,
ਕੱਚੇ ਵਾਅਦਿਆਂ ਦੇ ਬੇ-ਇਤਬਾਰੇ ,
ਹਾਏ ਰੱਬਾ ਹਾਏ ਸਾਥੋਂ ਕੀ ਮੰਗਦੇ ,ਕੀ ਮੰਗਦੇ ਦੋ ਨੈਣ ਕਵਾਰੇ ,
ਉਂਝ ਭਾਵੇਂ ਉਮਰਾਂ ਦੇ ਰੋਗ ਲਾਈ ਜਾਂਦੇ ਆ ,
ਇਕੋ ਫਾਇਦਾ ਗੀਤ ਨਵੇਂ ਲਿਖਵਾਈ ਜਾਂਦੇ ਆ ,
ਅੱਜ ਤੱਕ ਰਹੇ ****ਮਖ਼ਸੂਸਪੁਰੀ**** ਦੇ ,
ਇਨ੍ਹਾਂ ਵਰਗੇ ਹੀ ਜੀਣ ਦੇ ਸਾਹਰੇ ,
ਹਾਏ ਰੱਬਾ ਹਾਏ ਸਾਥੋਂ ਕੀ ਮੰਗਦੇ ,ਕੀ ਮੰਗਦੇ ਦੋ ਨੈਣ ਕਵਾਰੇ ,
|
|
15 Sep 2013
|
|
|
|
ਊਧਮ ਸਿੰਘ ਕਸਮਾਂ ਖਾਵੇ ਵੈਰੀ ਨੂੰ ਮਾਰੂੰਗਾ ,
ਗੋਰਿਆਂ ਦੇ ਜੁੱਲੇ ਚੁੱਕ ਕੇ ਲੰਡਨ ਵਿੱਚ ਵਾੜੂੰਗਾ ,
ਇੱਕੀਆਂ ਦੇ ਕੱਤੀ ਪਾ ਕੇ ਭਾਜੀ ਉਤਾਰੂੰਗਾ ,
ਲੋਹੇ ਨੂੰ ਲੋਹੇ ਦੇ ਨਾਲ ਕੱਟਣਾ ਹੁਣ ਪੈਣਾ ਏ ,
ਬਦਲਾ ਮੈਂ ਅੰਮ੍ਰਿਤਸਰ ਦਾ ਪਾਪੀ ਤੋਂ ਲੈਣਾ ਏ ,
ਆਪਾਂ ਹੱਕ ਮੰਗਿਆ , ਉਹੋ ਲਾਸ਼ਾਂ ਖਿਲਾਰ ਗਿਆ ,
ਬੇ - ਦੋਸ਼ੀ ਜੰਨਤਾ ਉਤੇ ਜਿਹੜਾ ਕਰ ਵਾਰ ਗਿਆ ,
ਆਪਣੇ ਹੱਥੀਂ ਕਰ ਆਪਣੀ ਕਬਰ ਤਿਆਰ ਗਿਆ ,
ਸਾਡੇ ਨਾਲ ਮੱਥਾ ਲਾਇਆ , ਮਹਿੰਗੇ ਮੁੱਲ ਪੈਣਾ ਏ ,
ਬਦਲਾ ਮੈਂ ਅੰਮ੍ਰਿਤਸਰ ਦਾ ਪਾਪੀ ਤੋਂ ਲੈਣਾ ਏ ,
ਧੂਣੀ ਦੇ ਵਾਂਗੂੰ ਹਰ ਦਮ ਮੇਰੀ ਹਿੱਕ ਧੁਖਦੀ ਆ ,
ਇਹਦੇ 'ਚੋਂ ਬਦਲੇ ਦੀ ਅੱਗ ਲਾਟ ਬਣ ਉੱਠਦੀ ਆ ,
ਰਾਤਾਂ ਨੂੰ ਯਾਰਾਂ ਦੀ ਰੂਹ ਮੈਨੂੰ ਇਹ ਪੁਛਦੀ ਆ ,
ਤੂੰ ਬਾਹਾਂ ਵਿੱਚ ਵੰਗਾਂ ਪਾ ਕੇ ਕਿਨ੍ਹਾਂ ਚਿਰ ਬਹਿਣਾ ਏ ,
ਬਦਲਾ ਮੈਂ ਅੰਮ੍ਰਿਤਸਰ ਦਾ ਪਾਪੀ ਤੋਂ ਲੈਣਾ ਏ ,
ਗੇਰੇ ਨੂੰ ਪਾਇਆ ਜੇਕਰ ਨਰਕਾ ਦੀ ਡੰਡੀ ਨਾ ,
ਯਾਰਾਂ ਦੇ ਸਿਵਿਆਂ ਦੀ ਅੱਗ ਸੱਕਣੀ ਹੋ ਠੱਡੀ ਨਾ ,
ਜਿੰਨਾ ਚਿਰ ਮੇਮ ਡਾਇਰ ਦੀ ਕੀਤੀ ਮੈਂ ਰੰਡੀ ਨਾ ,
ਕਰਜ਼ਾ ਸ਼ਹੀਦਾਂ ਦਾ ਨਾ ਉਨਾਂ ਚਿਰ ਲਹਿਣਾ ਏ ,
ਬਦਲਾ ਮੈਂ ਅੰਮ੍ਰਿਤਸਰ ਦਾ ਪਾਪੀ ਤੋਂ ਲੈਣਾ ਏ ,
ਜ਼ਿੰਦਗੀ ਗੁਲਾਮਾਂ ਦੀ ਹੋ ਸਕਦੀ ਸੁਖਾਲੀ ਨਹੀਂ ,
ਜਾਨਾਂ ਤੇ ਇੱਜ਼ਤਾਂ ਦੀ ਵੀ ***ਦੇਬੀ*** ਰਖਵਾਲੀ ਨਹੀਂ,
ਜਿੰਨਾ ਚਿਰ ਗਲੋਂ ਬੇਗਾਨੀ ਲੱਥਦੀ ਪੰਜਾਲੀ ਨਹੀਂ ,
ਡਾਗਾਂ ਤੇ ਗੋਲੀਆਂ ਵਾਲਾ ਵਰ੍ਹਦਾ ਮੀਂਹ ਰਹਿਣਾ ਏ ,
ਬਦਲਾ ਮੈਂ ਅੰਮ੍ਰਿਤਸਰ ਦਾ ਪਾਪੀ ਤੋਂ ਲੈਣਾ ਏ ,
|
|
15 Sep 2013
|
|
|
|
ਛੱਡ ਦਿਲ ਮਿਲਾ ਕੇ ਕੀ ਲੈਣਾ ਤੂੰ ਹੱਥ ਮਿਲਾਉਂਦਾ ਰਹਿ ਸੱਜਣਾ ,
ਇਹ ਦੁਨੀਆਂ ਚੰਦਰੇ ਸਾਕ ਜਿਹੀ ਚੁੱਪ ਚੱਪ ਨਿਭਾਉਂਦਾ ਰਹਿ ਸੱਜਣਾ ,
ਇੱਥੇ ਬੜੇ ਖੁਦਾ ਨੇ ਜਿੰਨਿਆਂ ਨੂੰ ਤੂੰ ਮਰਜ਼ੀ ਮੱਥਾ ਟੇਕੀ ਜਾ ,
ਇਸ ਮੁਫ਼ਤ ਦੇ ਕੂੜ ਤਮਾਸ਼ੇ ਨੂੰ ਖਾਮੋਸ਼ ਨਜ਼ਰ ਨਾਲ ਵੇਖੀ ਜਾ ,
ਹੈ ਪਰਦਾ ਚੁੱਕਣਾ ਜੁਰਮ , ਝੁਠ ਤੇ ਪਰਦਾ ਪਉਂਦਾ ਰਹਿ ਸੱਜਣਾ ,
ਇਹ ਦੁਨੀਆਂ ਚੰਦਰੇ ਸਾਕ ਜਿਹੀ ਚੁੱਪ ਚੱਪ ਨਿਭਾਉਂਦਾ ਰਹਿ ਸੱਜਣਾ ,
ਹੱਸ - ਹੱਸ ਕੇ ਮਿਲਦੇ ਗਲ ਜਿਹੜੇ , ਗਲ ਉਹੀਓ ਆਖਿਰ ਘੁੱਟਦੇ ਨੇ ,
ਗੈਰਾਂ ਤੋਂ ਲੋੜ ਨਹੀਂ ਡਰਨੇ ਦੀ , ਆਪਣੇ ਹੀ ਅੱਜ ਕੱਲ੍ਹ ਲੁਟਦੇ ਨੇ
ਬੁੱਕਲ ਦੇ ਸੱਪਾਂ ਡੱਸ ਜਾਣਾ , ਲੱਖ ਦੁੱਧ ਪਿਆਉਂਦਾ ਰਹਿ ਸੱਜਣਾ
ਇਹ ਦੁਨੀਆਂ ਚੰਦਰੇ ਸਾਕ ਜਿਹੀ ਚੁੱਪ ਚੱਪ ਨਿਭਾਉਂਦਾ ਰਹਿ ਸੱਜਣਾ ,
ਇੱਥੇ ਹਰ ਕੋਈ ***ਦੇਬੀ*** ਸਾਧ ਬਣੇ , ਤੇ ਦੂਜੇ ਨੂੰ ਪਿਆ ਚੋਰ ਕਹੇ ,
ਇੱਥੇ ਦਿਲ ਅੰਦਰ ਗੱਲ ਹੋਰ ਰਹੇ , ਪਰ ਬੁੱਲ੍ਹਾਂ ਤੇ ਗੱਲ ਹੋਰ ਰਹੇ ,
ਮੂੰਹ ਰਾਮ ਬਗਲ ਵਿੱਚ ਛੁਰੀਆਂ ਨੇ , ਤੂੰ ਜਿਗਰ ਬਚਾਉਂਦਾ ਰਹਿ ਸੱਜਣਾ
ਇਹ ਦੁਨੀਆਂ ਚੰਦਰੇ ਸਾਕ ਜਿਹੀ ਚੁੱਪ ਚੱਪ ਨਿਭਾਉਂਦਾ ਰਹਿ ਸੱਜਣਾ ,
|
|
15 Sep 2013
|
|
|
|
|
ਈਆਂ ਜੋ ਬਲਾਵਾਂ ਗਲੋਂ ਕਦੇ ਵੀ ਨੀ ਲਹਿਣੀਆਂ ,
ਆਸ਼ਕਾਂ ਦੀ ਜਾਨ ਤੇ ਮੁਸੀਬਤਾਂ ਹੀ ਰਹਿਣੀਆਂ ,
ਵਿਹਲੇ ਟਾਈਮ ਬਣੀਆਂ ਜੋ ਮੂਰਤਾਂ ਨੇ ਮਾਰਨਾ ,
ਕਾਲਜੇ ਨੂੰ ਛਿੱਲਦੀਆਂ ਸੂਰਤਾਂ ਨੇ ਮਾਰਨਾ ,
ਲਿਸ਼ਕਣ ਬਿਜਲੀਆਂ ਕਿਸੇ ਤੇ ਤਾਂ ਪੈਣੀਆਂ ,
ਆਸ਼ਕਾਂ ਦੀ ਜਾਨ ਤੇ ਮੁਸੀਬਤਾਂ ਹੀ ਰਹਿਣੀਆਂ ,
ਚਾਹ ਥਾਵੇਂ ਲਹੂ ਪੀਣ ਅਜਬ ਪਰਾਹੁਣੀਆਂ ,
ਫੁੱਲਾਂ ਜਿਹੇ ਚਿਹਰੇ ਰਾਹੀਂ ਸੂਲਾਂ ਨੇ ਵਿਛਾਉਣੀਆਂ ,
ਸਖ਼ਤ ਦੁਵਾਈਆਂ ਭਲਾ ਸੂਤ ਕਿਹਨੂੰ ਬਹਿਣੀਆਂ ,
ਆਸ਼ਕਾਂ ਦੀ ਜਾਨ ਤੇ ਮੁਸੀਬਤਾਂ ਹੀ ਰਹਿਣੀਆਂ ,
ਆਸ਼ਕਾਂ ਦੇ ਬਾਝੋਂ ਕੌਣ ਹਾਉਕਿਆਂ ਨੂੰ ਮਿਣਦਾ ,
ਧੂੜ ਕੌਣ ਫੱਕੇ , ਹੰਝੂ ਤਾਰੇ ਕੌਣ ਗਿਣਦਾ ,
ਸੋਹਣਿਆਂ ਦੇ ਵਾਸਤੇ ਲੜਾਈਆਂ ਮੁੱਲ ਲੈਣੀਆਂ ,
ਆਸ਼ਕਾਂ ਦੀ ਜਾਨ ਤੇ ਮੁਸੀਬਤਾਂ ਹੀ ਰਹਿਣੀਆਂ ,
ਜਾਂ ਬੰਦਾ ਤੱਦੀਆਂ ਨੂੰ ਖਿੜੇ ਮੱਥੇ ਸਹਿ ਜਾਏ ,
ਜਾਂ ਫਿਰ ****ਦੇਬੀ**** ਵਾਂਗੂੰ ਪਾਸੇ ਹੋ ਕੇ ਬਹਿ ਜਾਏ ,
ਮਿੱਟੀ ਦੀਆਂ ਬਾਜ਼ੀਆਂ ਤਾਂ ਢਹਿਣੀਆਂ ਹੀ ਢਹਿਣੀਆਂ ,
ਆਸ਼ਕਾਂ ਦੀ ਜਾਨ ਤੇ ਮੁਸੀਬਤਾਂ ਹੀ ਰਹਿਣੀਆਂ ,
ਪ
|
|
15 Sep 2013
|
|
|
|
ਨਾ ਇਲਮ ਹੈ ਸ਼ਾਇਰੀ ਦਾ, ਨਾ ਦਾਅਵਾ ਕੋਈ ਸੁਰ ਦਾ ,
ਇਕੋ ਪਿਆਰ ਸਰੋਤਿਆਂ ਦਾ ਹੀ, ਮੈਨੂੰ ਚੁੱਕੀ ਫਿਰਦਾ ,
ਹਲਕੇ ਫ਼ੁਲਕੇ ਗੀਤ ਤੇ ਸਾਦੇ ਸ਼ੇਅਰ ਕਹਾਂ ,
ਇਹ ਬਣ ਗਿਆ ਇਕ ਅੰਦਾਜ਼ ਤੇ ਮੈਂ ਕੀ ਕਰ ਸਕਦਾਂ ,
ਮੈਂ ਕਦ ਕਿਹਾ ਕਿ ਮੈਂ ਸ਼ਾਇਰ ਅਤੇ ਗਵੱਈਆ ਹਾਂ ,
ਜੇ ਲੋਕ ਸਲਾਹੁਣ ਆਵਾਜ਼ ਤਾਂ ਮੈਂ ਕੀ ਕਰ ਸਕਦਾਂ ,
ਕਿਉਂ ਹੋਵੇ ਇਤਰਾਜ਼ ਕਿਸੇ ਨੂੰ ਆਪਣਾ ਲਿਖ ਕੇ ਗਾਵਾਂ ,
ਮੈਥੋਂ ਨਹੀਂ ਖੁਸ਼ਾਮਦ ਹੁੰਦੀ, ਨਾ ਮੈਂ ਖੁਦ ਕਰਵਾਵਾਂ ,
ਉੱਚੀਆਂ ਕੁਰਸੀਆਂ ਤਾਈਂ ਸਲਾਮ ਨਹੀਂ ਹੁੰਦੀ ,
ਉਹ ਸਾਰੀਆਂ ਰਹਿਣ ਨਰਾਜ਼ ਤੇ ਮੈਂ ਕੀ ਕਰ ਸਕਦਾਂ ,
ਮੈਂ ਕਦ ਕਿਹਾ ਕਿ ਮੈਂ ਸ਼ਾਇਰ ਅਤੇ ਗਵੱਈਆ ਹਾਂ ,
ਜੇ ਲੋਕ ਸਲਾਹੁਣ ਆਵਾਜ਼ ਤਾਂ ਮੈਂ ਕੀ ਕਰ ਸਕਦਾਂ ,
ਸੱਭਿਆਚਾਰ ਦੇ ਵਾਰਿਸ ਬਣਦੇ , ਮਾਰਨ ਉੱਚੀਆਂ ਟ੍ਹਾਰਾਂ ,
ਜਿਹਨਾਂ ਦੇ ਹੱਥਾਂ ਥੱਲੇ ਚੰਦ ਰਸਾਲੇ ਤੇ ਅਖ਼ਬਾਰਾਂ ,
ਚਿੱਕੜ ਸੁੱਟਣਾ ਜਣੇ ਖਣੇ ਦੀ ਛਿੱਲ ਲਾਹੁਣੀ ,
ਉਹ ਆ ਨਹੀਂ ਸਕਦੇ ਬਾਜ਼ ਤੇ ਮੈਂ ਕੀ ਕਰ ਸਕਦਾਂ ,
ਮੈਂ ਕਦ ਕਿਹਾ ਕਿ ਮੈਂ ਸ਼ਾਇਰ ਅਤੇ ਗਵੱਈਆ ਹਾਂ ,
ਜੇ ਲੋਕ ਸਲਾਹੁਣ ਆਵਾਜ਼ ਤਾਂ ਮੈਂ ਕੀ ਕਰ ਸਕਦਾਂ ,
ਕਹਿੰਦੇ ਦੇਬੀ ਬੰਦਾ ਚੰਗਾ , ਗੀਤਕਾਰ ਵੀ ਚੰਗਾ ,
ਲਿਖਦਾ ਰਹਿੰਦਾ ਹੋਰਾਂ ਲਈ , ਕਿਉਂ ਲਿਆ ਗਾਉਣ ਦਾ ਪੰਗਾ,
ਪੰਗਾ ਲੈ ਕੇ **$$ਦੇਬੀ$$** ਨੇ ਕੀ ਖੱਟਿਆ ਏ ,
ਉਹ ਨਹੀਂ ਜਾਣਦੇ ਰਾਜ ਤੇ ਮੈਂ ਕੀ ਕਰ ਸਕਦਾਂ
ਮੈਂ ਕਦ ਕਿਹਾ ਕਿ ਮੈਂ ਸ਼ਾਇਰ ਅਤੇ ਗਵੱਈਆ ਹਾਂ ,
ਜੇ ਲੋਕ ਸਲਾਹੁਣ ਆਵਾਜ਼ ਤਾਂ ਮੈਂ ਕੀ ਕਰ ਸਕਦਾਂ ,
|
|
15 Sep 2013
|
|
|
|
ਨੱਚ ਗਿੱਧੇ 'ਚ ਧਮਾਲ ਪਾਉਣ ਵਾਲੀਏ ,
ਤੇਰੀ ਮੇਹਰਬਾਨੀ ਸਾਡੇ ਆਉਣ ਵਾਲੀਏ ,
ਜਾਣਦਿਆਂ ਨਾ ਮੁੜਕੇ ਤੈਨੂੰ ਆਸ਼ਕ ਜੁਗਤ ਬਣਾਵੇ ,
ਜੀਅ ਕਰਦਾ ਤੇਰੇ ਨੈਣਾਂ ਵਿੱਚ ਮੈਨੂੰ ਉਮਰ ਕੈਦ ਹੋ ਜਾਵੇ ।
ਅੱਜ ਹੁਸਨ ਕਚਿਹਰੀ ਆਸ਼ਕਾਂ ਤੇਰੇ ਕੇਸ ਲੜੇ ,
ਦਿਲ ਮੁਜਰਮ ਨੇ ਇਹ ਦੋ ਨੈਣ ਵਕੀਲ ਕਰੇ ,
ਦਿਲ ਤੇਰਾ ਸੈਸ਼ਨ ਜੱਜ ਵਰਗਾ ਖਬਰੇ ਕੀ ਹੁਕਮ ਸੁਣਾਵੇ ,
ਜੀਅ ਕਰਦਾ ਤੇਰੇ ਨੈਣਾਂ ਵਿੱਚ ਮੈਨੂੰ ਉਮਰ ਕੈਦ ਹੋ ਜਾਵੇ ।
ਪਹਿਲੀ ਤੱਕਣੀ ਨਾਲ ਮਾਂਜ ਕੇ ਧਰ ਜਾਣਾ ,
ਬਿਨਾਂ ਪੁੱਛਿਓਂ ਕਿਸੇ ਦੇ ਦਿਲ ਵਿੱਚ ਵੜ ਜਾਣਾ ,
ਹੁਸਨ ਵਾਲਿਆਂ ਨੂੰ ਇਹ ਚੋਰੀ ਖ਼ਬਰੇ ਕੌਣ ਸਿਖਾਵੇ ,
ਜੀਅ ਕਰਦਾ ਤੇਰੇ ਨੈਣਾਂ ਵਿੱਚ ਮੈਨੂੰ ਉਮਰ ਕੈਦ ਹੋ ਜਾਵੇ ।
ਨੈਣਾਂ ਦੀ ਗੱਲ ਨੈਣ ਸਮਝ ਗਏ ਆਪੇ ਨੀਂ ,
ਰਿਸ਼ਤਾ ਤੇਰੇ ਨਾਲ ਉਹ ਬਣਦਾ ਜਾਪੇ ਨੀਂ ,
ਜਿਸ ਰਿਸ਼ਤੇ ਦਾ ਨਾਂ ਰੱਖਿਆਂ ਉਹਦੀ ਹੱਤਕ ਜਹੀ ਹੋ ਜਾਵੇ ,
ਜੀਅ ਕਰਦਾ ਤੇਰੇ ਨੈਣਾਂ ਵਿੱਚ ਮੈਨੂੰ ਉਮਰ ਕੈਦ ਹੋ ਜਾਵੇ ।
ਤੂੰ ਅੱਖ ਬਚਾ ਕੇ ***ਦੇਬੀ*** ਦੇ ਵੱਲ ਤੱਕਦੀ ਰਹਿ ,
ਗਾਉਂਦਾ ਰਹੇ ***ਮਖ਼ਸੂਸਪੁਰੀ*** ਤੂੰ ਨੱਚਦੀ ਰਹਿ,
ਖੜ੍ਹ ਜਾਏ ਚੰਦਰੇ ਵਕਤ ਦੇ ਪੈਰੀਂ ਮੋਚ ਜਿਹੀ ਕੋਈ ਆਵੇ ,
ਜੀਅ ਕਰਦਾ ਤੇਰੇ ਨੈਣਾਂ ਵਿੱਚ ਮੈਨੂੰ ਉਮਰ ਕੈਦ ਹੋ ਜਾਵੇ ।
|
|
15 Sep 2013
|
|
|
|
ਖੜ੍ਹੇ ਤੈਨੂੰ ਪਿੱਟਦੇ ਆਂ ਸੱਪ ਦੀਏ ਲੀਕੇ ਨੀ ,
ਫੌਜਦਾਰੀ ਕੇਸ ਵਿੱਚ ਪੈਂਦੀਏ ਤਰੀਕੇ ਨੀ ,
ਜਦੋਂ ਦਿਲ ਕੀਤਾ ਘੱਲ ਸੰਮਣ ਬੁਲਾ ਲਿਆ ,
ਨੀ ਸਾਨੂੰ ਤੇਰੇ ਸ਼ਹਿਰ ਦਿਆਂ ਗੇੜਿਆਂ ਨੇ ਖਾਂ ਲਿਆ ।
ਦੱਸ ਸੱਥੋਂ ਕਿਹੜੀਆਂ ਬਗਾਰਾਂ ਨਾ ਕਰਾਈਆਂ ਨੀ ,
ਤੇਰੇ ਸੱਦਿਆਂ ਨੇ ਪੈਰੀ ਜੁੱਤੀਆਂ ਨਾ ਪਾਈਆਂ ਨੀ ,
ਤੇਰੇ ਰੋੜ , ਸਾਡੇ ਪੈਰਾਂ ਵੱਲੀਆਂ ਬਿਆਈਆਂ ਨੀ ,
ਤੋੜਿਆ ਤੂੰ ਭਾਵੇਂ ਇਨ੍ਹਾਂ ਰਿਸ਼ਤਾ ਨਿਭਾ ਲਿਆ ।
ਨੀ ਸਾਨੂੰ ਤੇਰੇ ਸ਼ਹਿਰ ਦਿਆਂ ਗੇੜਿਆਂ ਨੇ ਖਾਂ ਲਿਆ ।
ਰੇਤ ਉੱਤੇ ਪੈੜਾਂ ਤੇਰੇ ਵਾਅਦੇ ਬਣ ਚੱਲੇ ਨੀ ,
ਯਾਰ ਨਾ ਜਹਾਨ ਦੱਸ ਕੀ ਆ ਤੇਰੇ ਪੱਲੇ ਨੀ ,
ਦਿਲਾਂ ਨੂੰ ਸਮਝਿਆਂ ਮੁੰਦਰੀਆਂ - ਛੱਲੇ ਨੀ ,
ਜਦੋਂ ਜੀਅ ਕੀਤਾ ਜਿਹਦੇ ਨਾਲ ਵੀ ਵਟਾ ਲਿਆ ।
ਨੀ ਸਾਨੂੰ ਤੇਰੇ ਸ਼ਹਿਰ ਦਿਆਂ ਗੇੜਿਆਂ ਨੇ ਖਾਂ ਲਿਆ ।
ਦਾਰੂ ਦੀਏ ਮੱਟੀਏ ਨੀਂ , ਰੂਪ ਦੀਏ ਹੱਟੀਏ ਨੀ ,
ਦਿਨੇ ਦੀਵੀਂ ਚੋਰੀਏ ਨੀ , ਸਫਿਆਂ ਤੋਂ ਕੋਰੀਏ ਨੀ ,
ਅਮਾਨਤੇ ਪਰਾਈਏ ਨੀ , ਹੋਣੀ ਦੀਏ ਜਾਈਏ ਨੀ
ਜ਼ਿੰਦਗੀ ਨਾ' ਰੁੱਸਿਆਂ ਨੇ , ਤੈਨੂੰ ਗ਼ਲ ਲਾ ਲਿਆ ।
ਨੀ ਸਾਨੂੰ ਤੇਰੇ ਸ਼ਹਿਰ ਦਿਆਂ ਗੇੜਿਆਂ ਨੇ ਖਾਂ ਲਿਆ ।
ਬਦਲੀ ਤੂੰ ਝੂਠਿਆਂ ਗਵਾਹਾਂ ਦੇ ਬਿਆਨਾਂ ਵਾਂਗ ,
***ਦੇਬੀ*** ਅਸੀ ਖੜ੍ਹੇ ਰਹੇ , ਲੁੱਟੇ ਅਰਮਾਨਾਂ ਵਾਂਗ ,
ਲੰਘੇ ਹੋਏ ਮਿਆਦ ਤੋਂ ਪੁਰਾਣਿਆਂ ਮਕਾਨਾਂ ਵਾਂਗ ,
ਬੁੱਲ੍ਹਾਂ ਉੱਤੇ ਚੁੱਪ ਵੱਲੱ ਜਿੰਦਾ ਮਰਵਾ ਲਿਆ ,
ਨੀ ਸਾਨੂੰ ਤੇਰੇ ਸ਼ਹਿਰ ਦਿਆਂ ਗੇੜਿਆਂ ਨੇ ਖਾਂ ਲਿਆ ।
|
|
15 Sep 2013
|
|
|
|
ਅੱਜ ਦੇ ਪਰਿਵਾਰਾਂ ਦਾ ਰੱਬ ਮੇਲ ਕਰਾਇਆ ਏ ,
ਮੈਨੂੰ ਦਿਓ ਵਧਾਈਆਂ ਨੀ , ਮੈਂ ਵੀਰ ਵਿਆਹਿਆ ਏ ,
ਅੱਜ ਕਰਮਾਂ ਵਾਲੇ ਦੇ , ਸਿਰ ਸਜਿਆ ਸਿਹਰਾ ਏ ,
ਅੰਮੀਂ ਤੇ ਭੈਣਾਂ ਦੇ , ਮੁੱਖਾਂ ਤੇ ਖੇੜਾ ਏ ,
ਖੁਸ਼ੀਆਂ ਵਿੱਚ ਬਾਬਲ ਦਾ , ਵਿਹੜਾ ਨਸ਼ਿਆਇਆ ਏ,
ਮੈਨੂੰ ਦਿਓ ਵਧਾਈਆਂ ਨੀ , ਮੈਂ ਵੀਰ ਵਿਆਹਿਆ ਏ ,
ਚਾਚੇ , ਤਾਏ , ਮਾਮੇ , ਸਭ ਦਿੰਦੇ ਵਧਾਈਆਂ ਨੇ,
ਸਭ ਸ਼ਗਨ , ਮਨਾ ਲਏ ਨੇ , ਭੈਣਾ ਭਰਜਾਈਆਂ ਨੇ ,
ਵਿਆਂਦੜ੍ਹ ਦੇ ਚਿਹਰੇ ਤੇ , ਅੱਜ ਨੂਰ ਸਵਾਇਆ ਏ ,
ਮੈਨੂੰ ਦਿਓ ਵਧਾਈਆਂ ਨੀ , ਮੈਂ ਵੀਰ ਵਿਆਹਿਆ ਏ ,
ਮਿਲਦੇ ਨਾ ਸਾਕ ਚੰਗੇ , ਜੇਕਰ ਕੋਈ ਟੋਲ੍ਹੇ ਨਾ ,
ਇਹ ਕਾਰਜ ਔਖੇ ਨੇ , ਜੇ ਹੋਣ ਵਿਚੋਲੇ ਨਾ ,
ਧੰਨਵਾਦ ਵਿਚੋਲੇ ਦਾ ਜਿਸ ਨੇ ਮੇਲ ਕਰਾਇਆ
ਮੈਨੂੰ ਦਿਓ ਵਧਾਈਆਂ ਨੀ , ਮੈਂ ਵੀਰ ਵਿਆਹਿਆ ਏ ,
ਜੋੜੀ ਜੁਗ ਚਾਰ ਜੀਵੇ , ਰਹੇ ਪਿਆਰ ਸਦਾ ਬਣਿਆ ,
***ਦੇਬੀ*** ਇਸ ਰਿਸ਼ਤੇ ਦਾ ਗੁਰੂ ਆਪ ਗਵਾਹ ਬਣਾਇਆ ,
ਅੱਜ ਸਾਥ ਉਹੋ ਮਿਲਿਆਂ , ਜੋ ਧੁਰੋਂ ਲਿਖਾਇਆ ਏ ,
ਮੈਨੂੰ ਦਿਓ ਵਧਾਈਆਂ ਨੀ , ਮੈਂ ਵੀਰ ਵਿਆਹਿਆ ਏ ,
|
|
15 Sep 2013
|
|
|