ਕੋਈ ਉਜੜਿਆ ਕੋਈ ਆਬਾਦ ਹੋਇਆ
ਦਿੱਤਾ ਸਬਕ ਤੂੰ ਹਾਲੇ ਨਾ ਯਾਦ ਹੋਇਆ
ਦੇਬੀ ਸੋਚਦਾ ਦੱਸੇਗਾ ਕੌਣ ਤੈਨੂੰ
ਕਿੰਨਾ ਜਿਕਰ ਤੇਰਾ ਤੈਥੋਂ ਬਾਅਦ ਹੋਇਆ
ਦੀਦ ਤੇਰੀ ਦੀ ਔੜ ਲੱਗੀ ਏ ਕਿੰਨੇ ਵਰ੍ਹਿਆਂ ਤੋਂ ਯਾਦਾਂ ਵਾਲੇ ਸਰੋਵਰ ਵੀ ਹੁਣ ਸੁੱਕੀ ਜਾਂਦੇ ਨੇ
ਤੂੰ ਤੇ ਚਾਰ ਕੁ ਦਿਨ ਹੀ ਗੱਲਾਂ ਕਰਕੇ ਤੁਰ ਗਈ ਸੀ ਮਿੱਤਰ ਹੁਣ ਤੱਕ ਤੇਰੀਆਂ ਗੱਲਾਂ ਪੁੱਛੀ ਜਾਂਦੇ ਨੇ




ਪੁੱਛਦੇ ਘਟਨਾ ਜ਼ਿੰਦਗੀ ਦੇ ਵਿੱਚ ਕੋਈ ਤੈਥੋਂ ਬਾਅਦ ਹੋਈ
ਪੁੱਛਦੇ ਮੈਨੂੰ ਪੱਟ ਕੇ ਕਿੱਥੇ ਤੂੰ ਆਬਾਦ ਹੋਈ
ਤੇਰੇ ਹਾਸਿਆਂ ਦੇ ਵਿੱਚ ਅੱਜ ਕੱਲ ਕੌਣ ਛਣਕਦਾ ਏ ਦੋਸ਼ ਤੇਰੇ ਤੇ ਜਾਂ ਕਿਸਮਤ ਤੇ ਸੁੱਟੀ ਜਾਂਦੇ ਨੇ
ਤੂੰ ਤੇ ਚਾਰ ਕੁ ਦਿਨ ਹੀ ਗੱਲਾਂ ਕਰਕੇ ਤੁਰ ਗਈ ਸੀ ਬਿੰਦਾ ਬੌਬੀ ਤੇਰੀਆਂ ਗੱਲਾਂ ਪੁੱਛੀ ਜਾਂਦੇ ਨੇ




ਇੰਤਜ਼ਾਰ ਕਿਸ ਗੱਲ ਦਾ ਤੈਨੂੰ ਰਹਿੰਦਾ ਹੋਵੇਗਾ
ਤੇਰੇ ਦੇਸ਼ ਵੀ ਸੂਰਜ ਚੜਦਾ ਲਹਿੰਦਾ ਹੋਵੇਗਾ
ਸਾਹਾਂ ਵਾਲੇ ਸੁਨੇਹੇ ਤੈਨੂੰ ਪਹੁੰਚਦੇ ਜਾ ਕਿ ਨਹੀਂ ਮੇਰੇ ਵੱਲੋਂ ਤਾਂ ਰੋਜ ਹੀ ਸੱਚੀ ਮੁੱਚੀ ਜਾਂਦੇ ਨੇ
ਤੂੰ ਤੇ ਚਾਰ ਕੁ ਦਿਨ ਹੀ ਗੱਲਾਂ ਕਰਕੇ ਤੁਰ ਗਈ ਸੀ ਮਿੱਤਰ ਹੁਣ ਤੱਕ ਤੇਰੀਆਂ ਗੱਲਾਂ ਪੁੱਛੀ ਜਾਂਦੇ ਨੇ




ਪੁੱਛਦੇ ਤੇਰਾ ਫੌਨ ਮੇਲ ਕਦੇ ਆਉਂਦੀ ਏ ਕਿ ਨਹੀਂ
ਨਵੇਂ ਸਾਲ ਦਾ ਕਾਰਡ ਕਦੇ ਕੋਈ ਪਾਉਂਦੀ ਏ ਕਿ ਨਹੀਂ
ਲੋਕਟ ਵਿੱਚੋਂ ਫੋਟੋ ਹੁਣ ਤਾਂ ਕੱਢਦੀ ਹੋਣੀ ਏ ਗੱਲੀਬਾਤੀ ਲੂਣ ਜਖ਼ਮ ਤੇ ਭੁੱਕੀ ਜਾਂਦੇ ਨੇ
ਤੂੰ ਤੇ ਚਾਰ ਕੁ ਦਿਨ ਹੀ ਗੱਲਾਂ ਕਰਕੇ ਤੁਰ ਗਈ ਸੀ ਬਿੰਦਾ ਬੌਬੀ ਤੇਰੀਆਂ ਗੱਲਾਂ ਪੁੱਛੀ ਜਾਂਦੇ ਨੇ।




ਤੂੰ ਮੇਰੀ ਕੀ ਲੱਗਦੀ ਕਿਸੇ ਨੂੰ ਸਮਝ ਨਹੀਂ ਆ ਸਕਦੀ
ਸਾਰਿਆਂ ਦੇ ਨਾਲ ਤੇਰੀ ਗੱਲ ਕੀਤੀ ਨਹੀਂ ਜਾ ਸਕਦੀ
ਦੇਬੀ ਦੇ ਨਾਲ ਤੇਰਾ ਰਿਸ਼ਤਾ ਦਫਨ ਹੈ ਜਿਹੜੀ ਥਾਂ ਨੈਣ ਕਮਲੇ ਰੋਜ਼ ਕਬਰ ਨੂੰ ਪੁੱਟੀ ਜਾਂਦੇ ਨੇ
ਤੂੰ ਤੇ ਚਾਰ ਕੁ ਦਿਨ ਹੀ ਗੱਲਾਂ ਕਰਕੇ ਤੁਰ ਗਈ ਸੀ ਮਿੱਤਰ ਹੁਣ ਤੱਕ ਤੇਰੀਆਂ ਗੱਲਾਂ ਪੁੱਛੀ ਜਾਂਦੇ ਨੇ

ਤੈਨੂੰ ਖਬਰ ਨਾ ਹੋਵੇ
ਮੈਥੋਂ ਸਬਰ ਨਾ ਹੋਵੇ
ਟੋਹਰ ਕੱਢ ਕੇ ਤਾਂ ਆਈ ਸ਼ੀਸ਼ੇ ਸਾਹਮਣੇ ਤੈਨੂੰ ਪਤਾ ਲੱਗੇ ਮੈਨੂੰ ਕਿਹਨੇ ਠੱਗਿਆ
ਮੇਰੇ ਦਿਲ ਦੀ ਆਵਾਜ਼ ਵੇਖੀ ਸੁਣ ਕੇ ਨਾਮ ਤੇਰਾ ਹੀ ਰਪੀਟ ਉੱਤੇ ਲੱਗਿਆ



ਸਾਡੀ ਸੁੱਚੇ ਮੂੰਹ ਦਿਹਾੜੀ ਪੈ ਜਾਂਦੀ ਏ ਅਸੀਂ ਡੇਲ੍ਹੀ ਤੇਰੇ ਰਾਹਾਂ ਵਿੱਚ ਖੜ੍ਹੀਏ
ਕਾਲਾ ਚਸ਼ਮਾ ਨਾ ਕਦੇ ਤੂੰ ਉਤਾਰਦੀ ਤੇਰੇ ਨੈਣਾਂ ਦੇ ਸਵਾਲ ਕਿਦਾਂ ਪੜ੍ਹੀਏ
ਨੀਂਦ ਆਉਂਦੀ ਨਹੀਉਂ ਮੇਰੇ ਕੋਲ ਰਾਤ ਨੂੰ ਦਿਨੇ ਤੂੰ ਨਾ ਇਸ਼ਾਰੇ ਨਾਲ ਸੱਦਿਆ
ਮੇਰੇ ਦਿਲ ਦੀ ਆਵਾਜ਼ ਵੇਖੀ ਸੁਣ ਕੇ ਨਾਮ ਤੇਰਾ ਹੀ ਰਪੀਟ ਉੱਤੇ ਲੱਗਿਆ




ਤੇਰੇ ਪਿੱਛੇ ਜਿਹੜੇ ਕਾਰਾਂ ਵਾਲੇ ਘੁੰਮਦੇ ਸਾਨੂੰ ਇਕੱਠਿਆਂ ਨੂੰ ਚਾਹੇ ਅਜਮਾ ਲਵੀਂ
ਨਾਮ ਛਾਤੀ ਤੇ ਕਦੋਂ ਦਾ ਤੇਰਾ ਲਿਖਿਆ ਕਿਤੇ ਜਾ ਕੇ ਕਚਿਹਰੀ ਲਿਖਵਾ ਲਵੀਂ
ਕਿੰਨੇ ਥਾਂਵਾਂ ਤੋਂ ਬਣਾ ਕੇ ਵੇਖੀ ਪੱਤਰੀ ਜੋੜ੍ਹ ਤੇਰਾ ਮੇਰਾ ਪੰਡਤਾਂ ਨੇ ਕੱਢਿਆ
ਮੇਰੇ ਦਿਲ ਦੀ ਆਵਾਜ਼ ਵੇਖੀ ਸੁਣ ਕੇ ਨਾਮ ਤੇਰਾ ਹੀ ਰਪੀਟ ਉੱਤੇ ਲੱਗਿਆ




ਹੁਣ ਤੂੰ ਵੀ ਮੈਨੂੰ ਗਿਣਤੀ ਚ ਰੱਖ ਲੈ ਨਾਮ ਆਸ਼ਕਾਂ ਦੀ ਗਿਣਤੀ ਚ ਆ ਗਿਆ
ਬੁੱਲ੍ਹ ਦੰਦਾਂ ਚ ਦਬਾ ਕੇ ਤੇਰਾ ਹੱਸਣਾ ਮੇਰੇ ਹੱਥਾਂ ਵਿੱਚ ਕਲਮ ਫੜਾ ਗਿਆ
ਤੈਨੂੰ ਤੇਰੇ ਹੀ ਦੁਆਲੇ ਲੱਗੂ ਘੁੰਮਦਾ ਗਾਣਾ ਦੇਬੀ ਦਾ ਜਦ ਰੇਡੂਏ ਤੇ ਵੱਜਿਆ
ਮੇਰੇ ਦਿਲ ਦੀ ਆਵਾਜ਼ ਵੇਖੀ ਸੁਣ ਕੇ ਨਾਮ ਤੇਰਾ ਹੀ ਰਪੀਟ ਉੱਤੇ ਲੱਗਿਆ

ਤੇਰੇ ਕਰਕੇ ਮੈਂ ਕਲਾਕਾਰ ਬਣਿਆ
ਅੱਜ ਤੇਰਾ ਯਾਰ ਹੈ ਸਟਾਰ ਬਣਿਆ
ਤੂੰ ਛੱਡ ਦੇ ਹੁਣ ਸ਼ਰਮਾਉਣਾ ਗੱਲ ਸੁਣ ਜਰਾ ਖੜ੍ਹ ਕੇ
ਤੇਰੇ ਨਾਲ ਵਿਆਹ ਕਰਵਾਉਣਾ ਕਰਵਾਉਣਾ ਅੜ੍ਹ ਕੇ
ਤੇਰੇ ਨਾਲ ਵਿਆਹ ਕਰਵਾਉਣਾ ਦੁਨੀਆਂ ਨਾਲ ਲੜ੍ਹ ਕੇ



ਚੜ੍ਹਦੀ ਜਵਾਨੀ ਤੈਨੂੰ ਤੰਗ ਕਰਦੀ
ਆਸ਼ਕਾਂ ਦੇ ਖੂਨ ਦੀ ਹੈ ਮੰਗ ਕਰਦੀ
ਮਰਜਾਣੇ ਇਸ਼ਕ ਦੇ ਮਾਰੇ ਘੁੰਮਦੇ
ਤੇਰੇ ਪਿੱਛੇ ਕਿੰਨੇ ਹੀ ਕੁਆਰੇ ਘੁੰਮਦੇ
ਤੇਰਾ ਕਿਸੇ ਨੂੰ ਵੇਖ ਮੁਸਕਾਉਣਾ ਮੇਰੀ ਅੱਖ ਵਿੱਚ ਰੜ੍ਹ ਕੇ
ਤੇਰੇ ਨਾਲ ਵਿਆਹ ਕਰਵਾਉਣਾ ਕਰਵਾਉਣਾ ਅੜ੍ਹ ਕੇ
ਤੇਰੇ ਨਾਲ ਵਿਆਹ ਕਰਵਾਉਣਾ ਦੁਨੀਆਂ ਨਾਲ ਲੜ੍ਹ ਕੇ



ਜਿਹੜੇ ਪਾਸੇ ਜਾਂਵੇ ਅਸੀਂ ਰਾਹ ਮੱਲਦੇ
ਤੈਨੂੰ ਵੇਖ ਵੇਖ ਸਾਡੇ ਸਾਹ ਚੱਲਦੇ
ਝੂੱਠ ਨਾ ਮੈਂ ਬੋਲਾਂ ਸੱਚ ਜਾਣੀ ਕੁੜੀਏ
ਤੂੰ ਹੀ ਮੇਰੇ ਗੀਤਾਂ ਵਾਲੀ ਰਾਣੀ ਕੁੜੀਏ
ਇੱਕ ਗਾਣਾ ਰੁਮਾਂਟਿਕ ਗਾਉਣਾ ਹੱਥ ਤੇਰਾ ਫੜ੍ਹ ਕੇ
ਤੇਰੇ ਨਾਲ ਵਿਆਹ ਕਰਵਾਉਣਾ ਕਰਵਾਉਣਾ ਅੜ੍ਹ ਕੇ
ਤੇਰੇ ਨਾਲ ਵਿਆਹ ਕਰਵਾਉਣਾ ਦੁਨੀਆਂ ਨਾਲ ਲੜ੍ਹ ਕੇ




ਥੱਕ ਗਿਆ ਵੇਟ ਤੇਰੀ ਰੋਜ਼ ਕਰਦਾ
ਅੱਜ ਤੈਨੂੰ ਯਾਰ ਪਰਪੋਜ਼ ਕਰਦਾ
ਦੇਬੀ ਵਾਰੇ ਮੂਡ ਤੂੰ ਬਣਾ ਲੈ ਸੋਹਣੀਏ
ਮਹਿੰਦੀ ਮੇਰੇ ਨਾਂ ਵਾਲੀ ਲਾ ਲੈ ਸੋਹਣੀਏ
ਮੈਂ ਸਿਹਰਾ ਬਣਕੇ ਆਉਣਾ ਘੋੜੀ ਤੇ ਚੜ੍ਹ ਕੇ
ਤੇਰੇ ਨਾਲ ਵਿਆਹ ਕਰਵਾਉਣਾ ਕਰਵਾਉਣਾ ਅੜ੍ਹ ਕੇ
ਤੇਰੇ ਨਾਲ ਵਿਆਹ ਕਰਵਾਉਣਾ ਦੁਨੀਆਂ ਨਾਲ ਲੜ੍ਹ ਕੇ

ਜ਼ਹਿਰ ਹੀ ਖਬਰੇ ਨਕਲੀ ਹੋਵੇ ਅਸਰ ਵੀ ਤਾਂਹੀਉ ਹੋਇਆ ਨਹੀਂ
ਤੂੰ ਸਾਰੇ ਹਥਿਆਰ ਵਰਤ ਲਏ ਫਿਰ ਵੀ ਦੇਬੀ ਮੋਇਆ ਨਹੀਂ
ਮੁੱਖੜਾ ਹੁਸੀਨ ਕੋਈ ਵੇਖਾਂ ਕਿਤੇ ਨੀਝ ਲਾ ਕੇ ਚਿਰਾਂ ਦੀ ਕਹਾਣੀ ਕੋਈ ਪੜ੍ਹੀ ਹੋਈ ਯਾਦ ਆਵੇ
ਸੋਹਣੇ ਕਿਸੇ ਮੱਥੇ ਉੱਤੇ ਨਿੱਕੀ ਜਿਹੀ ਤਿਉੜੀ ਵੇਖਾਂ ਨਿੱਕੀ ਜਿਹੀ ਗੱਲੋਂ ਐਵੇਂ ਲੜ੍ਹੀ ਹੋਈ ਯਾਦ ਆਵੇ 




ਜਦੋਂ ਕੋਈ ਮਿਸਾਲ ਸਾਡੀ ਦਿੰਦਾ ਹੈ ਹਨੇਰ ਨਾਲ
ਚੇਤਾ ਆਉਂਦਾ ਕਿਹੜੀ ਗੱਲੋਂ ਰੁੱਸੇ ਸੀ ਸਵੇਰ ਨਾਲ
ਜਦੋਂ ਕੋਈ ਕਿਸੇ ਨੂੰ ਦਲੀਲਾਂ ਤੇ ਸਫ਼ਾਈਆਂ ਦਿੰਦਾ ਝੂੱਠੀ ਊਜ ਆਪਣੇ ਤੇ ਮੜ੍ਹੀ ਹੋਈ ਯਾਦ ਆਵੇ
ਸੋਹਣੇ ਕਿਸੇ ਮੱਥੇ ਉੱਤੇ ਨਿੱਕੀ ਜਿਹੀ ਤਿਉੜੀ ਵੇਖਾਂ ਨਿੱਕੀ ਜਿਹੀ ਗੱਲੋਂ ਐਵੇਂ ਲੜ੍ਹੀ ਹੋਈ ਯਾਦ ਆਵੇ




ਆਪਣੇ ਉਜਾੜੇ ਵਿੱਚੋਂ ਹੋਇਆ ਕੋਈ ਆਬਾਦ ਦਿੱਸੇ
ਉਹਦੇ ਜਿਹੀ ਸੂਰਤ ਨਾ ਕੋਈ ਉਹਤੋਂ ਬਾਅਦ ਦਿੱਸੇ
ਬੇਨੂਰ ਚਿਹਰਾ ਵੇਖਾਂ ਆਪਣਾ ਤਾਂ ਰੱਬ ਵੱਲੋਂ ਰੂਹ ਨਾਲ ਵਿਹਲੇ ਮੌਕੇ ਘੜ੍ਹੀ ਹੋਈ ਯਾਦ ਆਵੇ
ਸੋਹਣੇ ਕਿਸੇ ਮੱਥੇ ਉੱਤੇ ਨਿੱਕੀ ਜਿਹੀ ਤਿਉੜੀ ਵੇਖਾਂ ਨਿੱਕੀ ਜਿਹੀ ਗੱਲੋਂ ਐਵੇਂ ਲੜ੍ਹੀ ਹੋਈ ਯਾਦ ਆਵੇ 




ਸ਼ੁਕਰ ਹੈ ਆਈ ਭਾਵੇਂ ਸਾਰਿਆਂ ਤੋਂ ਬਾਅਦ ਆਈ
ਦੇਬੀ ਦਿਆਂ ਗਾਣਿਆਂ ਨੂੰ ਉਹਦੇ ਵੱਲੋਂ ਦਾਦ ਆਈ
ਉਹਦੇ ਨਾਲ ਕਿਹੋ ਜਿਹਾ ਰਿਸ਼ਤਾ ਏ ਜਦੋਂ ਸੋਚਾਂ ਚੁੰਨੀ ਕੋਈ ਕਰੀਰਾਂ ਵਿੱਚ ਅੜ੍ਹੀ ਹੋਈ ਯਾਦ ਆਵੇ
ਸੋਹਣੇ ਕਿਸੇ ਮੱਥੇ ਉੱਤੇ ਨਿੱਕੀ ਜਿਹੀ ਤਿਉੜੀ ਵੇਖਾਂ ਨਿੱਕੀ ਜਿਹੀ ਗੱਲੋਂ ਐਵੇਂ ਲੜ੍ਹੀ ਹੋਈ ਯਾਦ ਆਵੇ

ਮੋਤੀਆਂ ਦੇ ਭਾਅ ਆਈ ਹੋਣੀ ਏ ਕੋਡੀਆਂ ਦੇ ਭਾਅ ਤੁੱਲ ਜਾਉਗੀ
ਹੋਲੀ ਹੋਲੀ ਸੋਹਣੀਏ ਤੂੰ ਨੱਚ ਨੀ ਸੋਨੇ ਦੀ ਪੰਜ਼ੇਬ ਖੁੱਲ ਜਾਉਗੀ



ਸਾਂਭ ਕੇ ਤੂੰ ਰੱਖ ਜਰਾ ਅੱਖ ਬੇਈਮਾਨ ਨੂੰ
ਪਾਉਂਦੀ ਆ ਸਿਆਪੇ ਜਿਹੜੀ ਆਸ਼ਕਾਂ ਦੀ ਜਾਨ ਨੂੰ
ਵੱਲ ਖਾ ਕੇ ਤੁਰਦੀ ਨੂੰ ਵੇਖ ਲੈ ਸੱਪਣੀ ਵੀ ਰਾਹ ਭੁੱਲ ਜਾਉਗੀ
ਹੋਲੀ ਹੋਲੀ ਸੋਹਣੀਏ ਤੂੰ ਨੱਚ ਨੀ ਸੋਨੇ ਦੀ ਪੰਜ਼ੇਬ ਖੁੱਲ ਜਾਉਗੀ



ਆ ਜਾ ਵਾਰਾਂ ਮਿਰਚਾਂ ਨਜ਼ਰ ਨਾ ਕੋਈ ਲਾ ਦਵੇ
ਕੱਚ ਦੀ ਬਣੀ ਏ ਕਿਤੇ ਐਵੇਂ ਤੇੜ ਆ ਜਵੇ
ਉੱਚੇ ਨੀਵੇਂ ਥਾਂ ਤੋਂ ਜਰਾ ਬਚ ਕੇ ਕਿਸੇ ਦੀ ਨਿਸ਼ਾਨੀ ਡੁੱਲ ਜਾਉਗੀ
ਹੋਲੀ ਹੋਲੀ ਸੋਹਣੀਏ ਤੂੰ ਨੱਚ ਨੀ ਸੋਨੇ ਦੀ ਪੰਜ਼ੇਬ ਖੁੱਲ ਜਾਉਗੀ



ਗਿੱਧੇ ਵਿੱਚ ਕਰੀ ਜਾਂਵੇ ਸਭ ਦੀਆਂ ਛੁੱਟੀਆਂ
ਦਾਰੂ ਦੀਆਂ ਸੋਂਹਾਂ ਅੱਜ ਫੇਰ ਦੇਬੀ ਟੁੱਟੀਆਂ
ਨੈਣਾਂ ਵਾਲੇ ਠੇਕੇ ਵਿੱਚੋਂ ਗੋਰੀਏ ਹੋ ਕੇ ਮੰਡੀਰ ਫੁੱਲ ਜਾਉਗੀ
ਹੋਲੀ ਹੋਲੀ ਸੋਹਣੀਏ ਤੂੰ ਨੱਚ ਨੀ ਸੋਨੇ ਦੀ ਪੰਜ਼ੇਬ ਖੁੱਲ ਜਾਉਗੀ

ਚੱਕ ਮੁੰਦਰੀ ਫੜਾ ਦੇ ਮੈਨੂੰ ਛੱਲਾ ਵੇ ਤੇਰੇ ਜਿਹਾ ਹੋਰ ਕੋਈ ਨਾ
ਮਸਾਂ ਮਿਲਿਆ ਸਬੱਬ ਨਾਲ ਕੱਲਾ ਵੇ ਤੇਰੇ ਜਿਹਾ ਹੋਰ ਕੋਈ ਨਾ



ਦਿਲ ਜਿਹਦੇ ਉੱਤੇ ਆਵੇ ਉਹਨੂੰ ਮੱਥਾ ਟੇਕਦਾ
ਸੌਦਾ ਹੋਵੇ ਚੰਗਾ ਫੇਰ ਪੈਸੇ ਕੌਣ ਵੇਖਦਾ
ਸੌਦਾ ਮਿਲ ਗਿਆ ਮੈਨੂੰ ਤਾਂ ਸਵੱਲਾ ਵੇ ਤੇਰੇ ਜਿਹਾ ਹੋਰ ਕੋਈ ਨਾ
ਚੱਕ ਮੁੰਦਰੀ ਫੜਾ ਦੇ ਮੈਨੂੰ ਛੱਲਾ ਵੇ ਤੇਰੇ ਜਿਹਾ ਹੋਰ ਕੋਈ ਨਾ



ਪਸੰਦ ਆਪੋ ਆਪਣੀ ਖਿਆਲ ਆਪੋ ਆਪਣਾ
ਮਾਇਆ ਆਪੋ ਆਪਣੀ ਤੇ ਮਾਲ ਆਪੋ ਆਪਣਾ
ਲੜੇ ਕੌਣ ਵੇ ਤਕਦੀਰ ਨਾਲ ਮੱਲਾ ਵੇ ਤੇਰੇ ਜਿਹਾ ਹੋਰ ਕੋਈ ਨਾ
ਚੱਕ ਮੁੰਦਰੀ ਫੜਾ ਦੇ ਮੈਨੂੰ ਛੱਲਾ ਵੇ ਤੇਰੇ ਜਿਹਾ ਹੋਰ ਕੋਈ ਨਾ



ਮੇਰੇ ਕਾਗਜਾਂ ਚ ਤੈਥੋਂ ਸੋਹਣਾ ਕੋਈ ਹੋਰ ਨਹੀਂ
ਕਿਸੇ ਕੋਲੋਂ ਮੋਹਰ ਲਗਵਾਉਣ ਦੀ ਕੋਈ ਲੋੜ ਨਹੀਂ
ਸਾਰਾ ਪਿੰਡ ਤੈਨੂੰ ਆਖੇ ਭਾਵੇਂ ਝੱਲਾ ਵੇ ਤੇਰੇ ਜਿਹਾ ਹੋਰ ਕੋਈ ਨਾ
ਚੱਕ ਮੁੰਦਰੀ ਫੜਾ ਦੇ ਮੈਨੂੰ ਛੱਲਾ ਵੇ ਤੇਰੇ ਜਿਹਾ ਹੋਰ ਕੋਈ ਨਾ




ਨਜ਼ਰਾਂ ਦੇ ਨਾਲ ਕੱਢੇ ਆਸ਼ਕਾਂ ਨੂੰ ਪੁੰਨਦੀ
ਤੂੰ ਨਾ ਮੰਨੇ ਕਿਸੇ ਦੀ ਤੇ ਮੈਂ ਵੀ ਨਹੀਂਉ ਸੁਣਦੀ
ਦੇਬੀ ਛੱਡਣਾ ਨਹੀਂ ਹੁਣ ਤੇਰਾ ਪੱਲਾ ਵੇ ਤੇਰੇ ਜਿਹਾ ਹੋਰ ਕੋਈ ਨਾ
ਚੱਕ ਮੁੰਦਰੀ ਫੜਾ ਦੇ ਮੈਨੂੰ ਛੱਲਾ ਵੇ ਤੇਰੇ ਜਿਹਾ ਹੋਰ ਕੋਈ ਨਾ

ਅਸੀਂ ਉਹਨੂੰ ਯਾਰ ਬਣਾ ਛੱਡਿਆ
ਅਸੀ ਜਾਣ ਕੇ ਮੋੜਾ ਖਾ ਛੱਡਿਆ
ਅਸੀਂ ਸੌਦਾ ਸਸਤੇ ਭਾਅ ਛੱਡਿਆ
ਦਿਲ ਮੁੰਦਰੀ ਨਾਲ ਵਟਾ ਛੱਡਿਆ
ਅਸੀਂ ਉਹਦੇ ਰਾਹ ਵਿੱਚ ਮਰਨਾ ਏ
ਉਹਨੇ ਹੋਰ ਕੋਈ ਨਾ ਰਾਹ ਛੱਡਿਆ
ਹੁਣ ਹੋਰ ਕੀ ਦੇਬੀ ਚਾਹੁੰਦਾ ਏ
ਅਸੀਂ ਯਾਰ ਨੂੰ ਰੱਬ ਬਣਾ ਛੱਡਿਆ

ਜੱਗਾ ਜੰਮਿਆਂ ਤੇ ਮਿਲਣ ਵਧਾਈਆਂ
ਵੱਡਾ ਹੋਕੇ ਖੌਰੇ ਕੀ ਬਣੁ ਜੱਗਿਆ
ਜੱਗਿਆ,ਸਿਰੇ ਦੀ ਚਾਲਾਕ ਦੁਨੀਆਂ ਨਾ ਜਾਈਂ ਠੱਗਿਆ





ਜੱਗੇ ਜੱਟ ਦੀ ਪਹਾੜ ਜਿਹੀ ਛਾਤੀ
ਜਿੰਮ ਵਿੱਚ ਜੋਰ ਮਾਰਦਾ ਤੜਕੇ
ਤੜਕੇ,ਬੁਲੱਟ ਦੀ ਡੁੱਗ ਡੁੱਗ ਤੇ ਸੀਣਾ ਧੜਕੇ




ਹਿੱਕ ਤਾਨ ਕੇ ਸ਼ੇਰ ਵਾਂਗੂ ਤੁਰਦਾ 
ਜੱਗਾ ਫੈਨ ਸੰਨੀ ਦਿਓਲ ਦਾ ਪੰਜਾ ਸੱਤਾਂ ਤੇ
ਪੰਜਾ ਸੱਤਾਂ ਤੇ,ਪੈ ਜਾਵੇ ਭਾਰੀ
ਯਾਰਾਂ ਉੱਤੇ ਭੀੜ ਜੇ ਬਣੇ ਖੜਦਾ
ਖੜਦਾ,ਰੱਬ ਤੋਂ ਬਗੈਰ ਨਾ ਕਿਸੇ ਤੋਂ ਜੱਟ ਡਰਦਾ





ਜੱਗਾ ਮੁੱਢ ਤੋਂ ਕੋਨਵੈਂਟ ਪੜਿਆ
ਬੋਲਦਾ ਪੰਜਾਬੀ ਠੋਕ ਕੇ ਨਾਲ ਜੀਨ ਦੇ 
ਨਾਲ ਜੀਨ ਦੇ,ਕੜਾਈ ਵਾਲਾ ਕੁੜਤਾ
ਜੱਚਦੀਆਂ ਮੁੱਛਾਂ ਜੱਟ ਖੁੰਡੀਆਂ
ਖੁੰਡੀਆਂ,ਕੀ ਖਾ ਕੇ ਮਾਂ ਨੇ ਜੰਮਿਆਂ ਗੱਲਾਂ ਹੁੰਦੀਆਂ




ਜੱਗਾ ਪਾਉਂਦਾ ਨੀ ਬਰੈਂਡਡ ਬਾਨੇ
ਪਾਵੇ ਜੋ ਬਰੈਂਡ ਬਣਦਾ ਜੈਲ ਲਾ ਕੇ
ਜੈਲ ਲਾ ਕੇ,ਸ਼ੌਕੀਨੀ ਨਹੀਂਉ ਦੱਸਦਾ
ਲੜ੍ਹ ਛੱਡ ਬੰਨੇ ਪਰਨਾ ਗਾਣੇ ਸ਼ੌਂਕ ਨਾਲ
ਗਾਣੇ ਸ਼ੌਂਕ ਨਾਲ,ਦੇਬੀ ਦੇ ਗਾਉਂਦਾ 
ਸਿਰੇ ਦੀ ਹੁਸੀਨਾਂ ੳਸ ਤੇ ਮਰਦੀ
ਮਰਦੀ,ਜੱਗੇ ਦਾ ਨੰਬਰ ਲੱਭ ਕੇ ਕਾਲ ਕਰਦੀ 

ਗਿੱਧੇ ਵਿੱਚ ਨੱਚਦੀਆਂ ਦੀਆਂ ਸੋਹਣੀਆਂ ਕਮਾਲ ਕਰੀ ਜਾਂਦੀਆਂ
ਉੱਡਦੇ ਹਵਾ ਦੇ ਵਿੱਚ ਡੋਰੀਏ ਸੋਨੇ ਰੰਗੀਆਂ ਪਰਾਂਦੀਆਂ


ਲੱਗਦੀਆਂ ਹੀਰਾਂ ਸੋਹਣੀਆਂ ਤੇ ਸੱਸੀਆਂ
ਰੱਬ ਦੇ ਸਬੱਬ ਨਾਲ ਹੋਈਆਂ ਇਕੱਠੀਆਂ
ਹੋਣਾ ਜਿਵੇਂ ਹੁਸਨ ਮੁਕਾਬਲਾ ਛਾਂਟ ਛਾਂਟ ਕੇ ਲਿਆਂਦੀਆਂ
ਉੱਡਦੇ ਹਵਾ ਦੇ ਵਿੱਚ ਡੋਰੀਏ ਸੋਨੇ ਰੰਗੀਆਂ ਪਰਾਂਦੀਆਂ


ਖੁੱਲ੍ਹੇ ਵਾਲ ਕਿਸੇ ਮਿੰਡੀਆਂ ਨੇ ਗੁੰਦੀਆਂ
ਸੋਨੇ ਦੀਆਂ ਛਾਪਾ ਕੋਕੇ ਛੱਲੇ ਮੁੰਦੀਆਂ
ਸੂਰਤਾਂ ਕਟਾਰ ਨਾਲੋਂ ਤਿੱਖੀਆਂ ਖੌਰੇ ਕਾਹਦੇ ਨਾਲ ਮਾਂਜੀਆਂ
ਉੱਡਦੇ ਹਵਾ ਦੇ ਵਿੱਚ ਡੋਰੀਏ ਸੋਨੇ ਰੰਗੀਆਂ ਪਰਾਂਦੀਆਂ


ਕੋਈ ਜੂਡੋ ਕੋਈ ਫੁੱਟਬਾਲ ਖੇਲਦੀ
ਕੋਈ ਵਿੱਚੋਂ ਦੇਬੀ ਦਿਲਾਂ ਨਾਲ ਖੇਲਦੀ
ਆਸ਼ਕਾਂ ਨਿਸ਼ਾਨੇ ਲਾਏ ਖਿੱਚ ਕੇ ਹਰ ਵਾਰ ਬਚ ਜਾਂਦੀਆਂ
ਉੱਡਦੇ ਹਵਾ ਦੇ ਵਿੱਚ ਡੋਰੀਏ ਸੋਨੇ ਰੰਗੀਆਂ ਪਰਾਂਦੀਆਂ

ਹੱਸ ਹੱਸ ਗੱਲਾਂ ਕਰਦੇ ਜਿਹੜੇ ਮਿਲਦੇ ਗਲ੍ਹ ਲੱਗ ਕੇ
ਪਤਾ ਨਹੀਂ ਲੱਗਦਾ ਕਿਸ ਵੇਲੇ ਗਲ੍ਹ ਘੁੱਟ ਜਾਂਦੇ ਮਿੱਤਰਾ
ਯਾਰਾਂ ਵਾਲਾ ਭੇਸ ਬਣਾ ਕੇ ਡਾਕੂ ਫਿਰਦੇ ਨੇ
ਦਿਲ ਵਿੱਚ ਕਿੱਧਰੇ ਘਰ ਵਿੱਚ ਆਕੇ ਲੁੱਟ ਜਾਂਦੇ ਮਿੱਤਰਾ






ਜਿਹਨਾਂ ਬੂਟਿਆਂ ਤਾਂਈ ਖੂਨ ਨਾਲ ਸਿੰਜਿਆ ਹੁੰਦਾ ਏ
ਲੋੜ ਪੈਣ ਤੇ ਛਾਂ ਤੋ ਵੀ ਇਨਕਾਰੀ ਹੋ ਜਾਂਦੇ
ਹੱਥ ਮਿਲਾ ਕੇ ਹੱਥਾਂ ਦੀਆਂ ਲਕੀਰਾਂ ਲੈ ਜਾਵਣ
ਨਾਲ ਤੋਰ ਕੇ ਡੂੰਘੇ ਟੋਏ ਸੁੱਟ ਜਾਂਦੇ ਮਿੱਤਰਾ
ਪਤਾ ਨਹੀਂ ਲੱਗਦਾ ਕਿਸ ਵੇਲੇ ਗਲ੍ਹ ਘੁੱਟ ਜਾਂਦੇ ਮਿੱਤਰਾ






ਕੱਚੇ ਪਿਲੇ ਝੜ ਗਏ ਪੰਮਿਆਂ ਰੋਸ ਕੀ ਉਹਨਾਂ ਤੇ
ਜਾਨ ਵਾਰਨੇ ਵਾਲੇ ਹਾਲੇ ਤੇਰੇ ਨਾਲ ਖੜ੍ਹੇ
ਆਖੀਰ ਨੂੰ ਇਤਬਾਰ ਕਿਸੇ ਤੇ ਕਰਨਾ ਪੈਂਦਾ ਏ
ਕਦੇ ਭਰੋਸੇ ਬਣ ਦੇ ਤੇ ਕਦੇ ਟੁੱਟ ਜਾਂਦੇ ਮਿੱਤਰਾ
ਪਤਾ ਨਹੀਂ ਲੱਗਦਾ ਕਿਸ ਵੇਲੇ ਗਲ੍ਹ ਘੁੱਟ ਜਾਂਦੇ ਮਿੱਤਰਾ







ਮੰਗ ਕੇ ਲਈ ਨਿਸ਼ਾਨੀ ਕਿੱਧਰੇ ਹੋਰ ਫੜਾ ਦਿੱਤੀ
ਸਾਡਾ ਨਾਮ ਮਿਟਾ ਕੇ ਖਬਰੇ ਕਿਹਦਾ ਲਿਖਿਆ ਏ
ਗੈਰਾਂ ਦੇ ਮੂੰਹ ਪਾਵਣ ਚੂਰੀ ਸਾਡੇ ਹਿੱਸੇ ਦੀ
ਇਹ ਵੇਖਣ ਤੋਂ ਪਹਿਲਾਂ ਜੱਗ ਚੋਂ ਉੱਠ ਜਾਂਦੇ ਮਿੱਤਰਾ
ਪਤਾ ਨਹੀਂ ਲੱਗਦਾ ਕਿਸ ਵੇਲੇ ਗਲ੍ਹ ਘੁੱਟ ਜਾਂਦੇ ਮਿੱਤਰਾ







ਫ਼ਨਕਾਰਾਂ ਦੀ ਮੰਡੀ ਵਿੱਚ ਜੇ ਆ ਕੇ ਬੈਠਾ ਏ
ਕੀਮਤ ਵੱਧ ਤੋਂ ਵੱਧ ਪਵਾ ਲੈ ਆਪਣੀ ਤੂੰ ਦੇਬੀ
ਸਸਤੇ ਵਿੱਚ ਕੁੱਝ ਲੱਭ ਜੇ ਲੋਕੀ ਕਦਰ ਨਹੀਂ ਕਰਦੇ
ਮੁਫਤ ਮਿਲੀ ਹੋਈ ਚੀਜ਼ ਨੂੰ ਰਾਹ ਵਿੱਚ ਸੁੱਟ ਜਾਂਦੇ ਮਿੱਤਰਾ
ਪਤਾ ਨਹੀਂ ਲੱਗਦਾ ਕਿਸ ਵੇਲੇ ਗਲ੍ਹ ਘੁੱਟ ਜਾਂਦੇ ਮਿੱਤਰਾ