ਅੱਖਾਂ ਵਿੱਚ ਸੁਪਨੇ ਉਲੀਕੀ ਜਾਂਦੀ ਏ
ਮੈਥੋਂ ਜਾਅ ਨੀ ਹੋਣਾ ਓ ਉਡੀਕੀ ਜਾਂਦੀ ਏ
ਮੈਨੂੰ ਚਾਹੁੰਦੀ,ਮੇਰੀ ਮਜਬੂਰੀ ਜਾਣਦੀ,
ਬੁੱਲ੍ਹ ਹਸਦੇ ਨੇ ਰੂਹ ਚੀਕੀ
ਜਾਂਦੀ ਏ
"ਦੇਬੀ" ਮੈਨੂੰ ਦੁੱਖ ਹੈ ਕੇ ਮੇਰੇ ਕਰਕੇ,
ਜ਼ਿੰਦਗੀ ਕਿਸੇ ਦੀ ਐਵੇਂ ਬੀਤੀ ਜਾਂਦੀ ਏ

ਦੇਬੀ ਸਾਬ ਜੀ ਬਹੁਤ ਖੂਬ ਲਿਖਦੇ ਨੇ ,..............ਸਲਾਮ ਉਹਨਾਂ ਨੂੰ ,.............

ਬਿਲਕੁਲ ਜੀ

ਬਹੁਤ ਹੀ ਕਾਬਿਲੇ ਤਾਰੀਫ਼ ,.............jio veer

ਐਵੇਂ ਰੋ ਨਾ ਮੁਕੱਦਰਾਂ ਨੂੰ ਝੂਰ ਨਾ
ਸੋਨੇ ਰੰਗੀ ਪ੍ਰਭਾਤ ਬਹੁਤੀ ਦੂਰ ਨਾ
ਲੰਘ ਜਾਉ ਕਾਲੀ ਰਾਤ ਚੰਗੇ ਹੋਣਗੇ ਹਲਾਤ ਤੇਰੀ ਬਣੁ ਗੱਲਬਾਤ ਕੁੰਡੀ ਅੜ੍ਹ ਜਾਉਗੀ
ਬੂਹਾ ਕਰੀ ਨਾ ਤੂੰ ਬੰਦ ਛੱਡੀ ਆਸ ਦੀ ਨਾ ਤੰਦ ਰੱਖ ਹੌਸਲੇ ਬੁਲੰਦ ਗੁੱਡੀ ਚੜ੍ਹ ਜਾਉਗੀ


ਰਾਤਾਂ ਜਾਗੀਆਂ ਦਾ ਇੱਕ ਦਿਨ ਪੈ ਜਾਣਾ ਮੁੱਲ
ਲੋਕੀ ਬੰਜਰਾਂ ਦੇ ਵਿੱਚ ਵੀ ਖਿੜਾ ਲੈਂਦੇ ਫੁੱਲ
ਬਾਜ਼ੀ ਜਿੱਤਣੀ ਏ ਤੂੰਹੀਉਂ ਖੇਡ ਲਾ ਕੇ ਪੂਰਾ ਜੋਰ 
ਇਹ ਮੰਨ ਕੇ ਤੂੰ ਚੱਲ ਤੇਰੇ ਵਰਗਾ ਨਹੀਂ ਹੋਰ
ਜਾਨ ਵਾਰਦੇ ਤੂੰ ਪੂਰੀ ਬਸ ਥੋੜੀ ਜਿੰਨੀ ਦੂਰੀ ਤੇਰੇ ਵਿਹੜੇ ਮਸ਼ਹੂਰੀ ਆਪੇ ਵੜ ਜਾਉਗੀ
ਬੂਹਾ ਕਰੀ ਨਾ ਤੂੰ ਬੰਦ ਛੱਡੀ ਆਸ ਦੀ ਨਾ ਤੰਦ ਰੱਖ ਹੌਸਲੇ ਬੁਲੰਦ ਗੁੱਡੀ ਚੜ੍ਹ ਜਾਉਗੀ


ਜਿਹਨਾਂ ਹੌਸਲੇ ਨਾ ਛੱਡੇ ਜਿਹੜੇ ਹੋਏ ਨਾ ਨਿਰਾਸ਼
ਉਹੀ ਮੰਜ਼ਿਲਾਂ ਤੇ ਪਹੁੰਚੇ ਉਹਨਾ ਰੱਚੇ ਇਤਿਹਾਸ
ਜਿਹੜੇ ਔਖਿਆਂ ਹਾਲਾਤਾਂ ਵਿੱਚ ਮਾਰ ਗਏ ਮੱਲਾਂ
ਲੋਕੀ ਬੜਾ ਚਿਰ ਕਰਦੇ ਨੇ ਉਹਨਾ ਦੀਆਂ ਗੱਲਾਂ
ਚੁੱਕ ਕਲਮ ਦਵਾਤਾਂ ਲਾ ਦੇ ਦਿਨ ਅਤੇ ਰਾਤਾਂ ਜ਼ਿੰਦ ਔਖੀਆਂ ਜਮਾਤਾਂ ਆਪੇ ਪੜ੍ਹ ਜਾਉਗੀ
ਬੂਹਾ ਕਰੀ ਨਾ ਤੂੰ ਬੰਦ ਛੱਡੀ ਆਸ ਦੀ ਨਾ ਤੰਦ ਰੱਖ ਹੌਸਲੇ ਬੁਲੰਦ ਗੁੱਡੀ ਚੜ੍ਹ ਜਾਉਗੀ


ਦੇਬੀ ਇੱਕ ਨਹੀਂ ਹਜ਼ਾਰ ਵਾਰ ਗਿਆ ਲੁੱਟਿਆ
ਠੇਡੇ ਖਾਕੇ ਕਿੰਨੀ ਵਾਰੀ ਡਿੱਗਿਆ ਤੇ ਉੱਠਿਆ
ਰੱਬ ਆਸ਼ਿਕਾਂ ਦੇ ਨਾਲ ਸਦਾ ਕਰੇ ਅਣਹੋਣੀ
ਨਿੱਤ ਘੱਲਦਾ ਮੁਸੀਬਤ ਬਣਾ ਕੇ ਪਰਾਹੁਣੀ 
ਦੀਵੇ ਆਸ ਦੇ ਤੂੰ ਬਾਲ ਜਿਹਦੀ ਕਰਦਾ ਏ ਭਾਲ ਇੱਕ ਦਿਨ ਤੇਰੇ ਨਾਲ ਆਕੇ ਖੜ੍ਹ ਜਾਉਗੀ
ਬੂਹਾ ਕਰੀ ਨਾ ਤੂੰ ਬੰਦ ਛੱਡੀ ਆਸ ਦੀ ਨਾ ਤੰਦ ਰੱਖ ਹੌਸਲੇ ਬੁਲੰਦ ਗੁੱਡੀ ਚੜ੍ਹ ਜਾਉਗੀ

ਆਸਾਂ ਵਾਲੇ ਆਲ੍ਹਣੇ ਨਿੱਤ ਬਣਾਉਣੇ ਆਂ
ਬੋਲਕੇ ਦੁੱਖ ਨਹੀਂ ਦੱਸਦੇ ਤਾਂਹੀਉ ਗਾਉਣੇ ਆਂ
ਡਰ ਲੱਗਦਾ ਏ ਛੇਤੀ ਖਰਚੇ ਨਾ ਜਾਈਏ
ਤਾਂਹੀਉ ਥੋੜ੍ਹਾ ਲਿਖਦੇ ਥੋੜ੍ਹਾ ਗਾਉਣੇ ਆਂ
ਫੁਕਰੀਆਂ ਮਾਰਨ ਵਾਲੇ ਗਾਣੇ ਨਹੀਂ ਲਿਖਦੇ
ਤਾਂਹੀਉ ਉਹਨਾਂ ਦੀ ਗਿਣਤੀ ਵਿੱਚ ਨਾ ਆਉਣੇ ਆਂ
ਸਾਡੇ ਗਾਣੇ ਚੋਰੀ ਹੋਏ ਅਸੀਂ ਨਹੀਂ ਕੀਤੇ
ਹਰ ਇੱਕ ਦੀ ਅੱਖ ਵਿੱਚ ਅੱਖ ਪਾਕੇ ਗਾਉਣੇ ਆਂ
ਦਿਨ ਤਰੀਕ ਤੇ ਸਮਾਂ ਦੱਸ ਤਾ ਜੰਮਣੇ ਦਾ
ਸਾਲ ਨਹੀਂ ਦੱਸ ਸਕਦੇ ਉਮਰ ਛੁਪਾਉਣੇ ਆਂ
ਅੱਖ ਬਚਾ ਕੇ ਹੱਥ ਦੀਆਂ ਉਂਗਲਾਂ ਗਿਣ ਲਈਏ
ਜਦ ਉਹਦੇ ਨਾਲ ਦੇਬੀ ਹੱਥ ਮਿਲਾਉਣੇ ਆਂ

ਹੱਸਣ ਤੇ ਕੋਈ ਫੀਸ ਨਹੀਂ ਹੈ
ਤੰਦਰੁਸਤੀ ਦੀ ਰੀਸ ਨਹੀਂ ਹੈ
ਹੱਸਦੇ ਆਂ ਇਹਦਾ ਮਤਲਬ ਇਹ ਨਹੀਂ
ਸਾਨੂੰ ਕੋਈ ਤਕਲੀਫ਼ ਨਹੀਂ ਹੈ
ਸਾਡਾ ਕੰਮ ਉਡੀਕਦੇ ਰਹਿਣਾ
ਆਉਣ ਦੀ ਕੋਈ ਤਰੀਕ ਨਹੀਂ ਹੈ
ਜੰਗ ਦੇ ਬੱਦਲ ਜੱਗ ਤੇ ਛਾਏ
ਅੱਜਕਲ ਮੌਸਮ ਠੀਕ ਨਹੀਂ ਹੈ
ਚੇਤਾ ਤੇਰਾ ਅੱਜ ਵੀ ਆਵੇ
ਪਰ ਹੁਣ ੳਨੀ ਟੀਸ ਨਹੀਂ ਹੈ
ਦੇਬੀ ਤੂੰ ਵੀ ਲਿਖਦਾ ਰਹਿਣਾ
ਪਾਤਰ ਸਾਬ ਦੀ ਰੀਸ ਨਹੀਂ ਹੈ

ਮੁਸ਼ਕਿਲਾਂ ਦੁਸ਼ਵਾਰੀਆਂ ਨੂੰ ਹੱਸ ਕੇ ਝੱਲਦਾ ਰਵੇ
ਟਾਵਾਂ ਟਾਵਾਂ ਦੀਵਾ ਤੂਫਾਨਾਂ ਚ ਵੀ ਬਲਦਾ ਰਵੇ
ਹਿੰਮਤੀ ਲੋਕਾਂ ਨੂੰ ਮੰਜ਼ਿਲ ਰਹਿੰਦੀ ਏ ਉਡੀਕਦੀ
ਬੰਦੇ ਦਾ ਹੈ ਫ਼ਰਜ਼ ਦੇਬੀ ਸਦਾ ਹੀ ਚੱਲਦਾ ਰਵੇ

ਰੰਗੀ ਗਈ ਰੰਗੀ ਗਈ ਮੈਂ ਯਾਰ ਦੇ ਰੰਗ ਵਿੱਚ ਰੰਗੀ ਗਈ
ਜੋ ਸਾਰਿਆਂ ਨਾਲੋਂ ਸੋਹਣਾ ਏ ਉਹਦੇ ਨਾਲ ਅੱਜ ਤੋਂ ਮੰਗੀ ਗਈ



ਇਸ਼ਕ ਵਸੀਅਤਾਂ ਦਿਲ ਦੇ ਪੱਕੇ ਕਾਗਜ਼ ਤੇ ਲਿਖਵਾ ਲਈਆਂ
ਬਿਨ ਆਖੇ ਤੋਂ ਨੈਣਾਂ ਆਪਣੇ ਆਪ ਗਵਾਹੀਆਂ ਪਾ ਲਈਆਂ
ਉੱਤੇ ਯਾਰ ਦਾ ਨਾਮ ਉਕਰਿਆ ਪੈਰੀਂ ਝਾਂਜਰਾਂ ਪਾ ਲਈਆਂ 
ਉਹਦੀ ਬੀਹੀ ਆਪਣੀਆਂ ਅੱਡੀਆਂ ਗੇੜੇ ਮਾਰ ਘਸਾ ਲਈਆਂ
ਨੇਮ ਨਾਲ ਉਹਦੇ ਘਰ ਦੇ ਅੱਗਿਉਂ ਸੱਜਦਾ ਕਰਕੇ ਲੰਘੀ ਗਈ
ਰੰਗੀ ਗਈ ਰੰਗੀ ਗਈ ਮੈਂ ਯਾਰ ਦੇ ਰੰਗ ਵਿੱਚ ਰੰਗੀ ਗਈ



ਤਾਲ ਹੈ ਮੇਰੇ ਸਾਹਵਾਂ ਦੀ ਉਹਦੇ ਨਾਮ ਦਾ ਤੂੰਬਾ ਵੱਜਦਾ ਏ
ਉਹਤੋਂ ਕੀ ਲੁਕਾਉਣਾ ਜਿਹੜਾ ਸਭ ਦੇ ਪਰਦੇ ਕੱਜਦਾ ਏ
ਇੱਕ ਪਲ ਮੇਰੇ ਕੋਲ ਹੈ ਹੁੰਦਾ ਦੂਜੇ ਪਲ ਕਿਤੇ ਭੱਜਦਾ ਏ
ਦੁਨੀਆਂ ਸੋਹਣੀ ਪਰੇ ਪਰੇ ਕੋਈ ਉਹਦੇ ਵਾਂਗ ਨਾ ਸੱਜਦਾ ਏ
ਇਸ਼ਕ ਦੀ ਰੱਸੀ ਉੱਤੇ ਆਪਣੀ ਖੁਸ਼ੀ ਨਾਲ ਮੈਂ ਟੰਗੀ ਗਈ
ਰੰਗੀ ਗਈ ਰੰਗੀ ਗਈ ਮੈਂ ਯਾਰ ਦੇ ਰੰਗ ਵਿੱਚ ਰੰਗੀ ਗਈ



ਮੈਂ ਸੁਹਾਗਣ ਹੋ ਗਈ ਦੇਬੀ ਮਰਜ਼ੀ ਨਾਲ ਸਹੇੜ ਲਿਆ
ਲੋਕੀ ਕਹਿੰਦੇ ਇਸ ਕਮਲੀ ਨੇ ਖੂਹ ਹੈ ਪੁੱਠਾ ਗੇੜ ਲਿਆ
ਬਹਿਣ ਖਲੋਣ ਨਾ ਦੇਵੇ ਜਿਹੜਾ ਇਸ਼ਕ ਡੂਮਣਾ ਛੇੜ ਲਿਆ
ਪੱਥਰ ਪਾੜ ਨਿਗਾਂਵਾਂ ਕੋਲੋਂ ਆਪਾਂ ਬੂਹਾ ਭੇੜ ਲਿਆ
ਉਹ ਕੀ ਜਾਨਣ ਦਿਲ ਦੇ ਅੰਬਰ ਪੈ ਪੀਂਘ ਸਤਰੰਗੀ ਗਈ
ਰੰਗੀ ਗਈ ਰੰਗੀ ਗਈ ਮੈਂ ਯਾਰ ਦੇ ਰੰਗ ਵਿੱਚ ਰੰਗੀ ਗਈ

ਘਰ ਛੱਡਕੇ ਦੇਸ ਪਰਾਏ
ਅਸੀਂ ਭਲੇ ਦੀ ਖਾਤਰ ਆਏ
ਕਾਲਜ਼ ਜਾਈਏ ਕੰਮ ਵੀ ਡੱਟ ਕੇ ਕਰਦੇ ਆਂ ਪਤਾ ਹੈ ਲੱਗਿਆ ਸੱਚੀਆਂ ਸਖਤ ਕਮਾਈਆਂ ਦਾ
ਸੁਪਨੇ ਸਾਡੇ ਨਾਲ ਜੁੜੇ ਨੇ ਕਿੰਨਿਆਂ ਦੇ ਅਸੀਂ ਸਟੂਡੈਂਟ ਸਾਨੂੰ ਫ਼ਿਕਰ ਪੜ੍ਹਾਈਆਂ ਦਾ






ਸੁਪਨੇ ਦੇ ਵਿੱਚ ਰੋਜ਼ ਹੀ ਅੰਮੀ ਆਉਂਦੀ ਏ
ਸੁੱਖਣਾ ਸੁੱਖੀਆਂ ਇੱਕ ਇੱਕ ਕਰਕੇ ਲਾਉਂਦੀ ਏ
ਮੰਗ ਲਾਡਲੇ ਪੁੱਤ ਦੀ ਪੂਰੀ ਕਰ ਦਿੱਤੀ
ਪਿਉ ਨੇ ਅੱਧੀ ਪੈਲੀ ਗਹਿਣੇ ਧਰ ਦਿੱਤੀ
ਲਾਪਰਵਾਹ ਤੇ ਬੇਫ਼ਿਕਰੇ ਜਿਹੇ ਹੁੰਦੇ ਸਾਂ ਬੀਤ ਗਿਆ ਉਹ ਮੌਸਮ ਲਾਪਰਵਾਹੀਆਂ ਦਾ
ਸੁਪਨੇ ਸਾਡੇ ਨਾਲ ਜੁੜੇ ਨੇ ਕਿੰਨਿਆਂ ਦੇ ਅਸੀਂ ਸਟੂਡੈਂਟ ਸਾਨੂੰ ਫ਼ਿਕਰ ਪੜ੍ਹਾਈਆਂ ਦਾ





ਮਿਹਨਤ ਕਰਕੇ ਸਾਰੇ ਸ਼ੌਂਕ ਪੁਗਾਉਣੇ ਆ
ਏਸ ਮੁਲਕ ਵਿੱਚ ਆਪਾਂ ਪੈਰ ਜਮਾਉਣੇ ਆ
ਇੰਡੀਆ ਰਹਿੰਦੀ ਨਾਲ ਪੜ੍ਹੀ ਤੇ ਖੇਲੀ ਨੂੰ
ਫੇਸ ਟਾਈਮ ਵੀ ਕਰਨਾ ਹੁੰਦਾ ਸਹੇਲੀ ਨੂੰ
ਫੀਸਾਂ ਬੜੀਆਂ ਜਿੰਮੇਵਾਰੀਆਂ ਖੜ੍ਹੀਆਂ ਨੇ ਤਾਂ ਵੀ ਚੇਤਾ ਰੱਖੀਏ ਅੱਖੀਆਂ ਲਾਈਆਂ ਦਾ
ਸੁਪਨੇ ਸਾਡੇ ਨਾਲ ਜੁੜੇ ਨੇ ਕਿੰਨਿਆਂ ਦੇ ਅਸੀਂ ਸਟੂਡੈਂਟ ਸਾਨੂੰ ਫ਼ਿਕਰ ਪੜ੍ਹਾਈਆਂ ਦਾ





ਪੜ੍ਹਨ ਦੇ ਮੌਕੇ ਦਿੱਤੇ ਤੇ ਬੇਰੁਜ਼ਗਾਰਾਂ ਤੇ
ਦੇਬੀ ਸ਼ਾਬਾਸ਼ੇ ਇਹਨਾਂ ਸਰਕਾਰਾਂ ਦੇ
ਕਿਤੇ ਕਿਤੇ ਯਾਰਾਂ ਨਾਲ ਖਾ ਪੀ ਲੈਣੇ ਆਂ
ਅਸੀਂ ਪੰਜਾਬੀ ਨਾਲ ਮੜ੍ਹਕ ਦੇ ਰਹਿਣੇ ਆਂ
ਇੱਕ ਦੋ ਪਿੱਛੇ ਸਭ ਨੂੰ ਨਾ ਬਦਨਾਮ ਕਰੋ ਸਾਡੇ ਨਾਲ ਨਾ ਰਿਸ਼ਤਾ ਕੋਈ ਲੜ੍ਹਾਈਆਂ ਦਾ
ਸੁਪਨੇ ਸਾਡੇ ਨਾਲ ਜੁੜੇ ਨੇ ਕਿੰਨਿਆਂ ਦੇ ਅਸੀਂ ਸਟੂਡੈਂਟ ਸਾਨੂੰ ਫ਼ਿਕਰ ਪੜ੍ਹਾਈਆਂ ਦਾ